Kumaha cara NGITUNG ayana Korupsi di Daerah ?
Kira2 tilu mingguan nu geus kaliwat, aya warta ngeunaan gedena atawa ayana korupsi di daerah2; tah Jawa Barat oge kaasup numer sabaraha harita teh ? nomer 20. Nu jadi pikiran, bari teu weleh kacida heranna, kumaha Ngitungna eta Korupsi ? Naha ku Kirata; nya eta di kira2 supaya nyata ? atawa ku prediksi rada Ilmiah meueusan; atawa ku laporan2; atawa ti na lobana nu geus ditangkep ? Mun ku urang dipikirkeun leuwih jauh, jelas eta INFORMASI ngeunaan Korupsi teh, lain wae teu bisa dijadikeun palenggeran; ngan oge ieu mah sigana ngabustam ngabual pisan. Asa teu mungkin Korupsi bisa didata. Mun ti nu nu geus ditangkep; eta mah meureun nu kudu diniley teh Jaksa jeung Pulisi na lain Korupsina. Sabab urang bakal nyebutkeun yen Koruspsi nu sabenerna jauuuuh leuwih ti kitu. Mun ti na ayana laporan ? Komo deui atuh, kapan can puguh aya nu salah tea. Jigana mah ieu daftar teh ngahaja dijieun, supaya pa reueus reueus; tuh korupsi daerah UING mah leutik ! Atawa tuh geuning aya nu ngawaskeun Korupsi teh teu diantep wae ! Padahal sakabehna ge jigana teh bustam alias Rahul; alias Bohong gede. Atuh cenah ayana KPK meureun Korupsi teu meuweuh teuing ! Ah moal bisa; Kpk kapeka; korupsi mah jalan terus. Naon buktina ? Tuda satiap nu dituduh, mun geus sina ngomong loba pisan dalihna; jadi akhirna teu bisa dituduh. Paling ge lamun nu dikorbankeun. Samodel kasus Hambalang; anas nu dikorbankeun. Sigana mah moal mungkin anas U sosoranganan; pasti aya KKN na. Tapi mun urang siap jadi Pamimpin Rakyat; di na kuku2 kakuasaan MAFIA; kudu siap jadi WADAL; pikeun nyalametkeun MAFIA sagemblengna. Mun korban teu bisa diciptakeun; KASUSNA diputer puter; nepi ka jadi teu pararuguh; malah akhirna kudu ditanggung jawab ku Rakyat. Contona kasus Leutak Lapindo. Mun henteu; nu wani gana2 nyilidik terus bakal DIKONDISIKEUN; saperti contona Antasari jeung Susno Dwaji. Jadi memang sigana moal bisa Korupsi di NKRI dieureunkeun; meureun sarua jeung NGEUREUNKEUN NKRI. Hartina NKRI = Nagara KORUP ? Wallahualam.
