Assalamu Alaikum W. W. Setelah membaca riwayat hidup dari Af terbit kasihan bundo atas segala cobaan yang dideritanya. Semoga Allah akan memberinya kesabaran dan semoga segala pengalaman tsb. dapat dijadikan guru dalam menjalani kehidupan yang masih panjang ini.
Tetapi setelah membaca yang dibawah ini baru judul saja bundo telah tak mau meneruskan membacanya. Nanda Af teruskan segala tulisanmu tapi bukan di RN mungkin masih banyak mailing list lain yang masih menghargainya. Di RN kita santai menjalani segala perintahnya dan tidak usah memperdebatkan lagi. Kita tak mau berpikir yang pelik-pelik kita boleh meberitakan problem with the solution. Sekianlah semoga ada yang sependapat dengan bundo. Wassalam Bundo Nismah -----Original Message----- From: [EMAIL PROTECTED] [mailto:[EMAIL PROTECTED] On Behalf Of Wady Afriadi Sent: Monday, September 20, 2004 12:39 PM To: [EMAIL PROTECTED] Cc: [EMAIL PROTECTED] Subject: [EMAIL PROTECTED] "Apokah Al-Qur'an itu 100% Firman Allah SWT?" Apokah Al Qur'an itu 100% Kato Allah SWT? ========================================= Kutiko tibo bulan puaso, Ambo jo Simon alah jadi panghuni tatap musajik kampuang Ambo nan banamo Masjid Baburrahmah (pintu rahmat aratinyo, kecek Mak Yasir). Bulan puaso iyobana bulan nan panuah rahmat bagi kami. Urang manggaleh banyak, balanjo pun agak balain kalau di bulan puaso ko dibandiang bulan2 nan lain. Dek karano ambo alah SMA, Simon alah pulo sikola di STM Pikumbuah, mangko alah maleh kami bagabuang jo anak2 kalene nan main dongkak-dongkak-an sasudah urang salasai sumbayang tarawiah tu. Katiko kami sagadang tu, iyo banyak pulo permainan nan asik-asik. Tapi nan paliang acok adolah mangarajokan urang lalok, sarupo mamanciang kawan nan lalok jo garam. Pernah suatu kali, dek talabiah bana garah, abih berang urang dinyo sampai batutuik musajik salamo saminggu dek garin, ndak buliah lalok disinan dek karano labiah bana kurenah anak2 sinan. Kajadiannyo baiko: Si Son anak Aman Tungga alah takalok dalam musajik. Paja ko inyo ndak pagarah bana do. Kecek ndak pulo banyak do, nan iyo-iyo sajo disabuiknyo. Sikolanyo baru kalas satu di Madrasah Tsanawiyah Negeri (MTsN) Guguak nan terkenal jo drumben-nyo tu. Katiko si Son tu alah takalok-dalam bana dek kalatiahan sasudah manjalanan puaso sahari panuah. Katiko urang mangaji sabananyo alah ta-akuak akuak juo inyo, tapi dek tugas dari rumah sikola nan mengharuskan tiok murik untuak mancataik kaji buya tiok malam salamo bulan puaso, mangko tapaso lah Si Son manjalankan tugasnyo tu juo walaupun badan latiah. Alah sudah urang sumbayang tarawiah, tando tangan buya nan mangaji alah pulo dapek dek si Son di bukunyo, ndak talok dinyo lai, manggaluang inyo di suduik musajik bakalumun kain saruang, lalok bak cando urang mati. Kalene2 nan lain, nan alah maingkek-ingkek juo parangainyo, dapek dinyo pangana nak mangarajokan si Son ko. Diangkeknyo si Son ko basamo samo, dipindahkannyo ka dalam tandu untuak mambao urang mati nan talatak di teras sabalah lua, tampek nan kalam pulo ndak balampu. Sudah tu nyo baliak mereka-mereka tu kadalam musajik baliak. Pangana anak2 tu, kalau jago si Son tantu baliak pulo inyo ka dalam musajik baliak. Dek karano hari tu alah hari nan ka tigo terakhir dalam bulan puaso tu, sudah tu abih pai urang takbiran bakuliliang, babao pangareh suaro musaji nan bantuak lonceng tu jo becak, baiduikkan jo aki. Anak2 tu alah abih bagaduru maikua di balakang kasadonyo. Di musajik langang-lah jadinyo, indak ado urang tingga. Ndak ado nan takana jo si Son lai. Kiro-kiro pukua satangah ampek, kiro2 wakatu tu urang sadang makan parak siang kasadonyo, gempar urang sakaliliang musajik tadanga suaro si Son mamakiak bak cando kambiang nan dikupeh kuliknyo iduik-iduik. Abih balari urang ka musajik ka teras tampek si Son mamakiak tu, batanyo apo nan tajadi. Kecek si Son, ado nan manjagokannyo. Lah jago nyo dicaliaknyo inyo lalok di tandu urang mati kironyo. Sadangkan urang nan manjagokannyo tu urangnyo baabuak panjang, putiah, kainnyo pun putiah kasadonyo. Kecek si Son inyo ka diangkeknyo dek urang tu, mangkonyo inyo mamakiak dek disangkonyo itu malaikaik maut nan manjapuiknyo. Akibaiknyo, musajik bakunci rapek sudah tu, indak buliah lalok disinan lai kiro2 saminggu duo minggu. Sudah tu alah buliah pulo baliak sasudah anak2 nan mambuek kurenah tu bapanggia dek pangurus musajik kasadonyo. Biasonyo jo Simon, sasudah urang salasai sumbayang tarawiah, kami sato tadaruih sabanta. Simon ko santiang mangaji, kalau ambo nan sadang mambaco Al Qur'an, dilua kapalo se dinyo mangoreksi tajuid ambo. Biasonyo sasudah tarawiah tu, salamo sa jam duo jam, lai ado juo urang gadih-gadih nan sato tadaruih. Kalau lah abih pulang gadih2 tu tadaruih dek ari lah malam bana, ambo so Simon cigin pulo ka lapau Iyuh Gosoh lai. Di lapau Iyuh Gosoh nan bananti nanti adolah pilem "Urang Bansaik" di siaran talavisi Parancih. Masalah pilem ko alah ambo caritokan dalam ota bajudul "Pilem Urang Bansaik" dan "Perkembangan Bahaso Parancis di Pikumbuah". Jikok sanak alun mambaco, carito tu masih ado di http://wady.or.id. Sigi sajo ka sinan. Suatu malam, dek karano ndak katibo nampaknyo pilem urang bansaik tu, baliak kami ka musajik baliak, maota-ota. Ado kiro-kiro tigo atau ampek urang lain nan maota jo kami. Anak2 alah abih bagalimpangan di lapiak musajik, takalok. Ari kiro-kiro pukua duo. Lai tadaruih pulo kami baliak sa jus atau duo jus. Nan managiah dek kami tadaruih ko cuma dek ado mik-nyo. Katiko mik (mikrofon) tu rusak, ndak ciek juo nan tadaruih do, dek ndak katadanga suaro kalua musajik. Kami baco2 lah tafsir Al-Qur'an sambia duduak2 baselo tu. Simon lai langkok juo bakupiah jo bakain saruang. Ambo bakain saruang sajo nyo dek paralu untuak bakalumun wkt lalok di musajik. Partamo Simon tu mambukak2 halaman partamo Al Qur'an tu. Kudian ado pangana timbua di kapalonyo, batanyo inyo ka kami. "Manuruik waang, Al Qur'an ko saratuih parsen kecek Tuhan Allah atau indak?" "Tantu iyo, joleh Al Qur'an ko kecek Tuhan Allah kasadonyo. Kok indak dari Tuhan Allah, dari sia lai." Jawek ambo yakin. Sapanjang pangatahuan ambo, Al Qur'an adolah dari Tuhan Allah. Sadangkan hadis adolah dari Nabi Muhammad SAW. "Cubo kito baco surek nan manjadi ibu Al Qur'an nan talatak di pangka Al Qur'an ko, yaitu surek Al Fatihah. Molah kito baco ciek-ciek." Sarantak kasado kami mulai mambukak Al Qur'an nan ado di hadok-an kami masiang2. "Bismillahirrohmanirrohimm..., apo artinyo?" Tanyo Simon baliak. Tantu jaleh jaweknyo dek kami kasadonyo. "Dengan nama Allah yang Maha Pengasih lagi Maha Penyayang." "Nah apokah Tuhan Allah SWT nan mangecek tu?" Tanyo Simon salanjuiknyo. Haniang sakuliliang. Ambo cuo lah manjawek, "Itu kan ndak bagian dari firman Allah SWT do Mon, itu kan awalan awak untuak mambaco Qur'an sajo." "Jadih lah. Kito baco salanjuiknyo, "Alhamdulillahirrobil'alamin..., apo artinyo?" "Segala puji bagi Allah Tuhan sekalian alam." "Lai Tuhan Allah SWT nan bafirman sarupo itu? Mamuji diri-Nyo sandiri?" Tapaso lah kami manyatujui bahaso itupun bukan Firman Allah SWT. "Arromanirrohim. Malikiaumiddin. Apo artinyo?" Kami sabuikkan pulo artinyo. "Nampaknyo ayat ko cuma sambungan dari ayat sabalunnyo, sahinggo kalimat lengkapnya adolah: 'Segala puji bagi Tuhan sekalian alam, yang maha Pengasih dan maha penyayang, dan menguasai hari kemudian.' Dari bahasonyo, apokah Tuhan Allah nan berfirman ko?" Indak barani kami manjawek lai. "Mon, kito tanyokan sajo lah ka buya dahulu, alun sampai ilmu awak ka sinan lai." kecek ambo. "Jadih, tapi cubo kito bahas juo dulu sasuai aka nan ado di awak. Kito baco salanjutnyo." Dibacolah dek salah surang kawan ambo, Edi anak Maran; "Iyya qana' budu waiyya qanasyta'in..." "Ihdinassyirotol mustaqim..." "Aratinyo?" tanyo Simon langsuang. "Tunjukilah kami jalan nan lurus. Kepada Engkau kami menyembah dan kepada Engkau kami mintak tolong" Si Edi nan mambaco Qur'an tu nan manjawek. "Nah, lai Tuhan nan bafirman sarupo tu? Jaleh se iko indak Firman Tuhan Allah do. Iko adolah kecek manusia ka Tuhan Allah SWT." Kami pikia, iyo batua pulo. Kan indak Firman Allah itu do. Tapi kami ndak barani mangomentari labiah jauah. Rancak tanyo sajo ka buya lai. "Jadi, Al Qur'an ko indaklah saratuih parsen barisi Firman Tuhan Allah. Sebagian dari Al Qur'an ko bukanlah Firman Tuhan Allah, sadangkan sabagian memang Firman-Nyo. Buktinyo Ibu Al Qur'an sendiri bukanlah Firman Allah SWT. Ambo raso di bagian lain pun banyak pulo nan indak marupokan Firman-Nyo, sarupo Al Fatihah tu." Kecek Simon manyudahi. Dima pulo katakana dek kami ba tanyo ka Buya masalah tu. Sasudah urang tarawiah, dalam pangana kami ndak ado nan labiah rancak daripado bamain domino di lapau Iyuh Gosoh sambia mananti-nanti pilem "urang bansaik" kok lai katibo, sambia manambah perbendaharaan bahaso Perancis kami. 20 September 2004 (Hari Pamilu Paresiden) Wady Afriadi ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
