Assalamu'alaikum wr.wb., Tanyo jawab tantangan tata tertib RN > Assalamu'alaikum.Wr.Wb. > Ambo nio batanyo ciek mak Lembang. Satentangan tata tertib nan mambuliahkan mangaluakan peserta Rantaunet > kalau ado babarapo urang nan manyatokan seseorang paralu dikaluakan. Baa sabananyo aturan tu mak. Apo buliah > batujuah urang manyatokan seseorang harus kalua lalu urang tu dikaluakan.
Aturantu sabanano adolah, buliah urang-urang nan maraso tagaduah jo kahadiran seseorang untuak maminta partimbangan ka Komisi Tata Tertib untuak mangaluakan urangtu sasudah tabukti nan bahaso awakno iyo pantas dikaluakan. Misalno ado urang mahinokan lawan diskusi jo kato-kato kasa jo caruik bungkang, atau malecehkan lawan diskusi jo panghinaan sahinggo marusak kanyamanan sasamo netter di Palanta, atau malecehkan agamo (Islam), atau mahino ayat-ayat al Quran, atau mahino nabi-nabi Allah dan sabagaino. Harus nyato kasalahan-kasalahan urang tu untuak dijadikan dasar dek KTT untuak manyatujui palarangan kahadiranno. Itu nan ambo tau. > Tarakhir nan kanai banned adolah Taufikmalin. Sabaluntu alah sampai kalua uni Rahima dari Palanta gara-gara diskusi jo > urangko. Baa pandapek mamak? Tampak dek ambo mak Lembang masih mampartahankan kehadiran Taufikmalin tu. Ambo biasono memang nan tarakhir sato manyatujui mangaluakan urang dari Palantako. Kalau alah sabana nyato kahadiran surang urangtu iyo mambao kasulitan sajo, dek manebar fitnah, dek mamuta baliakkan kabanaran, dek mampakaruah suasana baru ambo satuju. Nan Taufik Malin ko nampak di ambo iyo agak balain, agak tangka, tapi maaf, bodoh. Sabana bodoh. Kajino umumno sajauah nan tampak dek ambo indak labiah daripado mampaeloki ekonomi supayo urang Islam jaan taruih miskin, lalu sudahtu baelok-eloklah jo Amerika. Sabab sia- sia nan bakawan jo Amerika bisa jadi makmur ekonomino. Disampiang itu adolah tantang suruhan babuek baiak ka tatanggo jo panakanan muskipun tatanggotu urang bukan Islam. Iko nyato-nyato manunjuak-an kadangkalan ilimuno.Contoh kasantiangan ekonomi Amerika-tu indak jaminan sabab sistimno indak samo jo sistim Islam. Sistim ekonomi Amerika ditagak-an jo basis riba, jo basis monopoli. Iko indak sasuai jo ekonomi Islam. Kasejahteraan duniawi Amerika bukan jaminan dicaliak jo kacomato Islam. Talabiah-labiah Islam maajakan untuak mancari kabahagiaan dunia jo akhirat nan saimbang. Baitu pulo tantangan mancintoi tatanggo sarupo mancintoi diri sandiri, tanpa bateh. Iko panafsiran bodoh, sangaik mungkin kanai pangaruah ajaran Kristen, kalau ditampa urang pipi kida agiah-an pipi kanan. Nan disuruah dalam Islam itu adolah babuek baiak ka alam sakitar, agar awak manjadi rahmat ditangah-tangah alam lawehko. Namun kalau urang lain jaleh-jaleh mamusuhi awak, awak musti malawan. Kalau pipi kida awak ditampa urang, tampa pulo no baliak. Kalau urang babuek jaek ka awak, buliah diagiah paringatan talabiah dulu, bahaso urangtu indak buliah sawenang-wenang ka awak. Kalau tatap juono sarupo itu, tatap juono jaek ka awak, musti dilawan. Jadi sajauah nan tampak di ambo mamatahi kaji Malin taufik itu indak ka sarik bana doh. Tingga dikecek-an ka ano itu salah, nan batua sarupo iko. > Baa pandapek mak Lembang tantang uni Rahima nan sampai kalua gara-gara Taufik Malin? Apo memang iyo buliah awak > mainda sajo kalau alah bosan badebaik jo urang lain nan indak safaham jo awak? Baa pulo manuruik pandapek mamak > satantangan Taufikmalin nan alah di banned? Masih buliah ndaknyo baliak ka Palanta? Apokah kahadirannyo iyo bana > babahayo manuruik mamak? Rangkayo Rahima tu ambo raso sadang sibuak jo urusan kuliah sarato urusan kaluargano jadi no ingin baistirahat dulu sabanta. Ambo raso ano indak sungguah-sungguah kamaninggaan Palantako doh. Mudah-mudahan capekno baliak. Taufik Malintu kalau manuruik ambo ado sabanano manfaatno disiko. Jo kaji-kajino jadi tabukak mato awak. Jadi abih mangaji awak maadoki kajino nan agak ganjia-ganjia tu. Ambo dek kasibuk-an pribadi iyo alah agak kudian-kudian sato. Tapi sabaluntu kan alah diadoki dek Rahima, dek Ahmad Ridha, dek Sutan Sinaro. Tapi memang iyo agak sayang, angku Malinko alah talanjua 'bulu-baji', urang alah talanjua banci sin ka ano. Sainggo apo sajo nan disampaikanno alah salah sajo nampak di urang. Iko agak ambo sayangkan. Ambo kurang sapandapek jo caro-caro sarupoko. Contoh katiko ano mangecek-an istri Rasulullah sambilan, ado nan mahampeh mareh ka ano mangecek-an bahaso awakno salah jo bahaso nan kurang pantas. Dek itu tadi, uranglah talanjua banci. Caro sarupoko manuruik ambo kaliru. > Itu sajo tanyo ambo mak. Tarimokasi ateh kasadion mamak manjawab. > Wassalam, Samo-samo angku mudo. Wa'alaikumsalam wr.wb., Lembang Alam _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
