Assalamualaikum Wr, Wb. Alah jaleh da, maksud dan tujuannyo, iko adolah salah satu strategi nan salamko dicanangkan dek kaum misionaris.
Ambo Fwd ka Palanta dan Surau, supayo awak basamo slalu wasapada terhadap misi sarupo iko. Wassalam http://users.cwnet.com/sakato MINANGKABAU MA IMBAU, KA SIKOLAH. Hubungilah REDAKSI jo ba tando di siko. Minang ma imbau, Kasikolah! ALLAH swt. nan manjadikan dunia ko, sarato jo sagalo isinyo. Baliaulah TUHAN langik jo bumi ko. Baliau indak tingga di rumah-rumah dewa nan dibuwek dek manusia doh. Baliaulah indak mamaralukan pulo doh bantuan manusia, dek karano Baliaulah nan ma iduikkan, nan mambari angok, nan mambari sagalo sasuatu kabake manusia. Dari surang manusia, Baliau jadikan sagalo banso, Baliau suruah banso-banso tu untuak ma uni bumi ko kaciyekannyo. Baliau pulolah nan lah manantukan sajak dari samulo, pabilo masonyo urang-urang tu buliah iduik, dima tampaiknyo inyo buliah iduik. ALLAH swt mampabuwek nan bakcando itu, supayo umaik mukaluak ko niyo nak mancari Baliau. Mudah-mudahan manusia tu basuwo jo Baliau, di kutiko manusia tu sadang mancari-cari Baliau. Tapi nan sabananyo, ALLAH swt tu indak jauah doh dari satiyok-tiyok kito. Sarupo jo nan dikatokan dek urang, "Kito iduik, kito manggarik, kito ado didunie ko, kasdonyo tu, adolah dek karano kuaso Baliau." Samo pulo jo apo nan dikatokan, dek babarapo urang tukansair angku-angku, Inyo bi mangatokan, "Kasadonyo kito ko, adolah anak-anak Balieau." Nah, dek karano kito ko adolah anak-anak ALLAH swt, mako kito indak buliah doh manyamokan ALLAH swt tu jo patuang, nan dibuwek dari ameh, atau manyamokan jo patuang nan dibuwek dari perak, atau manyamokan jo patuang batu, nan dibuwek manuruik kapandaian manusia. Maso-maso ka angokan kito lah dilupokan dek ALLAH swt, tapi nan kiniko ALLAH manyuruah kasadonyo urang di ateh dunia ko, supayo bi batobaik dari doso-dosonyo. Dek karano ALLAH swt lah manantukan suatu kutiko, untuak ka manyidangkan kasadonyo umaik mukaluak ko, sacaro idei. Tugeh tu ka dikarajokan dek surang Urang, nan sangajo lah dipiliah dek ALLAH untuak itu. Supayo kasadonyo urang buliah yakin jo parkaro tu, mako ALLAH swt lah ma iduikkan baliak Baliau nan dibari ugeh tu, sasudah Baliau mati!" (Riwayaik Rasul-Rasul 17) Andaklah angku-angku bajiwa bakcando Isa Al Masih: Pado hakekaiknyo Baliau samo jo ALLAH swt, tapi Baliau indak maraso, baraso kaadaanNyo nan Ilahi tu, musti Baliau patahankan. Sabaliaknyo, Baliau malapehkan kasadonyo tu, sudah tu manjadi samo bakcando jo surang pisuruah (Rasulullah). Baliau manjadi saroman jo manusia, nampak iduik saroman pulo jo manusia. Baliau marandahkan diri, sarato iduik sacaro patuah kapado ALLAH sampai mati - iyolah mati di palang kayu. Dek karano itulah mangkonyo ALLAH swt ma angkek Baliau satinggi-tingginyo, sarato mambarikan kabake Baliau kakuasaan nan labiah gadang, daripado sagalo kakuasaan nan lain. Mako untuak ma aromaiki Isa Al Masih, kasadonyo mukaluak nan di sarugo, jo nan di bumi, sarato jo nan di bawah bumi, kasadonyo ka manyambah Baliau. Kasadonyo urang-urang tu ka mangaku, baraso Isa Al Masihlah TUHAN Y.M.E. jo caro nan baitu ALLAH Bapak dimuliekan. (Filipi 2) Patimbangkanlah parkaro-parkaro nan diungkapkanNyo mambela diri. Urang-urang nan ba agama tu bi mangecek kabake Isa Al Masih, "Indak koh batua nan kami katokan, baraso Angku adolah urang Samaria (kafir) nan ka-masuakan setan?" Baliau manjawab," Ambo indak kamasuakan setan doh. Ambo maaromaiki Bapak Ambo, tapi angku-angku mahino Ambo. "Ambo indak mancari aromaik untuak diri Ambo sandiri doh. Ado Baliau nan ma usawokan aromaik untuak Ambo, Baliau pulolah nan ka mahakimi. "Nan sabananyolah nan Ambo katokan ko, urang nan lai niyo manuruikkan kato-kato Ambo, maka inyo indak ka mati doh, untuak salamo-lamonyo." Mako bi bakatolah urang-uran nan ba agamo tu kabake Isa Al Masih, "Kiniko kami lah tawu, baraso Angku iyo sabana-bana kamasuakan setan! Nabi Ibrahim sandiri lah mati, baitu pulo kasadonyo nabi-nabi nan lain. Tapi Angku mangatokan, 'Urang nan lai ma iyokan kato-kato Ambo, salamo-lamonyo inyo indak ka mati.' Jikok Nabi Ibrahim sandiri lah mati, bitu pulo kasadonyo nabi-nabi nan lain lah bi mati pulo, jadi nan Angku ko, siya Angku nan sabananyo? Masokan Angku ka labiah gadang pulo daripado bapak kami Nabi Ibrahim!" Isa Al Masih manjawab, "Santano Ambo mancari aromaik untuak diri Ambo sandiri, mako aromaik tu indak ado doh tu aratinyo. Nan ma aromaiki Ambo adolah Bapak Ambo, Baliau tu nan angku-angku angap sabagai TUHAN ALLAH angku-angku, padohal angku-angku sandiri, indak ba katawuan (manganal) doh jo Baliau. Tapi nan Ambo ba katawuan jo Baliau. Santano Ambo mangatokan, baraso Ambo indak bakatawuan jo Baliau, mako Ambo adolah urang nan paduto, samo jo ankgu-angku. Ambo bakatawuan jo Baliau, Ambo mamatuahi kato-kato Baliau. Nabi Ibrahim, apak angku-angku tu, sanang sangaik atinyo, dek karano inyo ka maliyek ari Ambo. Malah inyo lah maliyek, sabana sanang atinyo!" Mako bakatolah urang-urang Yahudi tu kabake Isa Al Masih, "Umua Angku alun sampai lai limo puluah tawun, tap Angku mangatokan lah maliyek Nabi Ibrahim?" Baliau manjawab, "Nan sabananyo nan Ambo katokan kabake angku-angku: Sabalun Nabi Ibrahim layie, nan Ambo lah ado juwo." Dek mandangakan nan bakcando itu, urang-urang Yahudi tu bi ma ambiaki batu, untuak pamungkang Isa Al Masih; tapi Baliau capek menggalicau, barangkek dari bait ALLAH, (Yahya 8) ------------------------------------------------------------------------ ---- Lukas [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] Riwaik Rasul-Rasul [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] Yahya [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] Efesus [1] [2] [3] [4] [5] [6] Ibrani [1] [2] [3] [4] [5] [6] [7] [8] [9] [10] [11] [12] [13] -----Original Message----- From: Andri Arfan [mailto:[EMAIL PROTECTED] Sent: Thursday, November 25, 2004 2:03 PM To: [EMAIL PROTECTED]; Yayasan Widyaswara Indonesia Subject: [solok-selatan] : Ancaman Misionaris Nofen yth, Ambo indak sangajo masuk ka web site berikut, cubo Nofen simak dan tolong sebarkan ka rantau atau ka surau... web site tsb. Cubo awak danga komentar dunsanak nan lain.......tks bantuannyo http://users.cwnet.com/sakato Demikian dulu Salam untuk semua anggota milis Wass ww Andri Arfan ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
