Assalaamu'alaikum wa rahmatullaahi wa barakaatuhu,
Iyo Angku Lembang, bak kecek Nakrang Pnompen, iyo nagia na eh...
Tapekno tampek mandok Nyiak Sunguik di 36 58 49.37N 122 00 21.54 W di
Gault St antaro Morissey jo Frederick.
Kalau kantua sisuak di Kampuih 36 59 57.93N 122 03 12.42 W. Awak ndak
sinan lai. Kampuih UCSC kami andokan di dalam hutan kayu merah, Redwood.
Lapiak tabang tu iyo samo. Rupono programno diansua-ansuano apdetkan. Ado
nan jaleh sampai ka pintu kaporo saroman nan di tampek Nyiak Sunguik tu.
Mungkin karano dakek jo Kampus Google tu. Pokokno nagari-nagari nan lah
segeh pametaanno, iyo tampak sangat mandetail sahinggo awak bisa manzoom
randah sampai jaleh.
Tapi nan sanang bana, awaak bisa mamuta-muta arah tabang ilia mudiak.
Misano awak dapek mamuta-muta Gunuang Marapi kuliliang saroman karajo
Raksasa Tea dapek pamenan baru. Rasono labiah asiak lo awak dari Raksasa tu
lai. Baa ka indak, Gunuang Marapi nan diputa-puta, diciliang-ciliang
lurah-lurah jo tulang-tulang bukikno.
Tapi di kampuang awak pametaanno masih relatif sederhana, jadi awak indak
dapek manukiakan bana dakek-dakek doh. Tambah dakek tambah kabua. Sayangno
data nan masuak rupono wakatu diambiak photo agam tuo tu ado awan
baserak-serak diateh Ampek Angkek Tilatang. Pandai Sikek lereng gunuang
Singgalang sabalah timur agak tasawok jo awan tipih, tapi masih dapek
diagak-agaki.
Tampakno, features dari peta tu diambiak dari peta tuo maso Japang nan
maadaptasi peta-peta maso Bulando sisuak. Caliaklah jalan-jalan di Kampuang
awak. Indak ado tampak labuah nan dari Lasi malinteh Biaro ka Kamang
doh. Nan ado labuah dari Canduang Koto Laweh ka Simpang Canduang, taruih
ka Salo. Banyak features nan kurang di Agam Tuo tu. Itu sababno Angku
Lembang jo ambo kecewa karano walaupun kito tabang randah, indak ado nan
dapek kito fokuskan doh. Cuma ambo cubo manakok-nakok sajo dimaa bana
simpang Biaro tu:
Koordinat Simpang Biaro 00 17 10.55 S 100 26 09.94 E
Ado nan pantiang nan ambo caliak kasalahan features nan dimasukkan ka dalam
peta google tu. Walaupun tampakno foto-foto dari Langik ko baru, namun
features katarangan dan tando-tando nan diagiah masih kuno. Misano jalan
koreta api masih taruih jalan koreta api maso Bulando nan lah lamo dibukak
yaitu dari Payokumbuah ka Suliki. Ambo indak manapeki jalan koreta pai tu
lai salamo iduik. Cuma jajaknyo sajo nantampak lai di Pakumbuah dakek
Bunian lai. Jalan koretapi dari Padangpanjang ka Payokumbuah buliahlah
karano masih ado cuma ditimbun sajo kini tu, masih ado relno.
Cieklai jalan koretapi dari Sawah Lunto ka Loge nan dibuek Japang maso
Romusha masih ado dalam peta. Ambo alah sampai lo ka Loge tu du patang ko
(awal 2004). Baiak jalannyo maupun basi-basi relno indak ado lai dari Loge
tu. Ambo alah malinteh marancah jalan tu di Durian Gadang (1959) di tapi
Batang Kuantan tu. Baiak basi-basino ndak ado lai, jalanno lah ditutuik
rimbo gadang. Masih tabayang dan maramang kuduak kalau takana carito-carito
Romusha dari Loge saisuak.
Takana diambo kini kama pai basi rel koretapi tu. Wakatu jolong mardeka
sasudah kadaulatan rasono tahun awal 50 banyak truk mambawo rel-rel
koretapi lalu di Simpang Biaro dari arah Bukittinggi ka Payokumbuah. Kalau
ambo patauik-tauaikkan pandangan kini tu, mungkin rel-rel tu dibawo ka
Pakanbaru dijua jadi basi tuo. Pitihno antah kamaa... Indak ado tacatat
dalam sejarah doh...
Sakitulah dahulu.
Salam,
--Nyiak Sunguik
43460
From: Muhammad Dafiq Saib <[EMAIL PROTECTED]>
Date: Tue Oct 4, 2005 6:38am
Subject: Re: [EMAIL PROTECTED] Magic carpet, Re: Tabang-tabang jo Lapiak
Sumbayang..
Assalaamu'alaikum wa rahmatullaahi wa barakaatuhu,
Manolah nyiak Sunguik jo dunsanak sa Palanta nan adang adok,
Dek latah, sato pulolah ambo tabang-tabang jo Lapiak Sumbayang sarago
istirahaik siangko. Malayok-layok ambo kian kumari ndak tantu adok.
Malayang di ateh kapundan gunuang Marapi, gunung Singgalang, gunung Sago.
Di ateh Kiktenggi. Cuma nan agak bangih ati saketek tibo disinan indak
amuah lapiak ko dibao tabang randah bana do. Ka pauji-uji ambo cubo tabang
ka Parih, aa baru lasuah. Nanpak cik lalek kota Parih tu di ambo. Balenong
pulo ambo ka rantau nyiak Sunguik. Ambo cari bana nagari Santa Kuruih tu.
Nampaklah di ambo Santa kuruih beach, Ocean view park, San Lorenzo
Boulevard, San Lorenzo Parak. Tapi dima bana patapak-an nyiak Sunguik
tantu iyo indak jaleh di ambo. Nampak lo di ambo tapi lauik no tu bagai.
Raso ka ambo imbau-imbau nyiak Sunguik di sinan.
Aa tanyo ciek jadino. Iyo lai lapiak nan samo nan ambo pakai go jo Google
earth map ko, dek indak amuah dibao tabang randah di nagari awak tu. Di
Makkah bana indak lo amuah no dibao tabang randah do. Mintak-mintak maoh
no ka awak, indak buliah randah-randah tabang di siko do, jano. Antah
takuik no ka kanai bom gakno.
Wassalamu'alaikum,
Lembang Alam
Sjamsir Sjarif <[EMAIL PROTECTED]> wrote:
Assalamualaikum warahmatullahi wabarakatuh,
Angku Bandaro, caliak "view" di kontrol panelno.
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.11.8/114 - Release Date: 9/28/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________