Assalaamu'alaikum Warahmatullaahi Wabaarakatuh. Bantuak maetoi kain saruang, kecek rang gaek dulu. Karajo nan indak tau dima dimuloi dan dima akhirno. Pengangguran tinggi, tapi nan manganggur itu maraso paralu ndak bapanghasilan. Kalau iyo saharusno namuah manyinsiangkan langan baju, mangarajoan apo sajo nan halal dan bisa mandapek pitih. Bakarajo, indak harus di badan usaha atau pemerintahan sajo kan. Dek alah bapandidikan tinggi, cubo jalankan kincia-kincia, nan ketek tu alun tantu indak terhormat. Ado seorang Melayu di Malaysia, mambuek roti, malah roti unyil, bisa sampai mampunyoi pabrik serba otomatis dan armada distribusi nan buaanyak nian.
Baliak lah awak ka paradigma lamo baliak, mangarati bahaso manusia tu pado hakikatno dilahiakan untuak survive. Mukasuikno, jan sampai mamiliah-miliah karajo, a nan dapek salasaikan sajo dulu, nanti jikok dapek nan rancak pindah kian. Bisano manjadian sawah rang gaek, iyo jadianlah itu dulu, dek lai basikola (ado tinggi), cubo parajai intensifikasi lahan nan sajangka. Sahinggo dapek baproduksi labiah banyak. Sudah tu sabalun ba produksi baintegrasi jo pasa, jo bahaso lain parajai kalikat pasa, sahinggo hasil produksi ditarimo dipasa dan jo harago nan labiah. Urang barondoh pondoh mananam lado dimusim hujan, cubo tanam lado dimusim paneh, diusahokan penyiraman mekanisasi, misano. Atau tanam lado nantun 3 bulan kudian dari urang biaso. Atau kalau paralu, basamo sakampuang maatur musim tanam (bararti maatur musim panen kan?). Misano tanam bawang sapetak sapetak jo jarak tanam saminggu, jadi dalam 26 - 52 minggu ado mananam bawang satiok minggu, sahinggo indak tapangaruah dek musim jadino. Jikok rang gaek panggaleh, rang gaek manggaleh dipasa Ateh Kik Tinggi, mungkin cubo parajai pasa dilua daerah, atau lua nagari, a permintaan disinan, cubo diisi permintaan nantun. Bakomunikasi pakai email jo si Z di Jakarta, jo Malin Basa di Kandang Singo, jo Arshad Rasyid di KL, jo mak Kalek di Los Angles, dstno. Pasa harus diciptakan, indak katibo sajo durian runtuah doh. Investasi harus diciptakan, jo iklim nan kondusif. Awak maarokan investasi dari lua, tapi baru mancogok alah dipreteli, alah dibuek biaya tinggi. Ma lo mereka tu kanamuah datang. Ado ciek, pasa nan ado, tapi indak taiisi, permintaan sayua arganik 100 ton saminggu. Baa mangko indak taisi, tolong nan sikola tinggi manyigi, atau bausaho maisi. Injan lih ka maisi, nan namuah bausaho kian samiang indak ado. Kecuali si Z jo group no di Maninjau. Walau alun baasia gadang, tapi kan alah dimuloi, yo ndak Z. Kini kan lai ado juo nan manjua camin dikampuang, tolong bali ciek, sudah tu batanyo karumpuik bagoyang, ranuangkan sasudah batahajud "what's wrong with me?, A nan salah dikampuang mbo?, Tunjukilah aku kejanMu? Wassalaamu'alaikum Warahmatullaahi Wabaarakatuh. Darul Makmur St. Parapatiah (52) Baraja Bhs Arab di: [EMAIL PROTECTED] ----- Original Message ----- From: "Z Chaniago" <[EMAIL PROTECTED]> Assalamu'alaikum WW Valid atau ndak valid data iko.... tetapi masalah pengangguran di kampuang memang alah pado taraf nan cukuik tinggi.....dan yg agak payah adolah pengangguran terdidik dalam arti yang pernah mengikutik pendidikan tinggi juo tinggi..... Wassalam Palai Rinuak http://www.kompas.com/kompas-cetak/0507/28/sumbagut/1932899.htm Pengangguran di Sumbar Capai 19,47 Persen Padang, Kompas - Tingkat pengangguran di Sumatera Barat dewasa ini masih tinggi, yakni mencapai 19,47 persen. Laju investasi yang sangat rendah Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________