Kami tibo malam, bisuaknyo balapeh angah mancaliak pamandangan indah di tampek paristirahatan kami. Ondeh, dari Tantaman, tampak baliak Daerah Pasaman nan kami tinggakan tadinyo, tampak Gunuang Pasaman dakek rasonyo, Aia Bangih nan ditinggakan duo minggu sabalunnyo (14 August 1958) pun tabayang jauah lapeh ka Lauik Basa. Suatu pandangan nan manakjubkan karano daerah nan dicaliak tu lah ditampuah sabalunnyo, bisa direkol pangalaman pajalanannyo.
Tapi sanjo tu kami dapek talipon, nan bahaso Matua lah diduduai pulo dek Tantara Sukarono. Komandannyo manalipon kantua Palembayan nan bahaso mareka ka taruih ka Palembayan bisuaknyo. Tapasolah kami ijok bisuak paginyo, diandokkan Jeep di sinan, bajalan kaki masuak rimbo malalui kampuang-kampuang saroman Silareh Aia dll agak lupo Mak Ngah urutanannyo. Mamancanglah kami ka Rimbo Gadang, mukasuik nak taruih ka Maninjau nak basuo jo Gaek-gaek nan Manugehkan nan kami kaja-kaja sajak tari Talu.
Lah labiah satangah hari kami mandaki sungai di rimbo nan agak panjang tu, kami tasibrobok jo Urang-urang dari Maninjau nan sadang injok pulo dari sinan. Kecek mareka, manga kapai ka Maninjau lai, inyo (Tantara Sukarono tu) lah manduduki Maninjau. Kami batanyo, kama "Gaek-gaek" tu kini? Mareka mambari isarat, lah taruih ka Barat. Dari sagi paretongan kami, taruih ka Barat, pasti mareka taruih ka Lubuak Basuang, taruih ka Tiku atau babelok ka Batu Kambiang. Pasti baliak ka Pasaman. Mak Ngah jo kawan arek, tingga baduo lai mamutuihkan baliak kanan mailia sungai manuju arah Koto Alam. Sabalun sanjo lah kalua kami dari rimbo, pamandangan iyo rancak.
Tapi lah malam, kami misti pai mamotong jalan ka Koto Alam. Pajalanan malam partamu kali di Padang Gumarang tu iyo agak mangerikan karano manuruik urang rundo pangantar kami iyo usah kito takabua di siko. Pabanyak se lah mandoa. Inyiak banyak di siko. Untuang bulan lai tarang. Walaupun sapuluah hari sabalunnyo lah disapo Inyiak di Tapi Riak nan Badabua di bateh Aia Bangih jo Natal, namun pajalanan kini ko iyo saroman kami indak mamijak tanah rasonyo. Pukua duo malam sampailah kami di Koto Alam. Dapek kaba, Urang nan Dicari tadi baru sanjo ko malinteh di siko, mungkin kin lah lapeh ka Muaro Tontang manyubarang baliak ka Pasaman.
Istitahatlah kami di sinan disambuik dek patugeh satampat, dijamu jo dijago elok-elok, karano pagi-pagi kami ka taruih ka Muaro Tontang and beyond...
Sabingkah Kenangan di Palembayan. Salam, -- Mak Ngah
36083
From: Madahar (madahar) <[EMAIL PROTECTED]> Date: Sat Dec 18, 2004 4:39am Subject: [EMAIL PROTECTED] Panorama Bukik Talaok - Palembayan
Assalamu'alaikum ww, ... Dari kampuang Talaok ini kalau perjalanan dilanjutkan (dalam hitungan menit) kita akan sampai di kampuang Baringin Data yang dari puncak kampuang ini kita akan dapat menikmati keindahan Danau Maninjau (sayang sekali saya tidak dapat menyaksikannya sa'at itu karena keadaan dan waktu yang tidak memungkinkan). Kemudian perjalanan akan bisa dilanjutkan menuju nagari Baringin dan selanjutnya menurun tabiang menuju Danau Maninjau. Untuk dunsanak yang hobi berpetualang alangkah baiknya mencoba rute ini apakah dengan Hiking atau kendaraan roda 2 atau kalau dengan mobil pakai 4WD. ... Wassalamu'alaikum ww, Batuduang Ameh (37)
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.805 / Virus Database: 547 - Release Date: 12/3/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________