Waalaikumusssalam, ww Tarimo kasih Sanak Darul. St. Parpatiah, ateh atensinyo untuk mamajuan Indonesia, khususnyo urang awak Sumatera Barat. Ambo sabagai guru malangkah mamulai untuk marubah sikap murid ambo untuk maso depannyo untuk baraja indak akan macari karajo doh, tapi ilimu nan ditutuntuitko adolah untuk mambukak lapangan karajo. Untuk marubah sikapko nan ambo lakukan adolah merubah cara me-motivasi anak didik ambo yaitu "kalian tuntutlah ilmu disekolah ataupun damanopun, adolah untuk membuat lapangan karajo" itu kiro-kiro kecek ambo sawaktu maagiah nasehat dan me- motivasi-nyo, salain ilmu nan diagiahkan ka inyo indak lupo mangecek untuk mencari suatu keterampilan hidup "Life Skill" (sasuai jo anjuran pamerintah untuk jalehnyo klik disiko: http://www.geocities.com/pakguruonline/life_skill_1.html dan http://www.geocities.com/pakguruonline/life_skill_2.html) salain ilmu nan ado disekolahko, kalau dapek berhubungan dengan ilimu nan ditutntuiknyo disekolah-ko, sahinggo ilmu nan dituntuitko batua-batua dapek manghasilkan karajo dapek memenuhi kebutuhan hiduik nantinyo dan indak akan manjadi pangangguran.
Salain ambo maaja jo tatap muko ambo manyadiokan pulo web atau situs, nan barisi ilmu-ilmu tapakai atau katarampilan, dengan URL : http://www.geocities.com/siswaonline/index.html dek karano wakatu ambo sampik bahan-bahannyo di website iko alun batambah-tambah lai doh, silahkan sanak nilai, bari tahu ambo apo kiro nan salah dan baa sarancaknyo, kalau bisa, kirimkan pulo bahan-bahan nan barupo "life skill" kaambo buliah ambo pampangan disiko. Itulah usaho ambo sabagai guru salain maagiah ilmu dan ketarerampilan, ambo bausaho marubah motivasi anak untuk basikolah, dan juo ambo harapkan ubahlah caro memotivasi anak kito, "jan dikecekkan kainyo sikolah gunonyo untuk mancari karajo, tapi adolah untuk mambukak lapangan karajo" itu harapan ambo kapada orang tuo anak didik, atau mamak dan kakak serta dunsanaknyo dirumah ubahlah caro motivasi untuk baraja ka anak kamanakan awak sarupo nan alah ambo postingkan di palantako, klik disini untuk bagi nan ingin mambaconyo baliak: http://www.geocities.com/pakguruonline/motivasikah_yg_salah.html Satantang urang awak nan indak mancogok kaparmukaan di tingkat nasional, iko sabananyo adolah akibat atau gejala umum nan tajadi akibat dari kebebasan pers yang salah arah, sahinggo pers nan kiniko indak ado nan mambaritokan kemajuan nan diparoleh oleh urang awak, kabanyakkan pers hanyo mambaritokan kasalahan-kasalan tokoh dan pajabat sahinggo prestasinyo hilang dek karano kasalahan-kasalahan sajo nan di baritokan, dan hal ko lah nan sangaik indak tarpuji bagi sanak awak nan bakarajo wartawan untuk mancari uang tambahan dengan mengintimidasi dan mangorek-ngorek kesalahan (maaf dunsanak wartawan, iko kanyataan dari beberapa orang oknum wartawan). Ambo parnah mandanga seminar mangenaiko "Kader dan Ketokohan Urang Awak Minagkabau", yang pembicaranyo adolah salah seorang dosen Unand hari tanggal dan namonyo iyo alah lupo ambo, baliau manjawek pertanyaan peserta nan ditanyokan "Apokoh indak ado urang awak nan manjadi tokoh dan ahli lai ditingkat Sumbar ?, dan apolai di tingkek nasional ?" Itu pertanyaannyo kiro-kiro !. Apo jawek pemrasaran; "Banyak tokoh dan ahli serta doktor-doktor urang awak nan bisa diorbitkan, di Unand ko kecek nyo ado dan banyak nan berprestasi dingkat nasional dan bahkan internasional, tapi indak ado nan basadio mabaritokan apolai nan man tokohkan mereka, urang awak kini alah sibuk mancari-cari kasalahan sajo dan indak namuah mantokohkan urang, kalau ado nan berhasil dan dicari-cari, aa !! kasalahnnyo mako iko nan di publikasikan. Salanjutnyo inyo kecekkan pulo seperti Azwar Anas Harun Zain dllnyo tu kan ditokohkan oleh masyarakat dan dibantu pulo oleh pers, sahinggo nasional tahu dan langsung ditarik oleh pusat dan berbicara di tingkat nasioanal di wakatu tu. Jadi ambo juo sapandapek jo penceramah dari dosen Unand ko, sabananyo banyak urang awak nan hebat, tantu inyo sabagai urang hebat tantu indak namuah mangecekkan bahwasonyo inyo hebat !. Hanyo urang nan indak hebatlah nan salalu bakoar-koar hebat !. Baitu kiro-kiro fenomena kiniko, urang saling meruntuhkan dan indak namuah mangecekan kahebatan urang, apolai kahebatan urang ko akan menghalangi kapantingan dan politiknyo. Banyak maaf, wassalam. Z. Rangkayo Mulie. ----- Original Message ----- From: "Darul" <[EMAIL PROTECTED]> To: <[EMAIL PROTECTED]> Sent: Saturday, December 04, 2004 11:05 PM Subject: RE: [EMAIL PROTECTED] Sinegikanlah program partai utk kepentingan bangsa > Assalamulaikum WW > > Salah itu biaso, dan minta maaf itu terpuji. Jadi kapado Allah sajo kito > kumbalikan. > > Nampakno alah agak saarah jalan awak kini, mudahan jo nan sadang menggebrak > 100 hari ko indak saroman nan buto jo nan bisu nan lalu. Awak tunngu > sajamang jo optimis. Dek kato akhir optimis, tantu awak harus sato jo > proaktif, kalau nampak jalan diagiah tahu, kalau melenceng disapo, kalau > meleo dilacuik. Baa pandapek pak Guru? Bisa ndak awak sinergikan? Atau > paliang indak awak sajo nan basinirgi untuak mambuek nan barati utuak urang > lain? > > Ado ciek nan kabapasan ambo ka pak guru. Baa carono awak bisa pulo maasiakan > anak didik nan bisa mancipotakan karajo untuak urang lain. Maaf, manuruik > pandapek mbo, juo pengamatan nan indak terecord, hasia pandidikan awak eh > negara lain juo agakno, adolah untuak "pekerja" dan kalau maju cuma maju > sandiri. Satiok awak badiskusi atau bawawancara jo anak sikola, dari dasar > sampai PT, pasti tujuan sikolanyo adolah untuak mancari karajo. Ado > pertemuan urang awak di Jakarta, pak Emil Salim jo pak Awaludin Jamin, > mangecekan baliau gamang bana, dek indak ado urang awak nan manonjol kaateh. > Iko dek baliau samaso lai diateh indak ado usaho untuak maelo nan dibawah. > Alah pansiun baru sadar. Sudah cakak takana gayuang. Apo sababno? Ikolah > hasil didikan awak nan mamacu prestasi ... prestasi dan prestasi. Saat > baprestasi mangaja prestasi barikuikno, lupo bahaso awak tagak surang. > Malaju surang dek sibuk jo prestasi cako. Ikolah akibaik dari maju sandiri. > Lain jo urang utara, nan alah maambiak posisi urang awak dulu. > > Apo awak harus baraja ka kaki limo. Urangko iyo indak maju sandiri doh. Dek > kabanyakan mereka iyo indak baprestasi disikola duluno doh. Tapi samangaik > elo-maelo (istilah mak Ngah), urang awak nan iko iyo sabana tinggi. Samp[ai > di Babang, kampuang ketek di Pulau Labuha kabupaten Tarnate, ado 3 @ 4 urang > awak manggaleh disinan. K5 di Indonesia dan Malaysia mayoritas urang awak. > > Kok dikaji kini, sia nan basamangat mambangun urang awak cubo. Para pengejar > prestasi dan petinggi nan maju sandiri, atau para penggalas emperan alias > K5. Kalau dibuek komparasi, bara urang urang awak nan dapek ditolong maso > depanno dek urang gadang jo bara nan dapek dicerahkan maso depanno dek K5. > Sudahtu, jikok ditaruihkan risetko ka bara urang nan bapitih nan malewati > koneksi K5, jo nan malewati pengkaderan si maju sandiri. Mungkin akan > tercengang kito. > > Kadang awak iyo tapesona, misano kawan dari SMA ambo alah ado nan direktur > HRD telkom, ciek lai direktur pemasaran indosat. Tapi nan duo itu, kan > presentasenyo ketek bana, Jikok dibandiang jo nan badarai, alun tantu pulo > kalah jo aset nan dimiliki mereka dan jumlah mereka gadang. > > Mukasuik ambo, bisa ndak sikola awakko dibuek untuak mahasiakan saluruh anak > didik jadi pandai iduik. Indak salalu mamuji sia nan ba IP tinggi sajo doh. > Nan ba IP tinghgi paralu, tapi nan lain juo harus diarahkan ka potensino. > Banyak nan barasia dalam mancari pitih adolah nan baprestasi kurang. Sia nan > salah cubo. Apo indak sakali-sakali awak bapikia jo caro penilaian awak > disikola? > > Maaf yo pak guru, alah malenceng rundiangan. Dek tadi ambo ajak manunggu > sajamang., dalam manunggu tu awak cubo bapikia dan babuek jo nan lain. > > Wass. WW > Darul ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
