Rang sanak kasodonyo, Asslamu'alaikum wr.wb.
Dek karano alah 10 hari ko indak mambuka email, karano komputer ambo maranyuak, antah dari maa salahnyo, ambo indak tahu, tapaso ambo larikan ka Warnet, ondeh mak oi, alah bajibun emailnyo sampai 500 postingan, mulai dari Kacio Bahaso Minang sampai kapado silang sangketo nan ado di RN tamasuak pakaro Aliqur. Ali ko saroman nan ambo kecekkan dulu, indak dilayani paja ko, karano inyo "musang babulu ayam", delete sjo postingannyo, habih pakaro. Satantangan Kacio Bahaso Minang nan baru ditarimo akan ambo gabuangkan jo nan alah di edit. Tarimo kasih kanakan Miko jo rang RN kasadonyo tamasuak Mak Sati rang Tabiang, eh pabilo kito ka basuo Mak? Berito duka atas berpulangnya istri Adyan St. R. Panjang, Susmala, ambo manyampaikan ta'ziah nan sadalam-dalamnyo, semoga perjuangan almarhumah diterima disisi Allah SWT, Amin. Wassalam ZS Mangkuto ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________