Wa'alaikumsalaam wa rahmatullaahi wa barakaatuhu, Sato lo ambo ciek bundo. Ambo masih mampagunoan buku-buku ilmu alam, aljabar, ilmu ukur karangan baliau-baliau nan bundo sabuik-an tu di SMP 3 Tanjuang Alam tahun 63 sampai taun 66. Buku-buku nan ambo warihi dari kakak-kakak sapupu nan sapuluah taun di ateh ambo. Imaik awak di buku saisuak tu.
SMP 3 Tanjuang Alam nan bundo sabuik tu jadi sikola kami ampia sa Ampek Angkek (kacuali Canduang) ditambah jo Kapau (Tilatang Kamang) katiko itu. Kalau di ambo jarakno 3.5 kilo dari rumah. Ado tigo alternatif untuak pai kian dari kampuang ambo. Malalui Ampang Gadang nan kapatangko kanai limbubu tu, arah ka baraik (puun), sudah tu babelok ka utara (ka ilia) ka Tanjuang Alam. Nan kaduo, lalu ka Biaro (ka utara/ kailia) sudah tu babelok ka puun ka Tanjuang Alam. Jalur kaduo bisa lo awak manggunoan kureta api antaro Biaro jo Tanjuang Alam. Nan katiko maminteh ka sawah, di tembak langsuang arah ka Tanjuang Alam. Jalanko malalui pimatang-pimatang sawah. Ba kapilah-kapilah kami pai sikola ka Tanjuang Alam maso itu dari sabalik nagari. Jarak 3.5 kilo nan ambo tampuah taetong moderat katiko itu. Ado kawan ambo dari arah gunuang Marapi, di ateh Lasi, nan bajalan labiah duo kali lipek dari nan kami tampuah. Turun subuah-subuah mambao pusuang kanti-kantiko. (pusuang alah panah awak bahas). Dek jarak nan lumayan jauah tu mungkin, agak ketek prosentase kawan-kawan ambo nan taruih sikolano sampai ka paguruan tinggi. Kapalo sikola SMP 3 katiko itu pak Yunas Thaib. Sia tau mungkin lai pulo kenalan baliau di Palantako. Wassalaamu'alaikum, Lembang Alam ----- Original Message ----- From: "Hayatun Nismah Rumzy" <[EMAIL PROTECTED]> To: <palanta@minang.rantaunet.org> Sent: Monday, August 22, 2005 4:27 AM Subject: RE: [EMAIL PROTECTED] Re: Bukak tambo ...guru baru taun 55 > Assalamu Alaikum W. W. > Dikompleks nan > ciek tu ado 3 SMP dan umumnyo murid2nyo iyolah urang Sianok jo > Kotogadang. Mereka tu bajalan kaki pulang baliak tiok hari mandaki jo > manurun ngarai. Pagi2 ado SMP 2 jo SMP 4. Kapalo sikolanyo wakatu bundo > disitu iyolah pak Palizir samo pak Achda Yanuar. Kalau sore iyolah SMP 5 > namo kapalonyo pak Syawal. Lucu pulo SMP 3 nyo di Tanjung Alam SMP I di > Simpang Kangkuang. > Hanyo itu nan takana dek bundo. > Hayatun Nismah Rumzy Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________