Batua Mak Ngah , foto Musajik tu indak bisa dibuka dilua komunitas webshots dan harus diminta pasword , nanti kaambo kirim via japri sajo . Satantang nagari Saok laweh iyo dakek bana kakota Solok , cuma jaraknyo 3 km , Dulu marupokan basis prri , dan acok kanai gempur mortir dek tantara pusek . Suatu kali mortir tu jatuah indak jauh dari tampek ambo , dan hampie sajo maut manjampuik kalau sajo ambo indak maandok dalam lubang panyurukan dibawah rumah . Tabayang dahsyatnya parang wakatu tu , tiado hari tanpa tembakan badie , pernah tantara prri mancegat karetapi di Guguak Sarai dan taguliang disitu , akhirnyo tantara pusek tabik burangsang mako rumah rumah nan ado disapanjang jalan antaro Saok Laweh , Guguak Sarai , Guguak Manyambah dibumi hanguskan . Nagari Saok Laweh dakek ka Solok tapi indak amuah bagabuang jo Kotamadya , dan tatap mamiliah masuak Kab Solok . zul amry piliang
Sjamsir Sjarif <[EMAIL PROTECTED]> wrote: Maa Angku Zul Amry, Ambo cubo mengkilik sumber foto musajik tu tapi indak mangkuih. Dima salahnyo? Dahulu hampia ampek puluah tahun nan lalu, 1958, ambo alah mangililiangi marancah nagari-nagari sakitar Solok ka salingkanyo, tapi indak sampai ka nan dakek-dakek kota doh. Karano Kota lah diduduki tantara pusek. Solok nan ambo begai wakatu itu, jaleh tabayang sampai kini, muloi dari Sulik Aia (baciramah di Musajik), Tanjuang Balik, Sibarambang, manurun ka Lumindai, malereng ka Sungai Lasi, malinteh jalan koretapi jo labuah gadang mancirupuih taruih ka Sirukam. Istirahat di sinan, nagari rancak dan sajuak. Mukasuik taruih Bukik Garabak ka Abai, tapi ado halangan babelok ka Gunuang Talang (baranti dan istirahat di Aia Angek, tapi dingin), Talang (baciramah si Musajik), bubar ijok ka Batu Kuali manyaksikan parang penghadangan konpoi di ateh Cupak (Kubu?) lah dakek ka Aia Sirah banyak Rumah Gadang nan dibaka tantara pusek, masih tabayang jaleh di ambo api jo asok gadangnyo). Sudah tu baliak ka Cupak, taruih ka Gantuang Ciri (Istirahat sinan) , Panyinggahan, Saningbaka (baciramah di Musajik), bubar dikaja tantara pusek, mancirupuih ka Singkarak, naiak ka Haripan, baliak ka Tanjuang Balik, rabah lo bandera sinan, baliak ka Lintau, taruih baliak ka Kototinggi. Kalau sakilo dari terminal, jadi Sawok Laweh ko adolah nagari nan lah masuak kota Solok tu yo? Kok ado peta Kabubaten Solok, tolong barikan ambo websitenyo atau kok ado takumapua di simpanan pribadi tolongattachkan ka email ambo. Karano, nagari-nagari nan dakek sekita Kota solok tu kurang jaleh dek MakNgah. Kota Solok sandiri lah dicaliak dan dibegai dari sekitar bukik-bukiknyo 360 darajat. Tarimo kasih banyak. Pamilihan Umum 1955 tu MakNgah lah sato mancucuak. Salam, --MakNgah __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
