Assalamu Alaikum W. W. Welcome to Palanta RantauNet Mak Dang Zaimir. Sabalum ambo lupo ambo mangucapkan pulo Selamat Ulang Tahun ke 66 untuk sanak Zaimir. Kami iyo ampia saumua hanyo berbeda babarapo hari angku Zaimir labiah tuo dan kami samo dilahiakan dibawah zodiac Scorpio. Urang Scorpio ko elok laku (mamuji diri sendiri ciek - mangapik daun kunik istilah Minangnyo) tapi kalau diinjak baru inyo manyangek iyo ndak angku Zaimir. Jo angku Zaimir iko ambo iyo lamo dibawah satu atap alias sakantua (labiah kurang 25 tahun) Mulo-mulo kami jadi guru sudah tu baru manjadi computer spesialist. Jadi kami nan Senior Citizen nan lai masih aktif dialam maya ko iyolah 2 kawan karib ambo nan ahli sejarah nan tahu jo Raffles dan Yan Pieter Zoen Coen yaitu Mak Ngah (Sjamsir Sjarif) dan Mang Dang (Zaimir Gazali). Dan kawan ambo Mak Dang ko iyo ahli dan pandai bridge. Indak sarupo ambo pemain musiman. Iyo sabana gadang hati awak manarimo cerita dari Huddersfield. Tampaknyo sanang inyo disinan semoga sajo inyo lai indak sakik-sakik dek karano sabanta lai lah musim dingin disinan. Tapi ambo danga Mak Dang ko samakin sehat karena dia rajin olah raga Satria Nusantara. Tapi tantu SN indak ado di Huddersfield jadi lai golfing di Huddersfield ? Lai bacubo pulo Golf nan baoto tu ? Kirim gambarnyo ciek. Ayah Rumzy iyo sadiah mamikiakan jan jan Mak Dang tu indak babaliak ka Pekanbaru karano diminta urang manjadi garin dimusajik dakek rumah tu mulai tahun baru ko. Lai ikuik Zaimir batahun baru di country club disinan? Pak Palizir Haflil ko iyolah kapalo sikola ambo partamo kali maaja di SMP II Bukittinggi. Baliau ko iyolah anak damang Palin nan manjadi damang di Suliki dan terkenal dengan kakinyo nan pengka nan kalau urang pengka disabuik sarupo damang Palin. Apokah pak Palizir ko lah maningga angku Zaimir? Adiaknyo namonyo Pauliza (gur SMP V) dan surang lai murik SMP II Helvia. Sampaikan salam ambo bakeh cucunyo tu. Ambo pernah ka Manchester 1987 dan ado danau buatan dakek situ kami bakapa-kapa wakatu tu Nanen sadang kuliah maambiak Masternyo UMIST. Sudah tu ambo pai ka Bournemouth dipantai selatan.
Sakianlah dulu mungkin carito bundo ko kurang menarik untuk nan mudo-mudo dan maaf tolong di delete sajo kalau tak berkenan. -----Original Message----- From: [EMAIL PROTECTED] [mailto:[EMAIL PROTECTED] On Behalf Of Zaimir Gazali Sent: Thursday, December 02, 2004 1:58 AM To: [EMAIL PROTECTED] Subject: [EMAIL PROTECTED] Salam dari GMT *************************************** Huddersfield,1 Desember 2004 Assalamu'alaikum Wr.Wb. Basomo email ko ambo ikuik mangucapkan Salamat Ulang Tahun Double Six 66 tahun. Semoga selalu berbahagia rukun dan damai basamo uda Rumzy. Alhamdulillah nasib mambao kami dngn istiri ke town Huddersfield tgl. 11 oktober sabalum Ramadhan. Tiket alah dibali pulang pai; tapi tampek duduk dapeknyo sasudah tahun baru. Ambo bacarito saketek: Huddersfield adolah kota kaciek sagadang Padang Panjang dikalilingi bukik, tapi ndak dikalilingi buah palo. Kota ini sajam pajalanan dari Manchester Old Trafford, kantua Sutan Alek Farguson. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
