Assalamu'alaykum Wr.Wb. "Z Chaniago" sarat sidang RN
ado suatu kutiko, wakatu urang sadang "sambah manyambah" dalam acara urang awak nan diadokan di Taman Mini, dek nan "manyambah" ko iyo samo-samo lihai (santiang), mako sambah manyambahnyo lah panjang, tanyo batanyo, jawek bajawek, ibaraik "bacakak" iyo "bakaramoan" (indak ado nan kalah manangno), mako wakatu itu tadangalah kalimaik "palaraino" dari salah surang urang tuo, kalimaik "Palarai" tu adolah "Shalawat Nabi". Wakatu urang tuo mangumandangkan Shalawat tu mako hanianglah kasadono urang nan hadia di ruangan nan tun, sambah manyambah baranti jo bakasudahan kok ambo maalaiah ka pantuan, iyo dek karano taimbau masalah pantun dari Ronal P. Putra, tapi saumpamo kajadi "palarai" pulo, tantuno indak baa pulo doh. satantangan Proporsional ko, kadang-kadang sarik-sarik murah mangatokanno "Z Chaniago" !. takana lai, takatokan tidak, ibaraik sarupo si "bisu barasian".Kalau caro awakno go (kalau indak salah pulo go eh) adolah "malatakkan pado tampaikno" kalau jalan untuak "malatakkan pado tampaikno" go ado babarapo Papatah mangatokan : "tibo di mato indak bapiciangkan, tibo diparuk indak bakampihkan, di dado indak babusuangkan" atau "Saukua mangko manjadi, sasuai mangko takanak". "kok Raso dibaok naiak, Pareso dibaok turun" satantangan Kucikak "iyokan nan diurang, lalukan nan diawak" sabanano ado kurangno, kurangno adolah indak basambuang kalimaiktu jo kalimat nan ambo sampaikan daulu, yaitu "lalukan nan diawak jo dalilno", aratino dalam rapek atau badebaik, mako awak harus manarimo pandapek urang lain malakik kito mandapekkan pulo pandapek nan baru, kok lai pandapek awak mako awak harus manyampaikan dalil atau alasan nan bana pulo, tapi kalau alasan nan awak sampaikan (baitu pulo nan disampaikan urang lain) indak jo dalil nan masuak aka doh, mako namono "basitagang urek lihia" atau "bakareh mariah" sajo, disiko baru tasuo nan "kucikak' cakok tu. sakiro itu dari ambo, kurang jo labiahno, iyo bapasamokan juo di nan banyak. Wassalamu'alaykum Wr.Wb. Bandaro Labiah --- In [EMAIL PROTECTED], "Z Chaniago" <[EMAIL PROTECTED]> wrote: > Dek dialiah ka pantuan ka baa juo lai..... > > Mak Ndaro..., kok baitu adia itu baraliah aratinyo ka proporsinal tu...., > kiro-kiro baa caro manyampaikan kato "proporsional" tu caro awak-no > (awak-nyo), ..... misalnyo....manyampaikan ide proporsional itu dalam adat > > Ciek lai ...., kucikak...."iyokan nan di urang, lalukan nan diawak"....... > ciek-ciek se lah dulu.... > > >Balam jo kekek bari makan > >barilah makan diateh tungku > >panjang jo singkek dicubo mampaulehkan > >indak sampai kasihan dech lu. > > > Wassalam > Z Chaniago - Palai Rinuak - http://www.maninjau.com > ====================================================================== > Alam Takambang Jadi Guru > ====================================================================== > > > > > >From: "Bandaro Labiah" <[EMAIL PROTECTED]> > > > >Assalamu'alaykum Wr.Wb. > > > >Ronald P Putra sarato sidang RN > > > >dek taimbau pulo sakatek, ambo cubo pulo manjawek, untuang kok lai > >kapaguno. > >tapi sabalunno, ambo cubo manyampaikan baliak, satantangan Diskusi > >(apolah namono ...) topik sabalunko, kok diambo bak pantun kapatang > >juo, ""basilang kayu ditungku, disinan api mangko ka hiduk", tingga > >diawak maambiak nan elok, maelok-i sado nan salah, nan paralu adolah > >caro manyampaikanno. > >"iyokan nan diurang, lalukan nan diawak " tapi malalukan nan diawak > >tantu jo dalil pulo. indak managakkan banang nan basah. > > > >babaliak rundiangan dari Ronald P Putra, satantangan pantun, ambo > >cubo mauleh. > >Mamangan nan disampaikan dek Ronald P Putra, iyo alah pado tampaikno, > >tapi ado pulo saketek nan takana-takana, yaitu adia (adil). > > > >Kadang-kadang adia ko indak pulo harus "manimbang samo barek, kok > >maukua samo panjang, mambagi samo banyak doh" tapi baginjaikan juo > >saketek banyakno. Saumpamo maagiah balanjo ka anak-anak, atau THR > >untuak kamanakan, mako nan ketek rasono cukuk Rp.1000, maklum anno > >baru sikola SD, kalau alah SLTA tantu indak cukuk Rp. 1000, tapi > >diagiah agak Rp. 5000, baitu pulo nan alah kuliah (atau alah remaja) > >tantu diagiah Rp. 10.000. baitulah salah satu ujuik adia. > > > >Balam jo kekek bari makan > >barilah makan kaduono > >panjang jo singkek dicubo mampaulehkan > >indak sampai ka ba a juo. > > > >Wassalamu'alaykum Wr.Wb. > > > >Bandaro Labiah > > > > > > ____________________________________________________ > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
