Tah ieu teu pipaseaeun............sok mang teruskeun......
________________________________ Dari: Abbas Amin <[email protected]> Kepada: kisunda <[email protected]>; urangsunda <[email protected]> Dikirim: Jumat, 16 Desember 2011 13:35 Judul: [kisunda] Cersil Sund ka- 21 Episode ka -13 Ngadu Jajaten Jalma usul deui :” Ayeuna mah kieu wae, saha nu tadi geus mawa Nyi Epon, eta boga hak ti heula; tapi mun hayang meunangkeun Nyi Epon, kudu bisa ngelehkeun ………………. Sok we kuring laah ! Saha nu bisa ngelehkeun kuring tah eta nu bakal kawin ka Nyi Epon !” “Hahahahaha ! Wanian euy si juru masak ! Wanian euy si Jalma ! sok lah ku aing pangheulana ! Mani paheula heula eta para begal, hayang pangheulana, ngan si tilu begal nu cicing wae teh; da nyaho pisan kahebatan Jalma. Ki Jara ngagakgak:”Hahahaha ! Jalma , enyaan ilaing rek jadi tukang nguji Kula sakabeh ?!” Jalma :”Enya sok lah, ti batan euweuh mah, maning kuring lain !?” Ki Jara:”Hahahaha, enya lah sok we, tapi saha nu tiheula boga kasempetan tarung? Da Kula ge hayang ngawin eta budak teh, hahahaa !” Ki Raksa milu nyarita:”Tapi pan cek Jalma kuring limaan boga hak tiheula lantaran kuring limaan nu mawana.” Jalma:”Enya kitu, tah Ki Jara kudu sabar nunggu giliran.” Ki Jara nyarita bari rada ngagerem:”Eh Jalma, mun ilaing meunang . Mun henteu? Boa karek saurang ge maneh geus keok?” Jalma:”Tah eta hartina milik nu bisa meunangkeun Kuring; kuring ge rek enya2 supaya ulah gampang eleh !” Begal pada saleuseurian ngadenge omongan Jalma; ngan si Tilu begal nu repeh wae teh. Ki Raksa ngomong deui:”Kumaha tah nangtukeun saha pangheulana diantara nu limaan ?” Jalma:” Ieu kuring geus nyekel lima rokrak nu kira2 sarua gedena; tah limaanana kudu ngalungkeun eta rokrak; saha nu pangjauhna , nya manehna nu bakal boga hak pangheulana, nu kadua pangjauhna nyaa nomer dua, jeung saterusna.” Ki Jara milu ngomong:”Hahahaha ! Pinter ! Nyata si Jalma memang pinter ! Alus cukup adil, sok lah ayeuna urang ngamimitian.” Ger we sarurak para begal nu sejenna. Nya lima begal ka hareup; akhirna Ki Dipa nu pangjauhna; Ki Raksa mah ukur meunang tempat kadua. Hartina Ki Dipa nu bakal pangheulana boga kasempetan, ari Ki Raksa jeung nu sejenna rada handeueul; sabab kabehanana oge diluar nu tilu begal nyangka yen Jalma pasti elehna, ku sasaha oge. HANCA
