Assalkamulaikum WW Sanak Chairul, nan alah bakuliliang untuak bausaho supayo galeh laku, apo lai dalam tekanan situasi dan kondisi nan kini iyo sangek barek. Apo lai dek hantaman tiket kapa tabang nan super murah. Tapi di Perancis kapa tabang bisa digeser dek kereta api. Baa kini mangko pelni takuik bahkan ampia mangalah jo keadaan?
Kecek ahli pemasaran, tawarkan produk manuruik kebutuhan pasa. Jadi a nan diparalukan customer, itulah nan dijojo. Jadi kalau galeh awak alah indak diengong urang, seharusnyo awak bapikia, injan manyalahkan urang, tapi ambiak camin, cubo kaji sia dan bntuak a nan ado dimuko saat itu. Mukasuikno caliak bana sia nan ado didalam camin tu. Kalau paralu badah sampai kadalam hatino. Di Negara ketek nan cadiak, dimudiak tu, tompaik sanak Junaidi Malin Basa basawah, kapa nan balaia ka tujuan antah barantah (voyage to no where) sajo, bisa diminati urang. Jadi tampakno iyo paralu kejelian maiintip pasa dan kecerdasan dalam menggili hati sarato kebutuhan customer. A contoh, batanyo harus baitu: 1. Urang awak itu iyo sanang pulang kampuang, dikampuang sanang marede, cubo iko ditanggapi agak cerdas. Misanyo dikapa pelni tu diadokan salalin untuak urang, juo untuak otono sakalian. Buekan promosi "Ka pulang kampuang mambao oto .... hanyo pelni jadi pilihan yang murah dan berkesan". Dalam perjalanano nanti injan dianggap panumpang tu hanyo butuh sampai ditujuan sajo. Tapi salamo perjalanan suguhkan mereka dengan hal-hal yang baru buat mereka, contohno: 1a. Mandakek ka anjungan lepas pantai, disinan cubo pramu wisata bateriak "at port side you are about to see an oil platform" eh salah harusnyo "Disubalah kida kapa sabanta lai awak ka malewati anjuangan minyak lepas pantai". Saduh tu saat melewati nanti, bacarito bana kalau paralu maloak saketek, sacaro detail tentang anjungan dan perminyakan di Indonesia. 1b. Disubalah suok sabanta lai awak melewati "tourist resort" eh salah "tompaik baplesiran" nan terkenal yaitu, pulau seribu. Baribu-ribu carito keindahan nan ado disika. 1c. Satu jam lagi kita akan melewati dari sebelah kiri pulau atau gunung api nan termasyhur karena ledakannya telah memisahkan pulau Jawa dan Sumatra. Ado kapa sagadang kapa awakko dulu, sampai tangkek ka ateh gunuang kiro-kiro 17 km dari garih pantai 1d. Sekarang sebaiknya anda menikmati tidur agak 3 jam, karena pada jam 05:00 and akan diberitahu bahwa kita akan melewati pulau Enggano disubalah kida. Pulauko adolah juo pusat kegiatan wisata samudra nan terkenal. 1e. Bajibun nan bisa dilakkukan sapanjang jalan, kalau paralu buek pulo paket wisata disetiap objek wisata nan rancak, mungkin dan siang hari dilewati. Pokokno injan dibuek urang-urang atau pasasi jadi "Boring" salah "bosan" dalam perjalanannyo. Tapi jadikan setiap detik, jam diateh kapa tu bermanfaat. Nanti dari promosi nan gencar dan carito dari muluik ka muluik, jadi terkenal dan diketahui bahaso kini pelni sangat care terhadap penumpangno. Jan saroman dulu, dimano penumpang dianggap sapi ......... eh salah "sapi perahan". 2. Banyak anak sikola nan bapitih, nan sabanano ingin manikmati kehidupan dilauik samiang baraja. Baa jikok dibuek kelas khusus diateh kapa, misanyo saminggu, sabulan bahkan bisa tigo bulan. Jadi salamo diateh kapa tu iyo bana padek jo pelajaran kemaritiman, dan pelajaran wajib lainnyo. Barani mancubo? Kemas dengan baik. Detail kegiatan nan padat ........ saya kira akan laku. 3. Balaia ka antah barantah .......... paket menyusuri pantai, misanyo bakuliliang Jawa dan Bali, Sumatra, pulau Seribu dll. Mangunjuangi satiok obyek dan salalu dakek ka pantai, kemas saroman no 1. diateh. 4. Mudik lebaran aman, indah berkesan, penuh pembelajaran dan acara padat. Jakarta Semarang sajo bisa laku, tapi salamo dikapa padek jo acara ritual misanyo. Dan banyak lai nan lain, nan mungkin sajo direncankan dan dicubo. Jangan lagi hanya membuka trayek jarak jauh yang selama pelayaran betul-betul membosankan. Tinggalkan itu. Pintar dan cerdiklah. Injan pulo malah kapa penumpang mewah tu diungkai dijadikan kapa barang, sedih aku melihatnya. Wass. WW St. Capitano >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of chairul djamal >Sent: Wednesday, October 06, 2004 4:57 PM > > >Manolah sanak dipalanta RN nan indak basabuik namo >bapanggia gala, tarutamo sanak darul >iyo lah lamo pulo ambo indak mancogok dipalanta ko, lah >sampaik pulo di unsubscribe dek admin, iyo dek karano >sibuak jo karajo, dan bapindah tampek dari papua ka >surabaya, dan kini mancogok di batawi, baru sampaik >mambukak e-mail. >Indak lamo lai insya allah awak ka masuak puaso, sasudah >tu tantu hari rayo pulo, tantu lah ado pulo dan mambuek >acara pulang basamo, nak pulang sorang dan sabagainyo. >Dek karano musim pa hujan lah tibo pulo, tantu jalan >lintas sumatera tu lah bak kubangan kabau pulo, sulik >ditampauh dek oto ketek, naik bus rangkik rangkik badan >dek nyo. >Salamoko kito indak abeh lai apo masih ado kapa ka padang >? Sabananyo lai adoh kapa pelni ka padang, yaitu kapa >ketek KM LAWIT dgn penumpang 1000 urang, itupun sabulan >sakali. Dalam mahadok i liburan hari rayo katibo ko apo >masih paralu kapa gadang ka padang ? Lai ka banyak urang >awak nan ka bahari rayo dikampuang halaman nan ingin naik >kapa ? >Ambo tunggu info dari sanak nan banyak di palanta ko >Wassalam dari ambo > >c.d. rajo sampono ( +55 ) > > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
