Assalamu'alaikum.w.w.
Alaaah,...kok ka ambo kilek camin baadok kan dek si
Yul, antah lai ka tajawek antah indak. Sabananyo di
palanta kito ko banyak nan labiah santiang dari hanyo
sekedar St. Sinaro. Tapi samantangpun baitu ambo cubo
juo lah manjawek sekedar nan dapek di ambo,
mudah-mudahan Yul dapek mangarati andaknyo.
Itupun kok lai diagiah rasaki dek Allah swt.
ambo punyo ukatu.
Point pertanyaan dari Yul kan lah jaleh dek kito
basamo sarupo nan di bawah ko
"kebenaran Al-Qur'an nyo tinjau dari ayat Al-Fatihah.
Katonyo "Lai ka mungkin Allah mamuji-muji dirinyo
surang?".
Nan partamo Yul, nan paralu bana kito pahami adolah,
bahaso Allah babuek sakandak Nyo, dek karano Allah
swt.
adolah penguasa di jagad raya ko. Jadi kok Allah ka
mamuji dirinyo surang ataupun urang lain nan
dipujinyo, sia nan ka bisa berang ?, atau sia nan ka
bisa ndak setuju. Sadang Soekarno jo Soeharto babuek
sakandak hatinyo katiko mereka bakuaso sia nan bisa
berang ?. Apo lai Allah swt. Iko harus kito pahami
bana.
Nan kaduo, lah samo kito tahu bahaso Al-Qur'an ko
adolah sesuatu nan ka diajakan ka manusia. Dan nan
paliang pentingnyo di sinan adolah bahaso surek
Al-Fatihah nan ado dalam al-Qur'an tu akan dipakai
untuak dibaco dalam sumbayang manyambah Allah. Dan
kito
yakin iko adolah mukasuik Allah dan caro-caro nan
ditunjuakkan dek Allah ka awak manusia kalau ka
manyambah Allah. Caro-caro jo apo nan kadibaco tantu
harus sasuai jo kandak Allah swt. iyo kan ?.
Kalau caro-caro jo apo nan kadibaco ko dibiakan
manusia mamikiakannyo atau disuruah berkreasi surang,
mako kacau kasadonyo, sarupo nan tajadi di kebanyak
agamo lain. Mulai dari bentuk fisik Tuhan dibayang-
bayangkannyo untuak disambah sabalun nyo manyambah nyo
buek benda nan sarupo jo bayangan mereka. Urang India
dibayang-bayangkannyo Tuhan tu mako lapan tangannyo.
antah untuak aa ko lah. Untuak manangkok si Yul ?
he he he he :).
Iko kan kreasi dan imajinasi. Urang Cino dibayang-
bayangkan Tuhannyo, mako boncik paruik nyo. Untuak aa
ko lah, kok baradu jo kapalo kito paniang kapalo,
he he he he :). Iko kreasi jo imajinasi, indak bisa
dibiakan ka manusia mamikiakannyo doh. Di awak lah
jaleh dalam surek al-Ikhlas, "Dan tiada satupun
yang sama (setara atau menyerupai) dengan Dia".
Dari kitab-kitab salafus shaleh ambo danga,
katiko kito sampai di ketidak mampuan mambayangkan
baa Allah, aratinyo kito lah sampai. Dan itulah Allah,
aratinyo sebegitulah pengetahuan nan baru diagiahkan
ka awak mengenai Allah dari segi zat nyo. Kalau ingin
basuo jo Allah swt. dengan penuh kerinduan, mako
jan tinggakan puaso sahari juo, sabab untuak basuo
Allah nantik urang harus melalui "baabur rayyan", ado
satu pintu nan bisa dilalui dek urang nan indak pernah
maninggakan puasonyo. Di sinan lah kito baru basuo
jo Allah swt. Dan itulah kenikmatan sorga nan paliang
tinggi bagi manusia. Labiah dari sagalo kenikmatan
nan ado lain di sarugo, apo lai jo nan ado kini.
Eh,... lah kama pulo ko marayau nyo,...
kito baliak baliak.
Jadi Yul, caro-caro jo apo nan kadibaco indak dapek
dibiakan ka manusia mamikiakan dan mambueknyo doh.
Itu sababnyo ado panduan nan jaleh tantang itu.
Dek urusan ko adolah sambah manyambah, indak buliah
samiang juo maleset, mako Allah bana nan bakandak
maajakan ka kito. Sabab kalau maleset agak samiang,
...syirik. Baitu juo katiko kito sumbayang, pangana
jan sampai ka nan lain. Jan-jan syirik pulo beko.
Jadi Allah bana nan bakandak maajakan ka kito, apo
nanka dibaco.
Kini mari kito liek, "scheme", atau "scene", atau
aa lah nan tapek dek bahaso awak, contoh, tuladan,
pengandaian.... pokok nyo itu lah, sarupo barikuik
ko. Pengandaian ko pernah ambo agiahkan ka urang-urang
nan batanyo tantang iko, tapi dek karano hati lah
sakareh batu, indak namuah mangaku. Sabananyo indak
itu sajo doh, tapi kutuak Allah lah tibo, mako hati
dijadikan sakareh batu, indak dapek ditunjuak-i lai.
Kito jan sampai takah itu, kalau lah tibo kutuak,
sansaro badan bajuta tahun nan ka datang.
Andaikan si Yul jadi rajo,....
... ee lah panjang maa ... tunggu luu...
ndeeeh, ambo buek basiri lah ko.
Kok ndak beko, bisuak ambo sambuang ..
anggap iko siri satu.
alun sampai lai do...
Buliah dikomentari,.. tapi isinyo alun lai
ko..
Basaba Yul jo dunsanak nan lain...
Kok ndak beko,... bisuak ambo sambuang...
Mudah-mudahan indak tabangkalai, Insya Allah.
Wabillahil hidayah wat taufiq
Wassalam.w.w.
St. Sinaro
__________________________________
Do you Yahoo!?
New and Improved Yahoo! Mail - 100MB free storage!
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
