Assalamu'alaikum wr.wb.,
Sakali diantaro tigo kali ambo pai ka Bali labiah kurang 20 tahun nan lapeh
adolah batapek-an jo ari Nyepi urang Bali. Taceno suasana Nyepi tu sajak di
Bandara, bakurang taksi, bakurang urang nan batugeh, baitu juo sampai dijalan,
bakurang urang nan lalu lalang.
Namun pun baitu, kan indak juo ka mungkin dipasoan nyepi dalam arati kato indak
buliah manga-manga, indak buliah heboh, indak buliah bakarajo, indak buliah
iduik lampu tu ka sakalian urang. Sia nan ka mahalangi ombak badabua ditapi
lauik pantai Kuta tu? Sia nan kamaalangi matoari manyangek di saari tu? Nan
kamaalangi kapatabang turun di Ngurah Rai, nan kamaalangi rumah sakik bafungsi
marawaik urang sakik. Nan kamaalangi lampu iduik di hotel (atau memang kini
iyolah ndak buliah?) Nan kamaalangi taksi bajalan mambao urang ka tampek nan
paralu dijalang antah dari bandara ka panginapan tu? Ikolah ajaran nan
bakalabiahan, apo lai kalau diterapkan ka urang nan bukan baugamo Hindu. Ka
sampai indak buliah urang sumbayang Jumaaik, atau paliang indak dialang-alangi
urang agamo lain baibadah? Rasono iyo agak bakalabiah-kalabiahan urang Bali jo
agamo mareka taradok urang lain nan indak saagamo.
Tanyo pulo katambahno mak Zul? Saandaino urang naiak kuretangin bagai pai ka
musajik di ari Jumaaik tu indak juo buliah?
Wassalamu'alaikum wr.wb.,
Lembang Alam
zul amri <[EMAIL PROTECTED]> wrote:
Mak Darul ! ruponyo sabalun hari Nyepi lah ado
kasapakatan antaro MUI Bali dengan pemuka agama Hindu
bahwa umat Islam boleh melaksanakan sholat Jumat ,
tapi harus berjalan kaki tidak menggunakan kendaraan
dan tidak boleh menggunakan loudspeaker yang diarahkan
keluar , Cuma saja kesepakatan ini indak sampai
kabawah atau kaakar rumput , banyak umat yang tidak
tahu .
---------------------------------
Do you Yahoo!?
Yahoo! Small Business - Try our new resources site!
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
