Assalamulaikum WW Ambo satolo maucapkan belangsungkawa ateh uda dan ipa si Des tamasuak dalam korban, mudahan arwah beliau tamasuak suhada saroman jo janjiNya. Bagi nan dapek bahubuangan jo Dr Desmawati, mohon disampaikan salam mboko.
Wass. WW Darul ----- Original Message ----- From: "Sjamsir Sjarif" <[EMAIL PROTECTED]> > Maa Rang Lapau nan Basamo, > > Pagi tadi (malam di Indonesia) MakNgah sempat manalipon Des (Dr. Desmawati > Radjab, UBH) di Padang nan baru baliak dari Medan. Dari talipon labiah > jaleh lai carito. Des kahilangan Udanyo Uda (dr.Yong Nasvi Radjab) sarato > Isteri Udanyo uni (Siti Khadijah Yong). Sasudah gampo gadang tajadi, udanyo > masih sempat manalipon jo HP ka Des. Kiro-kiro kurang sajam sasudah gampo, > aia gadang datang, anak-anak baduo lah lari ka Musajik nan agak katinggian > dari rumah, sadangkan Uda jo Uni masih di bulakang. Anak nan ketek (padusi > masih di SMP) sempat sampai ka musajik indak taelo di aia dan banyak urang > di sinan. Kakanyo laki-laki di bulakang disemba aia gadang dielo balaiak, > tapi tasangkek diateh ato rumah, akhianyo dapek disalamatkan > urang. Kadunyo lah basuo jo Des di Medan. Mareka tingga jo kakak-kakaknyo > nan badomisili di Medan. Tapi Uda jo Uninyo hilang alun basuo sampai kini. > Mak Ngah ndak pasti lupo batanyo kalau rumah lah habih hancua dibawo aia. > > Mudah-mudahan Des sakaluarga istimewa anak-anak nan ditinggakan dapek > basaba dengan kepergian anggota keluarga ini dan dalam manampuah hiduik nan > paralu kito taruihkan basamo. Amin. > > Mak Ngah > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
