Ari bengker suku Lasmini Dewi ayeuna mah make dibeungbeuratan ku timah hideung nu beurat; atuh ari leumpang teh estu hese beleke; kungsi oge ieu Lasmini nanya naha kuring disiksa kieu ibu ? Padmini bari deudeuh ngusapan sirah Lasmini; eh nduk percaya hidep ka ibu; ibu moal nyilakakeun ka hidep; ibu nyaah pisan ka hidep; tapi ibu hayang nempo hidep jadi jelema nu perkasa salian ti sehat. Lasmini ngarti, terus we mamake eta beungbeurat ka mana mana. Naon sababna Padmini jeung Lasmini bisa basa Sunda ? Ari Adipati Jepara teh, Kacida ngahargaanana ka na masalah pendidikan; nya ngadatangkeun ahli2 keur ngawulang barudakna; nya atuh aya ahli basa Walanda, Sunda jste. Nu matak Padmini lancar basa Sundana, mangkaning Sunda palajaran, lain Sunda pilemburan; atuh basa Sunda Padmini teh basa Sunda Priangan pisan. Ari ka na basa Walanda mah, Padmini teu pati hayang, asal ngarti sautak saeutik we cenah. Keun eta mah jang adi Arya cenah. Tah basa Sunda ge diajarkeun ka Lasmini Dewi. Nu matak Lasmini lancar oge basa Sundana. Waktu Lasmini umurna geus 10 taun kungsi oge dibawa ka Kadipaten Jepara, lantaran Adipati Ranuwijaya teu damang wales. Waktu di Kadipaten, Lasmini ngagegerkeun Kaputren, lantaran ngamuk ka dulur2na anak2 adi2na Padmini.HANCA
