Dunsanak Kasadonyo; Manuruik Ambo, Uni Rahima usahlah kalua dari palanta ko, nan Mak Taufik Malin usah pulo dikaluakan.
Maaf kalau pandapek ambo lain nadanyo daripado Mamak-mamak kito nan lain. Sabanyak ko pamikiran tantu susah manyeragamkannyo. Justru dek ado perbedaan-perbedaan pandapek itulah pamikiran kito dapek barkembang. Jikok Niniak moyang kito dulunyo indak namuah manarimo kebenaran salain nan alah diyakininyo pado maso itu, tantu alun ka kenal kito jo Rasulullah zaman kini ko. Satantangan kato "punco", di kampuang ambo nan banamo Tiakar Kec. Guguak, Limopuluah Kota, Pikumbuah mudiak, "punco" tu adolah rono putiah di ujuang ikua anjiang. Jikok anjiang tu barono hitam, atau coklat, tapi di ujuang ikuanyo ado warna putiah sapanjang kiro-kiro 2 cm, mangko rono putiah di ujuang ikuanyo tu lah nan basabuik "punco". Indak jarang, dek karano bapunco di ikua tu, anjiang tu acok bahimbaukan jo "Punco" pulo, ka ganti namo. Biasonyo, kecek urang-urang paburu, anjiang punco ko kurang amuah. Lari acok babaliak, alun satangah lereng didaki lidahnyo lah tajulua kalua. Acok pulo urang nan punyo nan mairikkannyo daripado wanyo nan mairik urang nan punyo. Baitu sajo dari ambo, talabiah takurang maaf manyudahi. Wady (31th) Bogor 16330 urangawak@yahoogroups.com http://groups.yahoo.com/group/urangawak --- In [EMAIL PROTECTED], Sutan Sinaro <[EMAIL PROTECTED]> wrote: > Assalamu'alaikum.w.w. > > Dunsanak kasadonyo. > Ditagah indak tatagah, ka dilapeh iyo barek hati. > Nan punco dari kajadian ko kito lah samo tau. > Urang nan Ingkar sunnah ado di palanta ko. > Dari perdebatannyo jo Rahima, dan jawaban-jawaban pertanyaannyo ka ambo, > lah jaleh urang ko ingkar sunnah. Aqidahnyo babeda jo awak. Dan manuruik inyo > kini, iko adolah kebebasan dan inyo maraso berhak pulo duduak di palanta ko. > Salamo nan ambo tahu kito punyo aturan. > Kok balamo-lamo jo urang nan takah iko, indak sa-aqidah jo kito,... lamo-lamo > angek juo ikua di nyo. Tantu tatinggakan pulo galanggang ko di ambo beko. > Nan ambo pacik-kan salamo ko adolah kalau duduak basamo jo urang nan > mampamain-main kan agamo, iyo haram hukumnyo. > Kok dipatahankan juo urang ko di siko, lamo-lamo pengatahuan agamo nan > alah kito dapek, kito timbo, kito inok kito ranuangi akan jadi matah baliak. > Kok batambah jauah kito dari sarugo beko. Iko nan ambo sangsikan. > Alun pemuda-pemuda nan dengan mudah bisa tapangaruah dek kasantiangan > baliau mambungkuih nan busuak ko. > Jadi ambo mintak ka sidang palanta, sidang balerong (bak kecek da Am), > urangko, taufik malin ko di non aktifkan. > Iyo rancak taufik malin ko nan pai, daripado Rahima. Mancari urang nan bailimu > takah Rahima indak murah do tuan-tuan. Ndak rugi awak rasonyo ?. > (Lain hal kalau Rahima pai dek karano kesibukannyo atau alasan- alasan > pribadi untuak studinyo). > Sakali lai ambo mintak Taufik malin ko di non-aktifkan. > > Kepada dik Rahima saya mohon kembalilah, atau Admin tolong aktifkan > kembali Rahima. > Mudah-mudahan apo nan kito buek-ko diridhai Allah swt. > > Wassalam.w.w. > > St. Sinaro _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
