Assalamu'alaykum Wr.Wb. Sato pulo ambo maucapkan salamaik Ulang Tahu kapado Tuan E. Sri Bagindo, samoga sagalo nan dipintak kapado Allah, akan dibarikan oleh Allah, aaaamien
Limbak nan dari pdo itu, ado pulo nan takona-kona di ambo kini ko. Pado tanggal 19 Nopember 2004, sagajo ambo indak sarapan / minun kopi di rumah "urang rumah" nan talatak di Pasa Banto, karano ambo lah baiaik nak ka minun kopi di Restoran Fans Chicken nan barado di jalan Hamka No 46 B, bukiktinggi sakalaian ba silaturrahim jo Tuan E.Sri Bagindo. Sajak dari rumah "urang rumah", lah ambo pasang siasek supayo nak takajuk Tuan E. Sribagindo kalau batamu jo ambo, baitu pulo, karano ambo yakin dan sayakin-yakinno kalau Tuan E.Sri Bagindo indak amuah ka manarimo pitih doh, mako sacaro aniang-aniang sen ambo masuak ka Fans Chicken, tibo disinan langsuang ambo pasan Soto Padang + Nasi Putiah + Teh Manih, sudah sajo ambo pasan, langsuang pulo ambo baia ka anggota nan ado disinan. tantu ambo tingga manunggu pasanan sen li. dek lah salasai mamasan nan dipasan, mako ambo tanyokan Tuan E. Sri Bagindo, apokoh baliau lai ado atau indak, tanyato baliau lai barado disinan, nan sadang sibuk manyiapkan sagalo sasuatono karano Fans Chicken baru babukak bana. Akhia carito, batamulah ambo jo baliau, dek lamak carito sambia makan Soto Padang, nan ari batambah tinggi juo, mako ambo mintak parmisi pulo nan kapulang. Sasuai jo sangko ambo, wakatu ka pulang iyo indak buliah dek baliau mambaia doh, tapi dek lah ambo dului mambaia cako, mako baliau tapurangah, kanai bangih pulo ambo jadino. Menu nan tasadio di Fans Chicken ko ado 47 Macam, tadiri 23 macam makan dan 24 macam minuman. tantu indak kadisabukkan ciek-ciek doh, banyak macam ko ambo baco di Bon nan ado di ambo, No 0029 (sampai kini lai juo) Kok raso nan kaditanyokan ? iyo tunjuak-manunjuak tampakno, karano bahan-bahan ko iyo badatangkan dari Pakanbaru, dek di Bukiktinggi indak ado doh, kok lai bana tapi indak samparono. Sakitu senlah dulu carito jo barito, bari maaf pulo kalau ado nan indak pado tampaikno. wassalamu'alaykum W.Wb. Bandaro labiah *Insyaallah ari rayo Haji diulang baliak ka Fans Chicken > > -----Original Message----- > From: [EMAIL PROTECTED] > [mailto:[EMAIL PROTECTED] On Behalf Of Darul > Sent: Sunday, December 19, 2004 5:54 PM > To: [EMAIL PROTECTED]; RANTAUNET; Elthaf Hidjaz > Subject: [EMAIL PROTECTED] HUT Elthaf > > > Assalamulaikum WW > > Selamat HUT, > panjang umua, > banyak ibadat, > Fans Chicken maju, > ransaki murah, > anak sehat, > > > Amiiiiinnnnnnnnnn > > Wass. WW > St.P > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________