Assalamu'alaikum wr.wb. Di satu sisi kualitas Universitas di Malaysia bagus, tapi di sisi lain kalau buliah ambo mancaliak, dengan banyaknyo urang kampuang awak sakola ka Malaysia tu...artinyo yang dapek income pemerintah Malaysia se... Akan labiah rancak kalau Malaysia diundang mambuek Universitas di Sumbar dengan sistem dan kualitas yang samo jo di Malaysia, artinyo banyak lapangan karajo bisa dibuka. Mulai dari etek-etek nan manjua nasi sampai nan buka kos-kosan...efeknyo positif pado pertumbuhan ekonomi rakyat. Salah satu contoh, tiok bulan labiah kurang 2000 orang nan barubek ka Malaysia dari Sumbar. kalau kito ituang-ituang, misalkan se tiok urang yang barubek kalua Rp 10 Juta, kalau dikali jumlah nyo labiah kurang 2000 x Rp 10 Juta = Rp 20 Milyar yang tabuang ka Malaysia tu....ck..ck...ck jumlah yang sangaik banyak. Kalau se ado yang bisa mambuka Rumah Sakit Internasional yang manyadiokan fasilitas bantuak malaysia tu di Sumbar, pasti masyarakat di sekitar Rumah Sakik tu bisa taangkek pulo perekonomian keluarganyo... Alun lai dari karyawan yang karajo di Rumah Sakik tu... Malaysia bisa rancak kualitasnyo, karano pemerintah dan rakyatnyo komitmen maningkek-an kinerja dan kualitas dirinyo, karano kualitas yang rancak didapek dari proses yang mambutuhkan waktu....Baliak ka kito sorang nio ndak maningkek-an kualitas diri kito....?? Japang maju karano basinergi saliang bantu jo saliang mandukuang sarto saliang maisi kalau ado kelemahan kawan... Mako nyo Japang jadi negara Maju, insya Allah Chino jo India manyusul...Singapur pun alah mulai start pulo sebagai pusat transit perdagangan
wassalam Reza wassalam Reza -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================