Batua tu Makngah rang padusi kampuang kami iyo banyak nan jadi rang panggaleh. Mungkin karano ditampek kami sawahnyo tamasuak nan tadah hujan. Nan banyak Cuma kapelo jala.
Ambo danga carito nenek sangkek "ijok Bulando" manggaleh ka Pakah Titih dakek PLTA Batang Agam jo Suayan nan kadang-kadang masuak dari Kamang. Mambao garam jo kain batiak. Maso ijok PRRI rokok nan laku kecek baliau Kalau nan laki-laki banyak nan jadi parantau, kalau dulu Cuma ka Medan jo Pakanbaru. Kini yang jadi trend ka Malaysia, sahinggo banyak rumah dikampuang nan kosong. Kalau yang ulet lai barasia umumnyo manggaleh babelok di pasa malam dakek kilang/pabrik Bahkan ado yang mangontrak tanah lapang untuak manggaleh malam bisa mangalah kan Mal/Swalayan , sampai owner swalayan tu manuntuik ka Dewan Undangan Negeri ( DPRD caro awak) untuak mambatasi pasa malam nan mambuek kadainyo langang. Kalau Angku Zul iko dima kini tingganyo. Taun bara sikola di Parik Siku. Kalau ambo sikola disitu taun 62-67. Ambo samo jo Iceh/Salman anak pak Tuak Tuah adiak Da Nadran ex. SEKDA Agam. Kalau ibu Rosma tu guru SMP ambo. Anaknyo kawan SMP ambo Iskandar ( masuak ITB sekitar tahun 74) -----Original Message----- From: [EMAIL PROTECTED] [mailto:[EMAIL PROTECTED] On Behalf Of Sjamsir Sjarif Sent: Friday, August 26, 2005 6:01 PM To: Lapau Subject: RE: Bukak tambo ....Re: [EMAIL PROTECTED] gala; Jagai, Nagia, Nak-Umah Eee, iyolah "nagia" na Rang Pnompen ko yo Angku Zul (Zulkifli, Sungai Baringin). Ditanyoannyo ka wak lai Makngah mangariati "Jagai"tu. Baa ka indak? Kini baru pukua tigo saparampek pagi, kan iyo bana jagai MakNgah jago lalok du. Baa ka indak? Memang urang Panampuang tu sajak saisuak tamusahua panjagai. Saisuak wakatu MakNgah ketek-ketek, alun ado oto ilia mudiak dari Payokumbuah Bukittinggi. Subuah-subuah, sabana jagai na, tadanga sing bunyi tangkelek Rang Padusi Panampuang bakalentang-kalentong di labuah ter pai kapasa basamo-samo jo suaro nan riuah randah. Rang Panampuang tanamo rajin, katu ari pakan subuah-subuah jagai pai ka pasa, kok pulang lah lapeh sanjo lo tadanga lo baliak kalentang kalentong bunyi tangekelek Parik Putuih. Ka Adidunsanak nan Basamo nan indak tahu arati "jagai" (bacoan "ai" nyo saroman dalam kato "bagai", indak tapisah antaro "a" jo"i" doh) aratinyo iyolah "sangaik lakeh jago pagi," early in the morning. Baitu juo ado arati tambahannyo bukan lakeh jago sajo, tapi "baguluik dan siap untuak maahdoki hari baru." Dalam hal iko ado imperatif "maso datang". "Nagia" buliah diaratikan "lucu". Kandang - Jorong Lurah tu kan antaro Sungai Baringin jo Surau Labuah du kioh? (Nah, "kioh" ko Caro kami di Ampek Angkek aratinyo "gerangan"). Patangko tahun nan lalu, MakNgah lai lalu ka sinan, bahonda dari Sungai Baringin tampek Uni Rosma (Sulam Busana) taruih ka Surau Labuah. Baranti sinan singgah ka rumah famili sinan di Simpang Surau Labuah tu. Mungkin lai tahu jo Adison, anak kakak (kamanakan ayah) di ambo. Si Des "nak-umah" Adison ko ado lo adiaknyo banamo Ilham Zikri (Surau Lauik) mancari MakNgah di San Francisco patangko. (Nah, "nak-umah" ko Caro Pnompen na go ha, kapendekan dari "anak rumah" atau "induak bareh" atinyo samo jo istulah "room mate" nan dipakai Angku Boes). Wakatu di Surau Labuah tu basuo lo jo kawan lamo sapangek sa Sikola di Pakan Kaluang. Inyo duduak-duduak di Lapau, lai takana deknyo MakNgah katu ketek-ketek. Anaknyo kini lah jadi Jenderal TNI pulo. Ah, panjang carito kalau takana Nagari Pnompen tu. Makngah Sikola Nagari di Pakan Kaluang katu ketek-ketek. Ayah Makngah manjadi Guru di Panampuang tu dahulu sajak tahun 1913. Anak sasian baliau ado tigo katurunan di Nagari Panampuang tu. Angkatan lamo maimbauan baliau Angku Guru Sarih. MakNgah diimbauana Rang Kampuang, angah Guru Sarih. Tanyo ka nan gaek-gaek, pasti takana dek Rang Kampuang nan mungkin banyak sakalas jo MakNgah sisuak tahun 1941-43 di Pakan Kaluang. Sakitulah dahulu. Salam, --MakNgah >From: "Rasyid, Taufiq (taufiqr)" <[EMAIL PROTECTED]> >Date: Fri Aug 26, 2005 6:19am >Subject: RE: Bukak tambo ....Re: [EMAIL PROTECTED] gala > >Mak Ngah.. >Ambo rang Panompen (he...he... Baitu namo popnyo di kami) dari nagari >Kandang -Jorong Lurah. Kalau suku ambo Sikumbang, pangulu kami Datuak >Palindih. > >Tapeknyo nagari ambo, kalau dari Suringin arah ka ilia sabalun Simpang >Koto Baru/Salo. Bisa juo ka hilia dari Simpang Lundang/ antaro jambatan >Lompatan- Lambah jo nagari Koto Hilalang. Atau ka ujuang dari Simpang >Surau Labuah. > >Banyak juo kawan2 dari nagari tetangga manyabuik kami " Urang Jagai" >mungkin itu kato khas kami, salain kuninan nan biaso Mak Ngah sabuik cik inan. >Lai tau Mak Ngak apo aratinyo "Jagai" tu. Kok iyo lah acok ka Panompen. > > >-----Original Message----- >From: [EMAIL PROTECTED] [mailto:[EMAIL PROTECTED] On Behalf Of >Sjamsir Sjarif >Sent: Friday, August 26, 2005 12:33 PM >To: Lapau >Subject: Re: Bukak tambo ....Re: [EMAIL PROTECTED] gala > >Ado lo ciek lai dunsanak awak di Lapau ko nan dari Panampuang, Angku >Taufiq Rasyid. Lah tahu angku Lembang. Dimaa baliau di Panampuang tu. >Kok alun bialah kito batanyo dimaa bana Angku Taufiq di Pananmpuang >tun. Sabab diambo lai jaleh du Panampuang tu dari larak ka Surau >Labuah, dari Kubu ka Sungai Baringin, apa diambo kampuang piciangmato. >Ambo acok ke en katu ketek-ketek. Bahkan patangko ado lo kamanakan dari >Lauik, Panampuang mancari ambo di San Francisco, sayang kami indak >batamu, inyo tapaso pulang lakeh. > >Sakitulah dahulu. > >Salam, >--MakNgah X___________________________________________Sjamsir Sjarif Indonesian Translator, Interpreter, and Cultural Consultant 335 Gault St. #1, Santa Cruz, CA 95062, USA Email: [EMAIL PROTECTED] Tel. (831)-426-1333 Fax (831)426-8907 http://www.usindo.net/hambo Member of: ATA, American Translators Association http://www.atanet.org/ NCTA, Northern California Translators Association http://www.ncta.org/ IPA, Indonesian Professional Association http://www.ipanet.org/ ======================================================= Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________