Iyo Angku Malin Basa.
Lidah MakNgah tadinyo lah bacampaua jo Lidah Cino jo Lidah Japang, tabaliak
L jo R nyo sahinggo LRT tasabuik (tatulih) right rail train, saroman
mangecekkan Fried Rice manjadi Fried Lice :) Tarimo kasih untuak
mamelokinyo. Dek angku Malin Basa iyo di Kandang Singo tu bana tantu jaleh
kama gauang-gaung singo tu ilia mudiaknyo.
Partamu akali ambo mancaliak MRT iyolah baru dipakai 6 stasiun di sakitar
Orchard. Sudah tu lalu sakali laia lah batambah panjang juo, sakali lai
batambah panjang juo. Ambo sangat impressed sakali karano dapek
mambandiangkan subway-subway nanlah ambo lalui, saroman di Mexico City,
Madrid, Stockholm, NYC, sakadar untuak mambandiangkan. Mulonyo nan
tabarasiah tampak adolah Stockholm, tapi sudah mancaliak nan baru di
Orchard tu, iyo naiak ampu jari (cap jempol kecek Rang Subarang) Makngah
dinyo. Kini lah batambah-tambah panjang juo, iyo Utara Selatan, Timur Barat
(eeh takana mandangiang lo di talingo lo "Lagu Indonesia Subur", karangan
Nyiak Pi'i (Mohammad Sjafei Kayu Tanam) lagu kenangan nasional kito nan lah
dilupokan Rang Kini!). Patangko waaktu lalu sinan sadang dipapanjang lo ka
arah timur laut. Mungkin ka manuju daerah pantai utara nan sadang
direklamasi bahadokkan jo Johor. Kabanyo ka dibuek pulo jambatan baru dari
suduik sinan ka Johor nan juo sadang mareklamasi bulo di subarang sinan.
Nan labiah santiang lai. Paraturan. Iko walaupun soal ketek, pantiang. Kok
lalu ka Singapura jan mambawo gulo-gulo kajai, labiah-labiah lai jaan
mancapak makan gulo-gulo kajai saroman kabiasaan anak-anak pamaian bola
mancapak-capak gulo-gulo kajai di Rantau MakNgah. Di Kandang Singo itu
haram, kok katahuan ditangkoknyo awak dek polisi. Baa baitu? Kabanyo kok
gulo-gulo kajai tu marusak MRT jo LRT tu.
Kuala Lumpur? Walaupun dari KL ka KLIA (KL International Airport) tu
jaraknyo kiro-kiro labiah 60 km sajarak Padang jo Kandang Ampek, namun jo
subway expressnyo cuma sabanta sajo, lasuah indak bakulangkang-kulangkang
doh bunyinyo.
Kito caliak pulo hasilnyo Monorail nan sadang digasak-gasak lo
manyudahannyo di Batawi tu. Mudah-mudahan rancak dan aman. Mudah-mudahan
tacaliak juo dek MakNgah.
Salam,
--MakNgah
42905
From: jun aidi <[EMAIL PROTECTED]>
Date: Thu Sep 15, 2005 8:13am
Subject: Re: [EMAIL PROTECTED] Mesin Bergetar Keras--Garuda Balik ke Ngurah
Rai; Barang Bakeh
Mak Ngah di Santa Kuruih
Saketek koreksi mak disiko kito indak mangenal istilah subway mak, sitem
trasportasi kuretano dinamokan MRT (Mass Rapid Transit) nan melayani rute
dari barat ka timur, lingkar utara dan selatan timur-laut sadangkan sistem
nan kaduo dinamokan LRT (Light Rapid Transit) nan dilayani kureta ketek
indak basupir diwilayah persekitaran.
Batua mak technologi kureta nan mereka gunokan buliah dikatokan nan
terbaru dan bahkan jalur selatan timurlaut tu kureta no indak masinis
pulo. Iyo manjijiah aia salero awak mancaliak pakambangan nagari kaciak ko
walaupun indak awak pungkiri indak sadono praktek2 disiko nan patuik awak
contoh.
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.10.24/100 - Release Date: 9/13/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
