Assalaamu'alaikum wa rahmatullaahi wa barakaatuhu,
Ni Ben,
Kok salah ambo untuang-untuang di pelok-ino di nyiak
Sunguik,
Loneng balai, mangko curitono.
Balai adolah lapangan barumpuik, ukuran agak ketek pado
tanah lapang tampek urang main bola, dulu-duluno konon
tampek baralek adaik, (balai adaik). Talatak agak di tapi
labuah. Antaro labuah jo balai ko ado banda. Ka masuak ka
balaiko tapaso dibuek-an jambatan ketek panyubarangi
bandako, buliah nak dapek kandaraan masuak/lalu ka dalam.
Kalau daulu kandaraan nan kamasuak bendi jo padati, tapi
kini tantu alah oto bagai lai. Pa-apik jambatan di ateh
bandatu biasono dibuek-an tembok baukuran labiah kurang
sameter panjang, 80 senti tinggi, 25 senti leba. Duo buah
ba-adok-adok-an. Kaduo tembok ko di kampuang ambo di
sabuik urang loneng. Loneng balai aratino loneng nan
talatak di balai. Sabab bisa pulo lonengko talatak di
pintu kaporo (aa batambah pulo ciek lai kan?).
Sampia, sabangso anau. Batang sampiako sabangso batang
anau. Buahno nan biaso dibuek-an urang ka kolang-kaling.
Tagalinjang, tagalenjek samo tu ni Ben. Samo-samo ado
disabuik urang di kampuang ambo. Aratino garak-an dek
takajuik.
Wassalaamu'alaikum,
Lembang Alam
On Wed, 17 Aug 2005 16:23:11 EDT
[EMAIL PROTECTED] wrote:
'Alaikum salam In wa rahmatullaahi wa barakaatuh,
Tambueh..., tambo no...!
taragak awak nak pai ka zaman macam itu baliek, zaman
nan asli
caro daulu nyo.
St. Lembang dan semua2,
ado kato nan indak manggarati disnan, sbb:
loneng balai
batang sampia
kok tagelenjang, di kampaung ambo hal macam itu lebih
tepat di katoan:
tagalenjek.
Thanks, I enjoyed it,
uni Ben
========================================================================================
Semarakkan Ulang Tahun Kemerdekaan RI dengan mengikuti TelkomNet Netkuis 17-an
Dari 17-08-2005 s.d 17-09-2005. Dan dapatkan hadiahnya..!! hanya di
http://netkuis.telkom.net
========================================================================================
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________