Sabai Nan Aluih Tasabuiklah nagari di Minangkabau di zaman saisuak dulu, Nagari banamo Padang Tarok dan disinanlah manatap Rajo Nan Panjang jo bininyo Sadun Saribai. Pasanganiko punyo duo urang anak, anak padusi banamo Sabai nan Aluih, sadangkan nan bujang banamo Mangkutak Alam. Urang kampuang saisi nagari tau jo si Sabai sabagai gadih nan rancak, muluik manih kucindan murah, rajin, pandai mamasak dan mananun. Sabai pandai juo ilimu silek ka bela diri. Sadangkan anak laki-laki Mangkutak karajonyo iyolah bamain sapanjang ari, inyo hobi maadu ayam di galanggang. Tapi Rajo Babandiang sangaitlah sayang ka kaduo anaknyo, talabiah malah ka si Mangkutak, anak bungsu si biran tulang paliang disayang dek Rajo Babandiang.
Di sabalah nagari ko, banamo Kampuang Situjuah. Nan paliang kayo di Kampuang ko banamo Rajo Nan Panjang. Salain kayo, iyo bagak pulo, inyo pun tenar sabagai urang galiah, aka bapilin, maanggap sagalonyo dalam ganggaman tangannyo, barajo ka diri surang. Rajo Nan Panjang ko sangaitlah suko ka Sabai dan disampaikanlah lamaran janyo Sabai ka jadi induak bareh malalui anak buahnyo ka Rajo Babandiang. Indak bapikia duo kali, Rajo Babandiang jo Sabai manulak mantah mukasuik Rajo Nan Panjang. Maraso dihino karano lamaran ditulak, Rajo Nan Panjang bangih dan mamintak lego jo Rajo Babandiang. Sabagai rang Minang lah ka jaleh pantang manulak tantangan, musuah ndak dicari tapi pantang manulak. Mako sapakaiklah kaduonyo balego di Bukik Padang Panabuan. Lakeklah Rajo Nan Panjang sabagai urang nan galiah, bak pepatah talunjuik luruih, kalingkiang bakaik, Rajo Nan Panjang bausaho manang malawan Rajo Babandiang, ndak manimbang kalau caronyo tu halal atau haram, pokoknyo musti manang. Manolah nyo buek rencana jo anak buahnyo. jikok den nampak ka kalah, tembak jo sinapan dek ang angku Rajo Babandiang tu dari baliak rimbun samak kecek Rajo Nan Panjang. Baitulah kajadiannyo, salamo batandiang di Bukik Padang Panabuan, Rajo Nan Panjang tasasak dan kalah basilek dari Rajo Nan Panjang. Si anak buah nan manyuruak di baliak rimbun samak lah siap jo sinapan nan maarah ka Rajo Babandiang. Tibo-tibo sinapan malatuih dan Rajo Babandiang tagolek indak banyao lai. Dalam pado itu, surang anak gumbalo nan mancaliak kajadian tu manyampaikan langsuang ka Sabai jo Mande Sadun Saribai di Rumah Gadang. Ndak dapek dikato kaduonyo sangaiklak baibo hati. Disampaikan barito ko ka Mangkutak, tapi ndak jadi paratian dek nyo, karano masih asyik jo sabuang ayam. Sabai nan indak manarimo kajadian ko bajalan lah ka Bukik Padang Panabuan dan manyonsong Rajo Nan Panjang di sinan. Sakali lai Rajo Nan Panjang maajak si Sabai ka Induak barehnyo, sugiro pulo Sabai manulak, malah bapajaleh niek ka mambaleh kamatian Bapak. Sacapek kilek Sabai marabuik sinapan nan alah mailangkan nyao apaknyo dari anak Buah Rajo Nan Panjang dan door ! Rajo Nan Panjang pun tagolek indak banyao. Sabai pulang ka Rumah Gadang jo maik Bapak nyo. Bia Bapak indak ado lai tapi bak pepapah mambangkik batang tarandam, raso lah tabaleh kamatian Bapak. Sabai lah mambaliakkan harago diri jo namo baik sanak kaluarga lah cukuik maubek luko kailangan Bapak jadi bakurang. -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
