Angku Adyan,
Aa iyo tatakok juo di ambo kamaa pai tanyo Angku Adyan cako tu mah. Patanyoan barikuik manganai "taptu" tu iyo lah balimpik-limpik tu jo "pusuang."
"Taptoe" ko Caro Bulando istilah militer nan duo pulo aratinyo: (1) sinyal, bunyi tarompet pado malam hari sabagai tando ka parajurik untuak pulang ka asrama. (2) parade musik militer pado malam hari sambia mambawo obor. Jadi arati nan kaduo ko nan basangkuik pauik antaro "taptoe" atau "taptu" jo "pusuang" awak tu.
Nah, manuruik ambo pupulernyo istilah "taptu" ko ka kampuang-kampuang, bukan karano maso Bulando urang mancaliak marasose Bulando babarih-barih malam doh. Nan ado adolah anak-anak Pandu maso Bulando, sabalun parang, maso Japang dan sasudah maredeka nan sangat populer ka kampuang-kampuang. Di Kampuang Awak ado duo organisasi pandu tu nan kuaik (1) Pandu HW (Hizbul Wathan) dari Muhammadiah dan (2) Pandu SIAP (lupo ambo kapanjangannyo) sabagai organisasi di bawah organisasi PSII (Partai Sjarikat Islam Indonesia). Di Kampuang ambo di Biaro, kaduo organisasi ko samo-samo kuat malah samo-samo bakompetisi di sagalo bidang, sahinggo anak-anak di kampuang wakatu itu jaleh mambanggakan kapanduan mareka, baiak anak HW ataupun anak SIAP.
Sabagai tambahan, "taptu" ko pun dijadikan Caro Bulando Anak-anak pulo maso dahulu manjadi "tabtu" (tabiak-tuan) berdasarkan Caro Bulando nan mareka danga, "pen" adolah pena, "lamp" adolah lampu, "bank" adolah bangku, mangko "tabtu" manjadi "tabiak tuan". Di sinanlah asa Caro Bulando Anak-anak nan sudah tu marajo lela manjadi ribuan akronim di Indonesia karano pangaruah perkamusan militer. Tolong tarjumahkan Caro Bulando Anak-anak di bawah ko:
"Tabtu, sayma minkerdis" (Oh bialah Makngah tarujumahkan: Tabiak Tuan! Saya mau mintak kerja di sini.. :).
Nah sasudah mardeka, di akhia-akhia pamarentahan Soekarno (dengan ide Golongan Fungsioneel barangkali) sasudah pusek mampaliekkan kuatnyo mangko organisasi-organisasi pandu-pandu ko dilebur manjadi satu organisasi Pramuka nan jaleh kuatnyo sasudah Pamarentahan Suharto (Golongan Fungsionil menjelma Menjadi Golongan Karya mancubo mampenetrasi atau meresapi golongan-golongan lain).
Kin pakaro "Bunduang". "Bunduang" tu bukan "kabau" aratinyo, tapi "panyakik kabau". Apokoh panyakik paruik kabau kurang jaleh dek Mak Ngah, nan jaleh payakik kabau atau jawi. Ado istilah, "dilalui bunduang" aratinyo dakek sakik bunduang. Itupun dijadikan pulo kato-kato makian kadang-kadang saroman "paja nan kadilantak bunduang", "paja bunduang".
Sabagaia tambahan baru ado pulo istilah "Bunduang" sabagai akronim nan disarkastikan aratinyo, kalau indak salah (kurang pasti di ambo) diimami oleh Angku A.A. Navis (panulih satir) dipanjangkan sabagai "Bundo Kanduang." Rasonyo istilah tu kalua sasudah Nyonya Hartini Sukarno dinobatkan di bawah Jam Gadang manjadi Bundo Kanduang di tahun 1958 (akhia September 1958, ambo kabatulan mayaksikannyo di sinan.
Sakitulah dulu. Salam, -- Mak Ngah
37090
From: adyan <[EMAIL PROTECTED]> Date: Tue Feb 15, 2005 1:01am Subject: Re: [EMAIL PROTECTED] Istilah Minang
Tarimokasih banyak, Mak
Memang timbua tando tanyo ko karano di Pandaisikek nan ambo kenal kato 'pusuang' tu iyo bararti 'bodoh,' sahinggo katiko mandanga aratinyo 'obor' ambo manduga itulah arti sabananyo, sabab suluah kan benda konkrit, sadang penggunaan kato pusuang di kampuang ambo tu mungkin dalan pengertian kiasan. Tapi ruponyo ado pulo dalam bahaso malayu.. antah hakiki atau majaz kolah.
Kato lain nan mirip masalahnyo, istilah 'bunduang' nan konon barati 'kabau.' Antah nan ma nan asli.
Tambahan ciek lai, masalah suluah atau 'sumbu' di Piaman ko, dulu kalau ado mamak nan ingek kegiatan nan namonyo 'taptu' babarih-barih malam hari mambao suluah. Jadi 'taptu' ko apo artinyo atau singakatan dari apo garan?
salam, -adyan
----- Original Message ----- From: Sjamsir Sjarif <[EMAIL PROTECTED]> To: Lapau <[EMAIL PROTECTED]> Cc: <[EMAIL PROTECTED]> Sent: Monday, February 14, 2005 2:18 PM Subject: RE: [EMAIL PROTECTED] Istilah Minang
> > Tapi, mungkin Angku Adyan ado alasan tagarik saketek batanyo kato "pusuang" > ko. Ruponyo ado duo arati kato "pusuang" ko.
No virus found in this outgoing message. Checked by AVG Anti-Virus. Version: 7.0.300 / Virus Database: 265.8.7 - Release Date: 2/10/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
