Assalamu'alaikum ww, Mandanga carito Mamak Arshad tu yo taingek pulo dek ambo katiko masih karajo di Penang kiro2 8 tahun nan lalu biasonya Teh tarik tu lamak juo diminum sambia makan roti canai atau nasi lemak :-) . Kalau buliah tahu di KL Mamak Arshad tingga dimana ? Karano ambo punyo saudara tingga di Kampuang Pandan kalau ndak salah dari terminal Pudu Raya itu naik Bas Mini no. 25 kalau ado waktu mungkin Mamak bisa jalan2 kasinan didaerah tu lumayan banyak juo urang awak nan tingga ( duduk kat Kampuang Pandan ).
Sekian dari ambo salam untuak Mamak Mulyadi dan rombongan, semoga perjalanannya lancar dan kembali dg salamaik. Wassalamu'alikum ww Rang Pikumbuah ================== ----- Original Message ----- From: "arshad sidik" <[EMAIL PROTECTED]> To: <[EMAIL PROTECTED]> Sent: Wednesday, September 01, 2004 12:40 PM Subject: [EMAIL PROTECTED] " Lah Basuo ... Jo ... Sanak Mulyadi > Assalamu`alaikum Wr Wb > > Sanak palanta nan ambo hormati, > > Lah basuo jo kawan nan datang dari Palembang, nan sadang maadoan "Muker SAS > di Kuala Lumpur, yaitu sanak Mulyadi St Bangsawan di Hotel Midah KL, dari > jam sabaleh malam sampai pukue duo pagi tgl 31/01 aguih/sept malam tadi, > > Ambo baduo jo sanak Gani Usop [44 th] yang rang Maninjau lai sakali-sakali > mancogok di RN, kami lai sempat raun-raun sabanta mancaliak KL waktu malam, > sasudah tu kami minum "Teh Tarik dan makan nasi "Goreang USA, {maaf bukan > USA nan di aratian dek Mak Ban "Untuk Saya Apa", iko hanyo namonyo nasi > "Goreang USA, nasi nan indak bagoreang bantuak nan biaso, tapi rasonyo > .......bung, lain dari nan lain, > > Walau hanyo basuo sabanta, rasonyo iyo lapeh taragak, sabab dek salamoko > hanyo kenal di RantauNet sajo, bilo lah basuo jo urangnyo, memang wae ko > "Gagah, Santiang dan Ramah pulo lai, > dek lamak mahota "Ingkin ka Mai" indak disangko ari lah pukue Duo pagi, jo > raso barek untuak bapisah, namun tapaso dilakukan dek sanak Mul, pagi-pagi > bana lah haruih basiap-siap pulo kapai manaruihan pajalanan ka Seremban dan > Malaka taruih ka Johor dan ka kandang singo di sinan mungkin lai pulo dapek > basuo jo sanak kito Junaidi, > > untuak itu pulo bilo ado masonyo sanak RN nan pai/singgah di KL, agiah kaba > lah ka ambo atau Gani Usop, supayo dapek lo kito Basilaturrahmi, sambie > minum "Teh Tarik dan makan nasi "Goreang USA" > > Wassalam > Sidi Arshad [47 th] > rang piaman di KL > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________