Episode ka 61 : Mawar Hideung in Action Jilid 2 Mawar Hideung ayeuna mah inditna ti Losari kalawan kalengkepan nu leuwih di bandingkeun jeung waktu ngalalana mimiti. Manehna nyieun bandera2 laleutik nu digambaran ku Kembang Ros hideung. Kembang Ros hideung ngalambangkeun hiji kembang nu mucunghul ngan ukur hiji2na di na satangkal teh; tara aya duana. Nu matak manehna ngalambangkeun dirina ka na eta Ros Hideung ; ku sabab manehna hayang jadi Pendekar nu pang nyongcolangna, mun bisa ngaleuwihan bapana; sahenteuna sajajar. Ieu patekadan Pendekar Mawar Hideung; nu memang digedekeun ku Padmini supaya Jadi Pendekar pinilih. Ayeuna Mawar Hideung boga tekad, ngangkat harkat darajat wanita nu sok sering dilecehkeun ku lalaki; manehna boga tekad hayang nembongkeun yen awewe bisa leuwih hebat ti batan lalaki. Tapi ayeuna mah beda jeung waktu mimiti ngalalana neangan pangalaman; ayeuna mah dimana mana Mawar Hideung datang, bari make pakean sarwa Hideung digambaran Ros Hideung; euweuh hiji ge lalaki nu wani ngadeukeutan; Pendekar2 ayeuna mah mandang ka Mawar Hideung, hiji sosok Pendekar nu kudu dijauhan; mun bisa jadi mitra, tapi kudu dijaga ulah ngamusuh ka manehna. Salila diperjalanan teu aya nu wani; malah kakara ngadenge ge yen Mawar Hideung bakal ngaliwat ka hiji tempat; maka tempat eta teh dijarauhan pisan ku Para pendekar; komo atuh bangsa oah2 mah; geus nyalingkir samemeh Mawar Hideung datang. Manehna ngarasa sugema oge ku kaayaan kitu teh. HANCA
