Assalamu'alaikum Wr.Wb.
Mancaliak pado nan sudah
ba tuah tantu ka nan manang
kalau disimak bana dari awa
kirono di Palanta Minang Rantaunet ko, Alhamdulillah lah bak pantun
Babaju kusumbo lusuah
pakaian rajo tigo jurai
tanunan puti di Ulakan
Dapeklah paham nan sa ukua
batamu bana nan sasuai
jatuahlah kato kabulatan
bulek lah buliah digoloangkan,
pipih lah buliah dilayangkan
nan inti no bana, kutiko tanggal 5 Juli bisuakko, nan kadipiliah jadi Presiden jo wakiano iyo alah jaleh diawak. rasono indak ragu lai doh.
Mancaliak nan kapatang-kapatangko, rasono nan barado di kota-kota gedang lai indak banyak nan dialua atau dikicuah atau diumbuak-umbuak jo pitih, tapi di kampuang-kampuang iyo tadanga banyak, mako supayo niaik nak no sampai, nan di ama nak no pacah, mabo barancana mamiliah / mancucuak di kampuang awak, kalau lai bisa tantu dapek pulo mangecek saketek banyakno ka dunasanak, karik jo kabiah, ipa jo bisan untuak mamiliah nan rancak.
Sajalan jo rencana ko, mako ambo malalui Palanta kito ko ambo ka batanyo ka Tuan H. M St Bangsawan jo dunsanak awak nan marantau di Palembang atau Sumsel sarato Sidang Palanta ko apokoh lai rancak labuah tampek lalu ka kampuang kini ko ? jalur nama nan rancak ?
Ba a mangko batanyo labuah, alasanno :
1. dek karano ambo barencana barangkek ka kampaung naiak oto, barombongan
2. karicih kapatabang lah maha pulo, indak takao dipuro, maklumlah ambo karajo "babelok"
3. baiko caro hiduk, bukanno baimaik (he he he nan kalamak diawak sajo, lah jaleh indak bapitih, indak amuah dikatokan baimaik/irit, tapi ba alasan"caro Hiduk"
Sakitulah dulu dari ambo, ateh informasi nan babarikan ambo maucapkan tarimokasi banyak, talabiah takurangno, rila jo maaf nan ambo mintak
Wassalamu'alaikum Wr.Wb
Sutan Bandaro Labiah (SBL >< SBY)
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
