Dear Nis,
Tarimo kasih untuak maagiah tahu ambo manganai carito Nis tu. Saroman nan ambo postiangkan dalam Banditos sabalunnyo, bukan sajo ka Nis surang tapi ambo anjurkan ka adidunsanak Nan Basamo untuak silakan caliak patunjuak dari oraganisasi kami ATA (American Translators Association):
>For more information on recognizing and addressing fraud through the
>Internet, please visit
><http://www.fraud.org>http://www.fraud.org administered by the National Consumers League.
Surek nan Nis tarimo tu ambo raso adolah salah salah satu bantuak operasi banditos tu. Mareka bakaliaran kuliliang dunia. Kalau Nis dapek dari "Cuba" nan ka maagiah sidakah ka Musajik, ambo banyak dapek dari Nigeria dan Ghana atau negara Aftica nan kauo jo Amehnyo untuak atau koruptor-koruptor untuak mambagi-bagi harato karun nan ditinggakan bapaknyo dan dibagi duo jo ambo, ratusan juta USD kalau ambo namuah maagiahkan akaun bank ambo di Amerika ka inyo.
Baitu juo ambo dapek dari Spanyol, Nagari Bulando, Inggirih nan manarangkan ambo dapek lotere antah bara ratuih miliun Euro, pado hal ambo indak panah mambali lotere atau manuncik-nuncik lotere di internet. Bukan sajo email tapi memang dikirim pulo surek "resmi" dengan kapalo surek dari Spanyol nan mirip organisi lotere resmi dari Spanyol. Soalnyo manuruik ditektif ambo pribadi ambo caliak tanggal dan nomor lotere nan manang nan dikaktokannyo ateh namo ambo tu, indak sasamo jo tanggal dan nomor lotere nan sabana manang dalam organisasi lotere resmi Spanyol tu doh. Sasudah ambo cari di google tanyato surek-surek nan samo lah dicetak dan kito lah diparingekkan. Surek nan samo cuma mareka tuka alamat sasarannyo.
Nan kapatangko untuak panternjemahan ambo dapek dari England nan mangkleim inyo seorang PRINCE dari Ghana ka bajalan-jalan dan babalanjo ka Texas dengan isteri dan anak-anaknyo orang Indonesia dan mamaralukan pantarjumah Indonesia. Ambo Caliak namonyo diateh dan dibawah babeda. Nan di bawah last namenyo saroman last name sorang conglamerat nan baru mati di satu negara taluak nan kayo Arab Emirat. Inyo mamintak bara ambo namuah dibaia dan ka dikirimkannyo pitih sasudah ambo baleh sureknyo. Ambo lah baleh tapi ambo blank cc ka organisasi ambo. Ambo baleh dengan kato-kato "hormat" manyanjuang tingginyo sabati PRINCE nan kayo gadang basa batuah. Ambo minta inyo manawarkan bara nan katalok dinyo nan satinggi-tingginyo mambaia ambo, salah satu penterjemah nan dihormati dan terbaiak di dunia ko. Tapi inyo alun mambaleh lai. Nanti kito caliak galagatnyo. Tapi kami di organisasi sadang mangamati kalakauannyo dan ambo lah tahu iko salah satu dari bandito tu. Jadi ambo tarikan baa bunyi gandangnyo.
Jadiu Nis, dan adidunsanak nan lain, hati-hati, ignore sajo surek-surek saroman tu. Maatehnamokan Tuhan jo panipuan tu kini lah manjadi mode pulo nampaknyo saroman jo pangalaman email nan Nis dapek tu. Contoh nyato pangalaman ambo lai. Suatu hari tahun ko ambo lupo bilo, ado saurang "Syech Tukang Dakwah" manalipon Angku Katik kami dirumahnyo. Pasan talipon tu kiro-kiro: Ambo saurang Sheik dari nagari (antah barantah) ingin datang ka Santa Cruz maagiah dakwah. Sayangnyo ambo baru kalua dari kapatabang, tas ambo dan dompet ambo hilang landeh. Ambo mamintak bantuan supayo angku Katik mangirimkan ambo uang untuak manaruihkan pajalanan ambo ka Santa Kuruih. Nah, Katik Endah Pulang Bakudo ko luruih tabuang, bakirimlah pitih USD1500 karano maraso terhormat baibadah mambantu urang musafir kamalangan dan ka mambarikan dakwah pulo di musajik kami. Namo Sheikh tu namo gadang pulo saroman iyobana. Tapi tamu nan ditunggu ndak kunjuang datang, si Tukang Dakwah adolah Maliang Gadang. Tanyato bukan musajik kami sajo anan jadi korban doh.
Nis, dengan emailnyo nan terakhir tu inyo mamintak data pribadi Nis, psposrt, alamat, bank akun dll tu, JAAAN SAMPAI DIAGIAHKAN. Ambo indak tahu apo nan kadigunokannyo nanti. Namo Nis mungkin akan digunokannyo untuak manipu orang-urang lain nanti. Memang agak panjang komentar ambo, tapi ambo basyukur Nis mambungkem sasudah inyo minta katarangan pribadi tu. Itu adolah patunjuak Ilahi untuk Nis. Jaan kanai tipu dek banditos tu. Ambo doakan mudah-mudahan jan ado diantaro kito nan tatipu ota muluk bandit-bandit tu.
Salam,
-- Mak Ngah
PS ambo caliak pulo dalam emailnyo di bawah ko, dalam "TO:" jo "CC:"nyo tanyato kosong kosong pulo. Tarang itu spam.
36100
From: [EMAIL PROTECTED] Nismah Rumzy <[EMAIL PROTECTED]> Date: Sun Dec 19, 2004 1:47am Subject: RE: [EMAIL PROTECTED] Banditos
Assalamu Alaikum W. W. Mak Ngah dan sidang RN nan berbahagia, Ambo mandapek surek mangecekkan ado urang sakarat nan ingin manyumbangkan haratonyo ka musajik fakir miskin dll.
Pada suatu hari dibulan Desember ini saya menerima surat sbb: Date: Sat, 04 Dec 2004 10:39:33 +0100 Subject: CHARITABLE DONATION(Assalamualaikum) To:
From: "alusmanforal" <[EMAIL PROTECTED]> Add to Address Book CC:
Top of Form
Bottom of Form Assalamualaikum,
In the name of Allah the Beneficent; the Merciful,the Master of the day of Judgement , I greet you in the name of Allah. I am formally Miguel Marcos Llera from Cuba. ........... From: "ahmedaslam" <[EMAIL PROTECTED]> Add to Address Book Subject: I await your response To: [EMAIL PROTECTED] Date: Tue, 07 Dec 2004 02:43:27 +0700 Top of Form
Bottom of Form Attn: Hayatun Nismah Rumzy
Good Day.
You are required to send one of the information stated below a personal photograph,copy of International passport, driving license or any Identity card containing your picture. and also your contact address were the consignment will be delivered.
As soon as I receive the above information,I shall proceed immediately Dr.Ahmed Aslam ...... Sekarang saya berdiam diri karena saya tidak percaya ada orang yang mau saja mengirim kepada yang belum dikenal.
Wassalam Bundo Nismah
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.805 / Virus Database: 547 - Release Date: 12/3/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
