lah kagok bah aa mah ngadongeng teh ngan sauted pisan. sing panjang naggebay atuh bah..:) jigana saimbang tah elmuna urang bali teh jeung jalma, waktu si jalma can guguru deui. tapi ayeuna mah moal. da si jalmana geus leuwih luhung deui elmuna nya...:)
________________________________ Dari: Abbas Amien <[email protected]> Kepada: kisunda <[email protected]>; urangsunda <[email protected]> Dikirim: Rabu, 7 November 2012 20:07 Judul: [kisunda] Cersil Sunda 302 Ki Seca jeung Garniwa kacida amarahna; maranehna Pendekar jadug, naha make sieun ku ieu Urang Bali !? Wah kurang ajar pisan; nganggap manehna geus bakal meunang ?! Ki Seca ayeuna mah nu nyorowok :”Hahahaha … yeuh euweuh di Kaula eta Mustika teh … najan di ayana oge; pasti moal dipasrahkeun ka sampeyan !” Nyoman Sakarta ngadenge omongan nu nunjukkeun yen eta nu duaan bakal ngalawan; terus we seuri nu sinis tea; bari keukeuh yakin yen manehna bakal meunang: Hemh ! mun kitu sampeyan geus tega ka na nyawa sampeyan ? Yeuh masing maraneh ayeuna teu mawa eta barang Mustika; tangtu ari informasina mah aya; tah Kula menta informasi dimana ayana eta Mustika teh !?” “Hahahaha ! Tong loba omong Urang Bali ! Kaula Garniwa jeung Seca moal mundur; sok kadinya tembongkeun kabisa sampeyan !” Ki Garniwa ahirna nangtang. Nyoman Sakarta hayang nyaho kagagahan eta dua anggota lima Macan Cirebon terus we manehna ngibaskeun leungeunna tanda pasukanana gancang ngagempur. Belasan jelema nyerang ku gobang nu pating sariet … hiaaat ! Des ! Dug ! sababaraha anggota Singa Barong geus ting talambru; harita keneh. Ki Garniwa geus ngaluarkeun kabisana. Mundur ! Nyoman Sakarta nyorowok. Terus maju makalangan. “Hahahaha … rupana maraneh duaan pendekar jadug nya ? Sok coba ayeuna jeung Kaula, hayang nyaho kajagoan andika duaan nepi ka mana !?” KI Seca miheulaan nyerang, teu nungguan deui Ki Garniwa; kesit Nyoman Sakarta ngalayanan; duanana kaciri ruket; tapi teu lila plok ! aduuh ! Ki Seca kokoloyongan katinggang iga burungna; ampir we rubuh. Eta hiji tanda yen Nyoman Sakarta memang saluhuran Ki Seca. Ki Garniwa kaget nempo kajagoan Nyoman Sakarta; manehna teu nyangka bakal panggih jeung jago saperti kitu; terus wae manehna ngaluarkeun jurus2 Pamonyet nyerang Nyoman Sakarta. Nyoman Sakarta kaget oge, sababaraha kali ampir kabeunangan … tapi ahirna manehna bari susuit terus ningkatkeun elmuna … sanggeus tilu jurus harita keprok ! Duk ! Dua kali Ki Garniwa katonjok; nepi ka gugulingan. Hanca
