alah.... bah Aa mah neruskeun cersil teh pondok pisan... sing panjanga atuh bah. bacaeun tamba kesel keur puasa. sok ah lanjutanna ditungguan sing ngagebay panjang.
________________________________ Dari: Abbas Amin <[email protected]> Kepada: kisunda <[email protected]>; urangsunda <[email protected]> Dikirim: Rabu, 1 Agustus 2012 17:02 Judul: [kisunda] Cersil Sunda 241 Nu manehna rada harendeg jeung kurang sugema, nya eta lamun manehna nyimpang ka warung rek dahar; salian ti para lalaki nu keur dalahar mani gancang barirat, terus tukang warungna teu daek nampa bayaran ti Mawar Hideung; pajarkeun keur Pendekar Mawar Hideung mah, ku daek datangna oge geus hiji hal nu ngabungahkeun pikeun tukang warung. Kungsi Mawar Hideung patorong torong jeung tukang warung, alatan Mawar Hideung keukeuh hayang mayar, ari tukang warung keukeuh embung nampa. Nya ahirna mah Mawar Hideung eleh deet; indit bari gratis. Wah aya untungna, tapi oge barabe aing make pakean kieu mah. Cek Mawar Hideung na hatena. Ah ayeuna mah aing kudu nembongkeun diri awewe biasa; ke mun aya atawa manggih masalah , kakara bagean Mawar Hideung kudu turun. Tapi mun awewe biasa , tangtuna ge teu meunang nembongkeun kawani komo kajagoan mah. Sanggeus gilig hatena; Mawar Hideung gesat gesut ucul2 terus make pakean awewe biasa; terus asup ka hiji pakampungan; manehna ngadatangan hiji imah reyod, di eta pakampungan teh; nu nyicinganana hiji nini2 nu rupana goreng patut; malah deukeut2 ka pikasieuneun buukna bodas ngaplak; ngaranana “Nini Anti”. HANCA
