Subali poe ieu ngarasa cape pisan, badanna luut leet kesang; melong ka Jalma jeung ka Ki Bejo, manehna geus euweuh napsu deui rek tarung, malah na kereteg hatena manehna atoh yen ieu Budak ngora teh siga nu ngamusuh ka si Mawar Hideung; wah mun dibaladan tangtu loba untungna. Terus we Macan Telu nyampeurkeun ka Jalma jeung Ki Bejo; nu can waka indit ti dinya. “Eh Ki silah; maaf Kulo can nanya saenyana saha sampeyan duaan; nyata sampeyaan lain sabangsa Pendekara Kacangan, Kulo menta maaf tadi geus teu sopan ka sampeyan” Ngomongna kitu Subaali rengkuh ka Jalma; diturutan ku Ki Maruto jeung Ki Gento; nu oge menta maaf. Terus malahan eta nu tiluan ngahaja ngondang Jalma supaya datang katempatna. Jalma gancang males hormat eta si Macan Telu, terus nolak sacara sopan:”Eu …… kuring jeung sampeyaan sedoyo cara minyak jeung cai; tah kuring aya tujuan nu can tuntas; kula pamit rek nuntaskeun eta masalah.” Subali teu gedag terus nyarita deui :”Tadi kadenge saliwat, sampean aya masalah jeung Mawar Hideung; mun perlu, Kulo si Macan Telu arek ngabantuan sampeyan, supaya tugas sampeyan gancang beres.” Jalma:”Nuhun pisan, sampean Macan Telu, rek ngabantuan Kulo; tapi ieu urusan pribadi Kulo nu moal bisa kacampuran ku leungeun sejen, Kulo nuhun pisan kana maksud sampeyan nu hade. Tapi teu kudu dibantuan, asana mah Kulo ge masih bisa ngarengsekeunana,” “Hahahaha, Kulo ge maphum sampeyan memang Pendekar ngora nu hebat; Kulo bener2 muji ka na kagagahan sampean; Kulo ge can puguh tadi bisa ngelehkeun sampeyan. Cing naon atuh masalah sampeyan jeung si Mawar Hideubg teh ?” Jalma :”Cek Kulo oge, ieu mah masalah pribadi pisan, teu meunang nu sejen pipilueun; keun we bakal direngsekeun ku cara Kulo sorangan; sampean Macan Telu teu kudu apal ka na urusan Kulo.” Rada harendeg Subali; Maruto jeung Gento oge semu keuheuleun ka Jalma; tapi maranehna ngarti teu gampang ngelehkeun ieu dua pendekar ngora; jadi leuwih aman ulah tarung; komo di na poe ieu mah, loba pisan karugian ti pihak Macan Telu; sigana loba nu korban; nu kudu gancang2 diurus; jeung nu leuwih penting; pindah ulah di eta tempat; lantaran geus kapanggih ku pihak Karajaan. Sanggeus nyebutkeun ngaran manehna jeung KI Bejo; terus we Jalma neruskeun lampahna nuju Bantul; tempatna Mawar Hideung. HANCA
