Assalamu'alaikum WW Ma St Marajo:
rumah gadang Raso jo pareso Kato nan ampek babiliak ba barando sawah bapimbatang ipa bisan jo sumando manuruik Katik Sati: Kato-kato cuma bisa diresapi dek nan pernah lalok disurau, nan pernah bagaluik disurau, nan pernah baintegrasi di surau. Malah nan indak pernah di surau, mungkin indak tau apo bana itu nan surau. Jikok dicaliak raso jo pareso nantun. Hukum syara' pun harus dipakai jo patuik. Ambo takana mak Lembang Alam mancontohkan. Sumbayang untuak kaum pria cuma wajib manutuik aurat dari pusar sampai ka lutuik. Iko hukum syara'. Tapi kalau di bao ka patuik malah batambah inyo. Lai katalok sumbayang dimusajik dakek urang rami pakai kain saruang sajo nan manutuik dari pusek sampai ka lutuik sajo? Cubolah agak sakali, kalau nan punyo raso jo pereso, pasti indak talok. Ciek lai, jikok sumbayang, cuma manutuik aurat pria nantun, cubo babaju dan pakodek baju jas untuak sumbayang, lai katakah tu indak. Iko nan patuik nantun harus diikuiki. Jadi patuik tu, iyo sesuatu nan talatak ditompaikno, dan sasuai jo kurenah nan harus diikuiki. Cubo leakan sipatu jo sarawa dalam diateh meja makan, walau sarawa jo sipatu tu baru dibali bana, manjajok namono. Bisa diurang indak talulua nasi, walau diawak itu biaso sajo. Ado ciek biliak nan urang iyo agak patuah bana disinan. Namono biliak [EMAIL PROTECTED] , nan dikhususkan untuak urang barajo bahaso Arab. Disinan iyo sanang ati, dek iyo bana fokus ka ciek itu sajo (kadang ado cc nan dari sinan ka milistko). Indak ado nan mangaji adat, baceramah atau maota disinan doh. Kalau dapek iyo bantuak itu awak maharagoi suatu tompaik handakno. Alhamdulillah disinan lai tau urang bahaso "sawah lai bapimatang", walau email indak di moderatori dan banyak juo urang RN-ko nan sato disinan. Wassalamu'alaikum WW D. St. Parapatiah ----- Original Message ----- From: "Is Sutan Marajo" <[EMAIL PROTECTED]> | Ass. Wr. Wb. | =======================| | Awakko kan babateh bateh dalam bacarito, dalam rumah gadang ado carito | nan cukuik di biliak sajo jan sampai ka barando, ado carito nan sampai | ka barando tapi ndak kalua dari rumah gadang, kok carito biliak sampai | ka barando tantu awak di pabodohkan urang. | Baitu juo ko pamakaian kato, karano palantako dari nan ketek sampai ka | inyiak2, dari sumando sampai ka mamak rumah ado disiko tantu dipakai lah | bahaso nan sasuai atau paralu bana diparatian kato nan ampek. | Kalau awak mangecek cerdas mamak ko tantu ndak sasuai kato nan dipakai, | urang mamuji cerdas ko ka nan ketek, ado pulo member banyak nan cerdas | ado kato nan indak tasabuik bahaso memberko ado juo nan indak cerdas, | kan sombong bana awak, ba'a kecek da ad jan lah pakai kaco mato kudo, | paralu raso jo pareso. | | Sakitu se dari ambo | Talabiah takurang ambo minta maaf. | | Salam | Is St Marajo | www.cimbuak.net | Kampuang jauah dimato dakek dijari -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
