Angku Lembang,
Maso Japang, sagalo sarik, minyak tanah pun sarik. mangko untuak togok ko dipakai "minyak manyih" (ucapan di Ilia di Biaro) atau "minak-manih" (? ucapan awak di Mudiak, di Kototuo..?:) nan disabuik juo minyak masak, minyak karambia. Dek rumah amak ambo antaro Ilia jo Mudiak, antaro Biaro jo Kototuo, mangko ambo lah duodialek sajak ketek, sabab tu ambo kadang-kadang ba"no", kadang"kadang ba"nyo". Kalau ka Ilia ambo ba "nyonyo" kalau ka Mudiak ambo ba"nono". Kan mantun garah urang, di Ilia urang pakai "minyak kalonyor" sadangkan di Mudiak urang pakai "minak kalonor"... :)
Nah, sumbu togok ko ado lo namono, "patilo". Indak samo jo "palito" doh. Palito ko "pelita" Caro Indonesiano. Sadangkan "patilo" ko asli Caro Awak bana go barangkali, sabab indak ado Caro Malayu atau Caro Indonesia kato "petila" doh. Kalau "palito" atau "pelita" Indonesia jo Malayu tu lai tacatat "Pikir itu Pelita Hati".
Postiang Angku Darul tantang "lantera" di Kapa tu iyo bana matambah pangatahuan awak. Rupono ado kodek-kode jo lantera tu. Tarimo kasih Angku Darul. Jadi kok ambo ka Lauik nanti ambo paraktekkan ilimu tu.
Ado ciek lai panah tadanga di ambo pamakaian kato "lantera" ko: "Labai Lantera". Aa lo lah du aa aratino ... "Labai Lantera" tun?
Salam, -- Mak Ngah
37152
From: muhammad dafiq saib <[EMAIL PROTECTED]> Date: Wed Feb 16, 2005 2:29pm Subject: [EMAIL PROTECTED] Istilah Minang (alaik panarangan jaman saisuak) .... Ado pulo lampu togok, lampu nan badanno dibuek dari kaleng atau boto ketek untuak tampek minyak tanah, diagiah basumbu kain nan dililik jo kaleng, indak pakai kaco simporong. Lampu togok ko di kampuang ambo kadang-kadang disabuik urang 'tampaik api'. ... Lembang Alam
Internal Virus Database is out-of-date. Checked by AVG Anti-Virus. Version: 7.0.300 / Virus Database: 265.8.7 - Release Date: 2/10/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
