> --- In [email protected], Sp Saprudin <udarider@...> wrote:
> Faham ieu geus nyiliwuri jeung asup ka Indonesia.
Oh sumuhun Kang Udin, faham Wahabi geus lebet ka Indonesia, malah ti kapungkur
keneh, ti awalna faham ieu lahir. Dina Sajarah Indonesia, khususna sajarah
Minangkabau, aya Perang Paderi (1803-1838) nu salah sahiji tokohna jadi
Pahlawan Nasional Tuanku Imam Bonjol. Perang Paderi teu leupas tilu urang
Minang nu mulang ti Mekkah di akhir taun 1700'an. Cenah mah tilu urang Minang
ieu teh jadi pengikut Imam Wahab, malah aya nu nyebutkeun jadi tantarana Ibn
Saud (Pendiri Dinasti Saud nu ayeuna ngawasa Arab Saudi jeung oge minantuna
Imam Wahab). Tilu Haji urang Minang ieu mulang ka lemburna, waktu Makkah geus
ditaklukeun ku Ibn Saud ti kakawasaan Turki Othoman.
Samulangna kalemburna di Minang, tilu haji ieu dakwah, tepika narik kaum
ulama, nu sigana mah kuciwa ku kalakuan kaum adat nu dianggapna geus loba
ngalanggar aturan agama. Akibatna mucunghul konflik peperangan antara kaum
ulama jeung kaum adat (karajaan Pagaruyung). Perang ieu disebut Perang Paderi
(paderi = pendeta/ulama). Para pamimpin perang Paderi sok disebut Harimau nan
Salapan. Salah saurangna kasohor ku katelengesana, Tuanku Nan Renceh.
DIna awal perang, kaum adat nu kadesek, kulawarga karajaan Pagaruyung ampir
beak, dibantai. Nu salamet akhirna menta bantuan Walanda, nu harita markasna di
Padang. Walanda daek mantuan, tapi menta kompensasi, akses ka pedalaman tanah
minang. Peperangan ieu akhirna jadi mamawa Walanda. Sanggeus mamawa walanda,
kaum Paderi kadesek, akhirna para pamimpinna, Harimau nan Salapan, nunjuk
saurang panglima, nu katelahna Imam Bonjol. Sanggeus dipimpin Imam Bonjol,
mimitina mah manggih kameunangan, ngan saterusna mah terus kadesek.
Cenah mah Tuanku Imam Bonjol mimiti intropeksi, naha naon atuh sabenerna
kajadian di Mekkah teh, nu pangaruhna ka Tanah Minang dibawa ku "Tilu urang
Haji" tea. Anjeunna ngirim jalmi sababaraha urang ka Mekkah. Sanggeus
perjalanan sataun, utusan Imam Bonjol teh tepi ka Mekkah. Tapi Mekkah geus
robah, teu dikawasa deui ku Ibn Saud (Wahabi) , kakawasaan geus balik deui ka
Turki Othoman. Dina Sajarah Arab Saudi, Ibn Saud teh ditawan tantara Turki,
dibawa jeung dihukum gantung di Istambul.
Kuring poho deui caritana, naha utusan Imam Bonjol teh kungsi papendak deui
jeung Imam Bonjol atawa henteu. Nu jelas Imam Bonjol ditewak Walanda
diasingkeun mimiti ka Cianjur, terus ka Minahasa Sulawesi Utara.
Diangkatna Tuanku Imam Bonjol jadi pahlawan Nasional, mucunghulkeun kontroversi
jeung urang Batak Mandailing. Sabab urang Batak ngarasa kumaha telengesna bala
tantara kaum paderi teh. Kontroversi ieu ti taun 1964 keneh tepika ayeuna.
WLY
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
[email protected]
[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
