Dari lapau subalah. Untuak manganduakan saraf nan tagang. ~ab~ ~~~~
Hasan Basri wrote: > PIL KADA DI PALANTA MAK SATI > > Di muko palanta lapau ubekMak Sati tabantang spanduk babunyi: > > SELAMAT DATANG PESERTA DISKUSI PIL KADA. > > (tanggal 10 - 3 - 2005, pukua 13.00, sudah Jumahat) > > Sutan Mudo, Rajo Bagindo, Pono, Ajo Udin dan Sutan Kayo, turun dari oto > mambaco tulisan spanduak. > > Mak Sati ko, ado-ado sajo nan dibueknyo. Baliau pandai mamanfaatkan situasi, > sahinggo aktivitas baliau tu hiduik. Katiko pamarentah merencanakan Pil > Kada, Mak Sati lah mandahului jo diskusi. > > Tapi itu alun tantu samo jo Pil Kada pamarentah. Mungkin Mak Sati promosi > ubek kada. Nan rancak awak singgah sabanta supayo jaleh di awak apo bana > mukasuik spanduk nan dipasang Mak Sati; Sutan Kayo manangahi karaguan > rombongan. > > "Assalamualaikum" > > Alaikumsalam, si Usuik nan manjawab. Mak Sati indak nampak. > > "Di maa Mak Sati Suik?" Ajo Udin batanyo. > > Ado di dalam; masuaklah! Dari dalam lapau Mak Sati manyambuik nan datang > sambia manyalami surang-surang. > > Tamu lah duduak di tampaek masiang-masiang. Mak Sati lansuang ka kurisi > tinggi. > > Mak Sati mamuloi. "Baa, labiah saputaran indak tampak puncak iduang > angku-angku. Kama sajo bakaliaran?" > > Bak caro ikolah Mak Sati, kami cuma indak singgah saja katiko lalu di muko > kadaiko. Indomo manjawab mawakili kasadonyo. > > "Kini apo carito angku-angku? Sia nan ka maanta kecek, silakan". > > Indomo manggaregeh mangecek manyampaikan mukasuik rombongan. > > "Macamko Mak Sati. Kami nak tahu makasuit isi spanduk nan tapasang di muko > tu. Kini kami datang nak batanyo, apokah Mak Sati mempromosikan sejenis ubek > kada nan ka dijua atau diskusi tantang pamilihan kapalo daerah." > > Baiklah angku-angku. Ambo ucapkan tarimo kasih karano syaraf angku-angku > tagisia dek kalimaek spanduk. > > Dangakan elok-elok, awak mulai diskusi awal hari ko juo. > > Isi spanduk tu adolah kreasi Mak Sati surang. Nan ka dibicarokan khusus pil > kada awak, untuak paubek kada urang Sumbar nan daerah kekuasaannyo barado di > Minangkabau. > > Selaku urang Minangkabau, tantu awak harus taimbau mampaeloki nan rusak, > apolai nan manyangkuit nasib anak-kamanakan nan barado di kampuang. > > Karano kato pil dari bahaso Balando, nan lah manjadi bahaso kito > sahari-hari, tantu awak lah mangarati bana tantang bantuak pil yaitu semacam > kemasan atau bungkuih ubek sarupo kapsul, puyer dsb. Namun kalau kada itu > marupokan akronim nan dibuek sakahandak urang nan bakuaso, itu urusan inyo > nan mampulerkannyo. > > Dari segi bahaso Pil Kada aratinyo ubek kada. > > Kada ado duo macam. > > Kada nan sabana kada, yaitu panyakik kulik nan namonyo bamacam-macam, > sarupo, tukak, pakuang, kurok. Urang kanai panyakik kada dapek digambarkan > jo kato-kato; alah ditukak jo ditekong, kanai pakuang-baliliaran, kini > barumah di tapi ayia. > > Nan kaduo, kada dalam arati kiasan, yaitu kada dakam utak. "Utaknyo di > kada", mukasuiknyo urang tu bodoh, indak bisa babuek nan batua, pikiaran > condoang ka nan jahek. > > Nan ado dalam spanduk , dalam pangaratian nomor duo yaitu kiasan. > > Diskusi pil kada akan diarahkan, untuak malihek tando-tando urang nan indak > bakada utaknyo atau kalau tampak tando-tando bakada utaknyo jaan sampai > dipiliah. > > Jadi hasil diskusi iko, nanti akan menghasilkan tando-tando urang nan indak > bakada dan mancubo mengetahui tando-tando utak bakada tu! > > Jikok tando-tando samacam itu ado di salah surang calon angku palo daerah, > inyo jan sampai dipiliah, Pono mancubo maresume. > > Ambo tambahi. Ajo Udin maagiah filsafat , aratie nyo awak maingekkan wae > sabalun kanai. > > Batua, iyo itu bana, jawab Mak Sati. > > Materi diskusi alah disiapkan Usuik. > > Kok lah salasai diolah, disarahkan ka tim sukses calon angku Palo. > > Usuik, cubo bao kamari ramuan pil kada. Agiah sabungkuih surang, iko > babantuak resep. > > Dek karano resepko indak dari doto, tapi dari Mak Sati sahinggo awak > masiang-masiang dapek mambaco. > > Setelah dibagikan, si Usuik mambacokan resep. Nan lain manyimak. > > Resep pertamo tantang kamampuan raso seorang angku-palo Daerah. > > 1. Kapalo daerah harus mamiliki kategori sarupo kayu gadang di tangah > padang. > Batangnyo tampaek rang basanda, ureknyo tampaek rang baselo, dahannyo > tampaek urang bagantuang, daunnyo tampaek bataduah diari hujan, tampaek > balinduang di ari paneh, buahnyo elok dimakan. > > 2. Harus arif bijaksano. Tau diereng dengan gendeang, tau di ribuik ka > mandingin > > 3. Indak sombong, gapuak indak mambuang lamak, cadiak indak manjua kawan > > 4. Harus adia, manimbang samo barek, maukua samo panjang > > 5. Harus jujur, bulek indak basandiang, indak manuhuak kawan sairiang, > > 6. Disiplin, batanggo naik, bajanjang turun, kusuik manyalasai, karuah > mampajaniah. > > Resep nan kaduo tantang kamampuan pareso nan harus dimilikinyo. > > Kini jaman globalisasi kato urang. > > Dunia alah manjadi satu dalam bidang informasi dan transportasi, lalu > manyusul pulo bidang-bidang lainnyo pada kehidupan manusia maso kini. > > Angku Palo daerah harus mangarati pulo tantang masalah iko. > > Kini kamajuan diukua, jo kemampuan Sumber Daya Manusia manusianyo. > > Angku palo, tamasuak di daerah Sumbar nan ka datang haruslah urang nan > mangarati bana tantang konsep dan keuntungan industri otak nan digagas pak > Emil Salim. Jadi bukan urang nan hanyo sibuak mamikiakan industri "gulai > utak" untuak menservis wisatawan! > > Daerah Sumbar secara budaya dan SDA pendukuang saroto geografisnyo indak > cocok untuak industri-industri hiburan semacam itu. Ingek ayat al Quran: Qod > aflaha mukminun, wal lazina hum an laghwi muqkridhun, orang-orang Mukmin > yang beruntung yaitu yang menjauhi permainan ! > > Kok inyo mangundang penanam modal industri tekhnologi canggih > pertanian-peternakan, dan pendidikan, hal iko indak masalah dek awak. > Tapi kalau mangundang penanam modal untuak industri industri permen, rokok > sarato karaoke, jo panti pijat, itu namonyo mambao panyakik untuak > anak-kamanakan. > Tamasuak pulo barang-barang nan lah bisa dibuaek dek urang kampuang sarupo > kecap, sabun, kopi indak paralu didatangkan urang dari lua. > > Jaan sampai angku palo labiah sanang mamfasilitasi dangdut daripado > manyadiokan lapangan pacukudo jo bolakaki karano indak mangarati > permasalahan kapitalisme global sarupo itu. > > Contoh keteknyo tantang internet sebagai sarana gratis atau katokanlah murah > untuak mendapek informasi atau ilmu pangatuhuan ko. Kapalo daerah awak nan > lalu-lalu, alun ado nan manaruah perhatian serius untuak pemanfaatannyo. > India dan Cina mengalami kamajuan pesat akhir-akhir iko karano pandai > mamanfaatkan industri Tehnologi Informasi. > > Iyoko duo resep atau resep raso jo pareso. Bahas surang-surang, karano > angku-angku punyo labiah dari ambo nan hanyo tamat sakolah desa jaman > saisuak. > > Angku nan balimo tacatat sebagai peserta diskusi. > > Hasilnyo nanti awak sarahkan manjadi baka Tim Sukses." > > Jadilah Mak Sati. Sutan Kayo mintak pulang. Ibarat kapa lah manapi, ibarat > golek lah tibo di nan data. Dari spanduk lah tantu jantan batinonyo. Kami > balimo lah dicatat si Usuik sebagai peserta. > > Asalamualaikum ww. Tiok urang basalam jo Mak Sati > > Kirim email kosoang apobilo: > Ka sato maota disiko, ka: [EMAIL PROTECTED] > Maleh di palantako, ka: [EMAIL PROTECTED] > cuti dari palantako, ka: [EMAIL PROTECTED] > Sato duduak baliak disiko, [EMAIL PROTECTED] > ingin digest sajo ka: [EMAIL PROTECTED] > > Photo dan file dapek di upload ka website group, cubo masuak > http://groups.yahoo.com/group/palantasma1bkt/photo > > Baco dan upload file di: http://groups.yahoo.com/group/palantasma1bkt/files/ > > Bia agak tahu tantnag fasilitas group pai ka: > http://help.yahoo.com/help/us/groups/files > > Yahoo! Groups Links > > <*> To visit your group on the web, go to: > http://groups.yahoo.com/group/palantaSMA1Bkt/ > > <*> To unsubscribe from this group, send an email to: > [EMAIL PROTECTED] > > <*> Your use of Yahoo! Groups is subject to: > http://docs.yahoo.com/info/terms/ > _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________