Episode ka 49 Neruskeun lalampahan Sanggeus dua bulan Jalma ngajar Ki Demang Mertoyo; nu memang hayang pisan bisa basa Walanda; nya kamajuanana gancang pisan Ki Demang teh; ayeuna geus ngarti kumaha cara2 make omonganana ( grammar ); cepetna ngarti lantaran nu ngajar bisa; nu diajar enya2 hayangna. Ayeuna Jalma mikirkeun rek neruskeun deui lalampahanana neangan Nyi Ipah tea. Kacaturkeun Utari , manehna geus teu tahan lantaran ayeuna manehna ngarasa boga hate ka Jalma; padahal manehna ti baheula tara deukeut jeung lalaki; sakalieun aya nu haha hehe saeutik ge geus disentak sengor ku Utari teh; tapi ayeuna manehna ngarasa aya parobahan ti sanggeus nempo Jalma; manehna ngarasa hayang deukeut terua jeung Jalma. Wah lamun eta si Mas Jalma indit, rek kamana deui aing neangan ? Ah keun urang sina tahan we ku Kang Demang. Sanggeus gilig hatena, gidig we Utari nepungan lanceukna nu kabeneran keur ngomong sorangan mraktekkeun Holland spreken tea. Nya langsung we disampeurkeun, pok nyarita:”Aduh Kang Mas Demang mani rajin pisan, nepi ka poho we ngurus adi mah.” “Hahahaha, henteu kitu Utari, tetep we akang mah heman ka sampeyan. Aya naon siga aya perlu ?” “Yeuh kang Mas, eta Mas Jalma teh pan pinter; pasti loba gunana keur kang Mas.” Ki Demang :”Enya, kunaon kituh ?” Utari:”Naha atuh ku akang teu ditahan eta Mas Jalma teh, sina cicing di dieu,” Omongna bari rada aleman; ku Ki Demang katempo yen unggal2 nyebutkeun ngaran Jalma paroman Utari rada robah; hehehe, boa2 hehehe, padahal manehna ka lalaki teh anti pisan. Wah lamun enya manehna resep ka Ki Jalma keun ku aing bakal diusahakeun. Kitu pikiran Demang waktu harita. Ki demang:”Enyaa, tapi kapan manehna teh jelema nu bebas; hiji Pendekar; nyao ti mendi; bejana keur neangan nu leungit; jadi kumaha carana bisa nahan manehna ?” Utari:”Ah Kang Mas mah sok api2 bodo. Yeuh Kang Mas angkat tah Mas Jalma jadi Jurutulis Kademangan pan beres. Naha Kang Mas Cangcaya ka na kabisa Mas Jalma ?” Demang Mertoyo:”Ah lain teu percaya; ngan eta meunang inspirasi ti mana diajeng; jeungna deui naha kira2 daekeun moal nya, Jalma dititah digawe di dieu ?” Utari:”Ku urang kudu diolo; mun perlu dibere imah nu alus; kitu deui pangiringna Si Bejo nu kuleuheu; bere imah di lembur.” Demang Mertoyo:”Ah lain pangiring, babaturanana.” Utari:”Potongan kitu mah, pantes keneh jadi pangiring Mas Jalma da, hehehe. Tah kumaha kira2 bisa teu Kang Mas ngalaksanakeunana.” “Ke heula anan, soal eta mah. Hehehehe, ayeuna Kang Mas rek nanya, naon sababna teu gugur teu angin si adi boga usul nu alus makoyo iku. Pan biasana mah Utari teh hare2 we tara pipilueun.”Cek Ki Demang ngalelekan.
