14 Muharram 1426
Alah, angku Mulayadi, alah tampak masuak Lapau postiang tu patang nan kaduokalinyo. Nan partamu kali, rasonyo kiro-kiro dua-tigo bulan nan lalu. Baa mangko takana dek Mak Ngah? Wakatu nan partamu tu, MakNgah komentari satantangan tanggal 14 Muharram, upacara akhia dari oyak-oyak tabuik ko. Bulan Tarang 14 Muharram tu kabatulan Hari Lahia Mak Ngah, sahinggo Mak Ngah manarimo babarapo ucapan salamat ulang tahun wakatu itu. Sabananyo wakatu itu alun bulan Muharram lai.
Kini lah baru Bulan Muharram 1426 nan sabananyo. Tanggal 14 Muharram bulan tarang, kini ko lah nan Hari Lahia MakNgah. Manuruik Hijrat dari almarhum Ayahanda dicatat jo tinta ameh wakatu tu: "Sjamsir lahir 18 April 1935 -- 14 Muharram 1354 Petang Kamis Malam Jum'at."
Jadi, kini ko kalau manuruik tahun Arab (Tahun Hijrah, tahun Qamariah, tahun manuruik paretongan Bulan) tanggal 14 Muharram 1426 ko iyo lah agak gaek juo MakNgah ruponyo. Lah langkok 72 tahun.
Tapi, dunia ko kiramaik, Duo bulan lai, Mak Ngah mudo baliak. Karano, 18 april 1935 samai 18 April 2005 tu umua MakNgah baliak mudo, baru ganok 70 Tahun (Lunar Year, Tahun Syamsiah, Tahun Masehi, Tahun manuruik paretongan paredaran matohari). SubhanAllah, Alhamdulillah, Tuhan Pangasiah Panyayang. Mudah-mudahan tambah mudo juo nanti.
Baa mangko baitu? Tahun Qamariah (Lunar Year, 354 hari ) 11 hari kurangnyo tiok tahun dari Tahun Sjamsiyah (solar year, 365 hari). Itu sababnyo mangko puaso jo hari rayo awak tiok tahun barinsuik kabulankang 11 hari. Dengan tahunyo awak puaso atau hari rayo tahun ko, lah tahu awak bilo puaso atau hari rayo tahun datang. Kurangi sajo tanggalnyo 11 hari. Barinsui-insuik sabaleh hari ka bulakang. Beres.
Nah tiok 35 tahun, paretongan tahun Qamariah satahun labiah banyak dari Tahun Syamsiyah; 35 tahun Syamsiyah = 36 Tahun Qamariyah. Nah dengan 72 Umua Mak Ngah dalam tahun Qamariah kini ko, batambah mudo jo tahun Syamsiyah, 2x35=70 tahun. Jadi Mak Ngah mananti baranang 70 laps non-stop tanggal 18 April 2005 tu.
Rang Mudo. Ye, ye, ye ..... Rang Gaek tambah Mudo .... :)
Salam, Mak Ngah Nan Paliang Gaek di Lapau ko.
37142
From: Mulyadi <[EMAIL PROTECTED]> Date: Wed Feb 16, 2005 7:15am Subject: [EMAIL PROTECTED] Re: Tabuik di Piaman dan di Bengkulu
Iko diulang baliak di kirim postingan ambo kapatang, nampaknyo alun masuak ka palanta, kok alah, silahkan delete sajo
----- Original Message -----
.........
7. MEMBUANG TABUIK ( 14 MUHARAM )
Tabuik dibuang kelaut diakhir perta Budaya Tabuik pada sore hari ( pukul 18.00 WIB ). Sebelum dibuang benda seperti Sorban (topi Hosen), pedang, panja disimpan, dan gendang tasa dibawa kembali kerumah pemiliknya.
Selesai..
No virus found in this outgoing message. Checked by AVG Anti-Virus. Version: 7.0.300 / Virus Database: 265.8.7 - Release Date: 2/10/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
