“Sok atuh tong nyarita wungkul ! sok kumaha elmu gerak hampang raga nu alus teh?” Sangga Prakosa saperti biasa geus ngaledek deui :”sok atuh salametan tumpengan heula.” Nyi Padmini sigana ayeuna mah enya2 hayang diajarna; terus harita keneh ngageroan :”Ilung !” Jol we hiji budak nu umurna kakara 12 taunan:”Dalem…… Nggih, wonten nopo ndoro ?” “Ilung, coba ka Mbok Siti, gancang nyieun tumpeng, jeung ayakeun salametan !” “Nggih ndoro Padmini.” Teu loba omong eta budak nu disebut si Ilung teh terus we ngaleos deui. “Hahahaha, matur nuwun Den Ayu, dhisik kulo arep turu di kamer !” Ngomongna kitu teh bari ngaleos asup ka gedongna. “Ih enya pikasebeleun ! “Cek Padmini di na hatena.”Tapi aing kudu sabar; lamun hayang meunang elmu.” Nya peutingna diayakeun hajat dadakan; tah di dinya ki Renggono atawa Ki Brojo Nitis keur leutik apal ka Ki Sangga Prakosa atawa Ki Nurustunjung tea; ti harita manehna sering nempo Eta Ki Sangga sering mapatahan Ndoro Padmini dina ngalatih elmu silat; nepi ka na hiji waktu kadatangan Seta Prayitna nu ngangkir ingkang Raka ngadep ka Romo Adipati Di na eta gempungan hadir prameswari nya eta ibuna Nyi Padmini; Prayitna jeung adina Joko Lelono; nu dua deui mah teu diajak da burey keneh. Adipati:” nduk, hidep apal naon sababna diangkir ka dieu ?” Padmini:”Duh Rama Paduka; naon kasalahan kuring, nepi ka ayeuna kedah ngadep ka Romo ?” Adipati:”Hahahaha ulah sok suudzon kitu pamali. Romo ngangkir ka sampeyan, lain pedah nduk aya kasalahan. Reg Adipati liren heula … pok nyambung deui bari bear marahmay, jauh ti na kabendu :”Nduk, ayeuna geus sabaraha umur teh ? Mun teu salah mah 21 jalan nya ? Yeuh nu sejen mah umur sakitu teh geus incuan; na ari anak romo, nepi ka ayeuna kitu wae ? kumaha tah ?” Sajongjongan mah Nyi Ajeng Padmini ngahuleng we, da memang ayeuna manehna geus ngaliwatan umur; padahal kabeh ge awewe2 boh cacah boh menak, umur sakitu mah geus baroga anak. HANCA
