Maa Ajoduta sarato Rang Lapau nan Basamo,
Itu kurangnyo sasaik dalam acara-acara penting di Kampuang kito. Kurang
balewakan. Kurang informasi, dianggap rutin sajo lah diketahui umum tanpa
diumumkan jauah labiah dahulu. Ambo raso, dalam hal acara Tabuik ko lah
rutin sajo satiok tahun. Urang lokal lah tahu dan basiap-siap karano iko
lah manjadi darah dagiang satampek. Tapi bagi urang jauah-jauah, iyo indak
tahu doh. Umumnyo urang-urang jauah (apolah awak namokan, turih sasek
misanyo) hanyo tahu kalau kabatulan sajo barado di tampek kejadian dalam
wakatu nan batapatan.
Baitu juo, bukan sajo acara lokal nanlah dianggap rutine saroman Tabuik tu.
Patang ko kito baco urang ka "Makan Bajamba Panjang-panjang di Sawah Lunto"
sabagi usaha promosi Ulang Tahun Sawah Lunto. Sayangnyo acara nan
interestiang tu diumumkan kiro-kiro duo tigo hari sabalun kajadian
sajo. Pabilo tu turih atau urang nan interestiang jo itu ka baduyun datang.
Ciek lai dalam komunikasi dan promosi ko agak talengah Urang Kampuang Awak.
Di nagari Urang, saroman macam-macam acara atau konperensi internasional,
lah diumumkan saindak-indaknyo satahun sabalunnyo, indak duo tigo hari
sabalunnyo doh. Parsiapan-parsiapan utnuak itu diangek-angekkan atau
diapdetkan dalam baritonyo, sahinggo urang jauah-jauah lah dapek maagaki
bara pitih paralu, bilo ka pai, apo acara nan kadibatalkan untuak mamiliah
acara nan disukoi tu. Dalam apdetnyo biasonyo lah diumumkan hal-hal nan
detail, saroman caro-caro pai ka sinan, dimaa akomodasi, dima nanjan
talupop dicaliak, dimaa makan dan restoran atau kadai-kadai nan mungkin
indak dapek dilupokan. Itulah promosi iklan-iklan satampek untuak manariak
atau atraksi panjapuik pitih.
Kito di Lapau ko agak lakeh dalam mayerap barito, karano Lapau kito aktif
mamantau sagalo macam barito nan mungkin dianggap lasush untuak dibaco atau
diketahui. Labiah nan dari pado itu, Lapau kito digiloi dek Urang Dapua nan
marupokan sabagian dari anggota Lapau. Baitu juo, ado saindak-indaknyo ambo
paratikan, ado duo website nan dilakukan jo sasungguah hati oleh anggotanyo
dan dimnonitor dengan baiak oleh Rang Dapauanyo sarato ado interaksi jo
paminaiknyo kuliliangdunie. Nan duo ambo caliak Cimbjak jo Solok Selatan.
Baru-baru ko minggu nan lalu kironyo muncul pulo "West-Sumatra.com" nan
sangaik manariak paratian.
Tapi ado websites nan lain, tampaknyo sakadar alah babuek sajo. Sudah
dibuek, bukan sajo indak diapdetkan, malah kok ado urang batanyo dari Jauah
indak dihiraukannyo doh. Mungkin pangalolanyo urang bayaran sakadar palapeh
utang sajo atau sakadar "parojek" untuak basipak sintuang sajo saroman
kasus Website Mantawai nan kini manjadi sasaran hukum di pangadilan.
Walaupun ambo sangaik tatariak acok macaliak Situs Kabupaten Sawah Lunto
misanyo, ambo kacewa, karano tanyo ambo indak dicaliak-caliak dek Rang
Dapuanyo. Aah, sakitu lah dahulu. Bahkan dalam temanyo disabauik untuak
mamporomisikan turuih, tapi baa tu kalau tanyo urang indak diengong-engong,
tantu takuik urang ka maampia jadinyo.
Salam,
--MakNgah
44577
From: dutamardin umar <[EMAIL PROTECTED]>
Date: Mon Dec 5, 2005 11:23pm
Subject: Re: [EMAIL PROTECTED] Pulkam [EMAIL PROTECTED]
Alaikumsalam dinda Mulyadi dan sanak di palanta,
Tarimo kasih kiriman informasinyo. Nan manjadi tanyo ambo adolah
apokah tahun 2006 yad ado acara Tabuik tu. Iko nan ambo cari infonyo
indak basuo. Mudah2an ado. Dari jauah awak datang, waalaupun awak
ajo Piaman, tapi alun panah basobok jo tabuik tu. Urang KBRI batanyo,
ambo indak bisa manjaok. Malu jadinyo..he...he
wassalam/ajoduta/58+
Internal Virus Database is out-of-date.
Checked by AVG Anti-Virus.
Version: 7.1.362 / Virus Database: 267.13.4/175 - Release Date: 11/18/2005
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================