Assalamualaikum warahmatullahi wabarakaatuh He he he...Sanak Syahril Kok nak tahu jo ilimu kimia datanglah ka pondok baok kain putiah agak sakabung, ayam itam agak saikua, pisau panjang jo pisau pendek :-) Bak kecek urang All chemical are dangerous, only the right dosage differentiate between poison and medicine. Banda urang kami banda-an banda nak rang koto tuo kaba urang kami kabaan kalau salah kami ndak sato :-) Awak indak bisa talapeh dari zat kimia mulai dari jago lalok sampai lalok baliak, mulai dari kalua dari paruik mandeh sampai manyusul Dr. Azahari. Tanah nan sabingkah aia na sataguak itu adolah zat kimia. Bagi urang kimia karajo dunsanak awak nan dari nagari semenanjuang itu hanyolah karajo mancik2, di lab kami banyak punyo bahan2 dan alah banyak malakukan experiment jo barang2 tu. Aia nan awak minum sahari2 terdiri dari komposisi zat kimia nan sangaika babahayu yaitu duo atom Hydrogen dan ciek atom Oxygen. H2 adolah zat yang sangat flamable (mudah tabaka) dan O2 adolah zat yang bersifat oxidator dan apobilo H2 ko di adu dengan O2 akan menghasilkan ledakan nan maha dahsyat. Ingek peristiwa Chalenger, dimano tanki bahan bakarno maledak, bahan bakar nan digunokan untu pesawat ulang aliak ko adolah Hydrogen karano barek molekulno sangaik randah sahinggo ndak membebani pesawat. Tapi, Allah sangaik maha bijaksano baliau manciptakan aia dari gabungan molekul nangko, bahkan dinyatokan dalam AlQur'an sagalo nan iduik diciptakan dari aia. Hampia 90% dari tubuah manusia terdiri dari aia dan aia dibutuahkan untuak iduik, urang bisa mogok makan dan masih bisa batahan iduik tapi kalau mogok minum indak barapo lamo bisa bakapeh iduang. Contoh kaduo adolah garam dapua (NaCl) dari apo garam dapua dibuek yaitu dari campuran asam hydro khlorida (HCl) dan basa sodium khlorida (NaOH), kalau mamak2 ingin mancubo mambuek garam minumlah kaduo zat ko, insya Allah out. Tapi sang maha Chemist kumbali manunjuak-an kuaso no dengan reaksi HCl + NaOH ---> NaCl + H20 dan amai2 bisa mancampukan NaCl ko kagulai, ka kolak dlsb dan kalau gulai amak paja gurang garam atau talampau asin bisa2 mamak tabik suga. Sacaro singkek apo nan disabuik biokimia, yaitu zat kimia nan tadapek di dalam tubuah makhluk iduik saroman protein, glikogen (gula otot) DNA, gen, kromoson dll. Kimia organik secara umum adolah zat kimia nan manganduang unsur karbon saroman minyak bumi dan turunan no. Kimia murni adolah suatu cabang ilimu kimia nan mampalajari zat kimia tsb saroman sifaik, reaksi, dll (pure science) bebedo jo chemical engineering ataupun kimia terapan (applied chemistry). Kesimpuan, jaan takuik jo zat kimiakaro satiok ari kito baranang di lautan zat kimia (N2, O2 + noble gas). Mungkin bapak Dr. Perry Burhan dan ibu Dra. Nurbaini McKosky MSc bisa manambahkan. wassalam Junaidi (39), kandang singo
Assalamualaikum warahmatullahi wabarakaatuh, Wakatu mambayia zakat, dek ota ka ota, ruponyo yang manarimo adolah salah surang garin musajik alumni kimia unand, langsuang ambo tanyo Mrs. Benmckosky, ha ha liau langsuang mancaliak ambo dg seksama dan mangiro2 anak ko kok kenal lo jo dosen aden ko katonyo, dan tambah heran lai katiko ambo kecekan kami tiok hari bakirim surek ka amrik, dan akhia carito ambo ditawarin main karumah liau, ha ha kalau jadi main tantu saketek banyaknyo dapek lo awak kacang tojin, lontong sayua, randang dll, mungkin itu manfaak saketek banyaknyo ba silaturahmi di Palanta, dan kirim salam dari murid untuak buk Ben. Disabuik juo kimia tu banyak macam, ado kimia bio, murni, organic (yang diaja dek kawan ambo di itb), kimia ..... dan ....., dan baa pulo kimianyo dr azahari?? (alias bom), bagi dunsanak yang tahu buliah dibagi carito tantang ilmu2 kimia go. Sakian sajo, wassalam, Syb. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________ --------------------------------- Yahoo! FareChase - Search multiple travel sites in one click. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________