Sajeroning leumpang balik deui ka pasar, Jalma mikir yen kakara nyanghareupan Mawar Hideung wae, manehna can tangtu bisa hasil ngelehkeun jeung ngarebut Nyi Ipah; komo ayeuna bakal nyanghareupan salian ti Mawar Hideung, kudu oge nyanghareupan guruna. Kumaha yeuh ? cek na hatena. Ah tapi ieu mah melaan bebeneran kumaha engke we; ngan eta naha Mawar Hideung ngangkat murid Nyi Ipah ? Naha maksa atawa kumaha ? Jeung nyata geus loba nu dijadikeun murid ku Ieu si Mawar Hideung; salah sahijina nya eta Sari ! Leng deui Jalma nginget2 Sari; di mana kaciri Sari geus mopohokeun hubungan manehna baheula; kacirina leuwih taat ka Mawar Hideung. Wah cilaka , boa2 Nyi Ipah ge bakal kituna .Lamun nepi ka kitu tea mah, enyaan cilaka pisan, boro2 bisa mawa Nyi Ipah ka Wanayasa; boa teuing Nyi Ipah ge embungeun dibawa balik ? Jalma enyaan pusing jeung nguluwut hatena, lantaran nyanghareupan masalah nu musykil pisan; sajeroning leumpang balik manehna kawas nu rada linglung; ampir we sasab ka tempat sejen deui; untung panggih jeung Ki Bejo nu neangan Jalma; atuh nya balik we ka tempat nu dianjrekan tea. Ki Bejo heran nempo Jalma jiga nu linglung; nya manehna nanyakeun ka Jalma sabab2na. Ahirna Jalma nyaritakeun masalahna ka Ki Bejo, Si Bejo oge ngahuleng, ti na ku baluweng teu manggih jalan nu pihadeeun. Tapi ahirna Jalma solat Lohor; sanggeus shalat ngadu’a anu panteng tea; yen manehna ayeuna aya di na kasulitan. Sanggeus ngadu’a terus we dalahar; ayeuna Jalma rada tenang sabab geus aya cekelan na hatena yen masing sakumaha susahna oge; tapi keukeuh kudu dilakonan, hasilna mah pasrahkeun wae ka Gusti Nu Murbeng Alam; da urang mah Dharma nglakoni tea. Nya sanggeus reugreug mah Jalma terus we neruskeun lalampahan nuju ka Bantul rek nyusud Si Mawar Hideung; soal engkena kumaha Jalma masrahkeun ka Gusti; cek paribasana gagal ge ari geus dicoba mah teu panasaran; kitu pipikiran Jalma waktu harita.HANCA
