Mokasih banyak ulasan riwayaik no Mak Ngah,... Disalo carito Mak Ngah tun, talinteh pulo riwayaik kareta api baro dari Mak Darul,.. nan karicih no bawarna hijau, kiro-2 sagadang batu domino tu. Ambo sempat pulo manikmati kareta ko, katiko diajak Enek libur ka kampuang dari Bkt. Sabab, umua 6 thn ambo alah tingga di Bkt karano Bpk ambo batugeh di Bkt, maraso jauah bulak-baliak ka kampuang. Kalau pulang naiak kareta,...biaso no manunggu dulu di Aua Tajungkang, kareta nan dari Stasiun. Sambia manunggu, ambo makan kacimuih atau lapek bugih di bangku stanflaat disampiang Enek. Kadang digusuak-gusuak no kapalo ambo sambia mancaliak ambo makan kacimuih (enek ambo, iyo agak balabiah sayang no ka ambo). Sanang bana ati kalau kareta tu lah mulai marayok nampak dari arah stasiun, "kocoh-2" bunyi no, manimpali bunyi "klak-2" papindahan roda ka rel nan dimuko ba sahut-2an. Ambo manjanguah kalua ka barangin-rangin mancaliak oto jo bendi nan lalu. Di lua ado anak-2 tangguang nan manggiliangkan paku gadang untuak ka pisau. Kareta mulai kancang malalui pamandangan sawah sampai ka Tanjuang Alam. Asok hitam mangapua ka ateh....cuuuiiiit....cuuiiit.... sampai ka di Biaro. Dari Biaro kami bajalan kaki ka Koto Marapak. Enek mambimbiang tangan ambo bajalan sambia manjujuang pambalian no dari pasa. Panek Jang ? jano baliau sasudah malewati sakola Lambah. Ambo manggeleang sajo sambia galak,... liau galak pulo... hehehe. Kini ndak ado kareta tulih Mak Ngah, rel no pun ndak nampak lih. Antah bacabuik antah batimbun,... ndak jaleh. Urang kini,...kalau pulang ka kampuang, alah jo oto sampai kamuko rumah. Baitulah Mak Ngah, zaman alah barubah...nan katibo antah ka baa pulo... Wass, Asadi Rasyid Sjamsir Sjarif <[EMAIL PROTECTED]> wrote: Jauah lai ka bulakang dari sagi wakatu, ambo baru baumua kiro-kiro ampek tahun, tantu tahun 1938-39 du, baitu jauahno nan takana. Amb lahia 18 April 1935. Ayah ambo Guru di Sikolah Nagari Larak, Panampuang, Ampek Angkek. Daun paisok liau iyo daun nipah tun. Santo baliau santo nan lunak, biasono baliau tanyoan di pasa kalaul ai timbakau Pikumbuah atau Timbakau Canduang.
Di Pasa Ateh ado saririk los sabalah kalua urang manjaua santo jo daun nipah jo daun anau. Ambo sanang mancaliak tukang santo manguduang-nguduang daun nipah tu dipasa. Diambiakno sagadang bara nan bakandakkan. Misano saganggam. Daun tu di kadai panjang-panjang saroman lidih karambia elok ka sapu. Sudah diambiakno agak saganggam, dikuduangno, kiro-kiro 12 cm. Sudah tu diantak-antakanno kuduangan jo kuduangan nan tingga tu untuak manyamokan jo ukuran nan cako, 12 cm. Taruih mantun sampai abih kiro-kiro ka nan ketek ka pucuakno. Sudah tu dikabek jo kajai, diobawo pulang. Sabagian masuak kopek santo. Nan bakabek jo kajai tu babao tapisah. Tibo di rumah baandokan di ayah, karano lah pangalaman kabek kajai no tun ambo ambiak, sahinggo daun nipahno baserak. Daun nipah nan dalam kopek santo tun, aman, indak baa doh kok ambo ambiak daun nipah tu diisok ciek-ciek saroman ayah, walaupun indak pakai api, purak-puak maisok sajo. Takana jo ayah maso ketek-ketek tu, sambia ambo bapaluak baelo-elo pisok liau dari muluik liau. Untuak indak mangaduah, baliau tunjuakan ambo baa mambuek pisok daun nipah tu. Daun nipah tu taguluang duo arah. Jadi untuak mandatakanno, didielo-elo jo duo amputangan diateh, jari-jari lain di bawah. Sudah data saketek, dipatah-patahkan dilipek kabulakang kiro-kiro 2cm daru ujuangno. Sudah tu dilipek lo ciak lai, sampai taruih ka ujuang nan cieek lai. Sudah tu ditakan-takan, dipiciak-piciak saketek. Sudah tu dibukak lipekno, mangko daun tu jadi data saoman karateh rokok. Sudah tu dilatakkan santo saketek, diguluang, diisok. [Sanang lo Caro Awak ko yo? Banyak Sudahtu no!]. Tapi kalau untuak ambo, ayah indak mangguluang jo santono do. Kecek baliau kalau anak-anak maisok jo santo, biko ranguak awak. Indak baa doh, awak lai dapek maisaok saroman ayah lo.Tampak-tampak kini Ayah galak-galak sajo mancaliak ambo maisok. Wakatu maso Bulando tu ado Kotak Api-api, merekno "Angku Lareh Sungai Pua". Tampak-tampak di ambo kini du gambar tu. Tapi kotak api-api tu biasono baandokan dari ambo takuik ayah kok ambo main-main api di bulakang liau. Katu lah sikolah saketek maso Japang, anak-anak lain masih takana jo piapi gambar Angku Lareh tu. Pantunno nan indak lupo-lupo sampai kini iyolah "Angku Lareh Sungai Puak. Cik Kareh ndak amuah kalua" ... Itu pantun anak-anak sisuak ... Banyak pantun kami nanganjaia-ganjia maso ketek. Indak tahu awak aa pantun bawah tnah anak-anak kini. Tapi maso Japang, kaadaan ekonomi barubah. Api-api lah sarik. Sagalo maha. Kalau ditungku, api tungku biasono baisoan bsaro-baro api labiah-labiah malam untuak pagi. Namo untuak ka "induak api". Kok induak api indak ado lai di tungku bisuak pagi, tapaso pai ka rumah sabalah mintak baro iduik. Biasono kok baro no sarik, dibawo sabuik karambia. Disuloan sabuik ka baro di tungku dapua rumah sabalah. Sudah tu sabuik tu dibawo ka dapaua awak untuak maaiduikan api di tungku awak. Kadang-kadang untuak paiduikan pisok, ayah pai lo ka tungku maiduikan pisok liau. Kalau indak ado, mangko katu tu Maso Japang tu lah ambo baraja mancakuih apik jao batu cakuih. Biasono ado batu cakuih basandiang-sandiang. Ciakuih jo basi ketek, namo no basi cakuih api. Dilatakan rabuak saketek di batu tu, dipaciak jo ampu jari kida, dicakuih jo batu cakuih nan dipaciak jo tangan suok. Dek dilompeki pancaran api tu mangko rabuak ko manjilek api, barasok. Sudah tu diambuih-ambuih, dimasuakan ka ujuang pisok. Diiruik-iruk mangko sudah tu sananglah hati maisok. Ado lo daun pisok nan lain, daun anau. Tapi ambo indak suko jo daun anau. Mamak ambo suko maisok daun anau. Ano agak parewa saketek. Jadi kalau mamak datang aman no, indak ka mintak buekan pisok ambo doh. Tapi ambo suko maelo-elo pisok dari arangno sadang maisok. sunguik no agak kasa lo setek. Kadang-kadang ambo eloan sunguik no. Ayah bisasono maimbau ambo duduak dakek liau, liau buekkan pisok untuak ambo untuak peengah supayo jan mangganggu mamak juo. Sabanano baliau indak namuah ambo dakek-dakek ka mamak, karanoo ano dek pangok. Sakitulah asakadar kanangan anak ketek di Kampuang Baso Bulando jo Maso Japang. Oh, takano lo ciek. Di Pikumbuah Pek Ten, pisok ko namono "duduk". Kalau kawan mintak piosok, kecekno, "Duk ciek baa?". Kalau kawan manjawab jo helah, "Daun obih". Tambah mayakinkan, "Daun lai Pek Nyiak ha..." Tambah helahno, "Timbakau lambok .." :) Salam, --MakNgah > >From: asadi rasyid >Date: Sat Mar 25, 2006 2:58 am >Subject: Re: [EMAIL PROTECTED] Artikel : Moral Exclusion dan Rokok [EMAIL >PROTECTED] > >Mak Ban,.. ado-2 min... > Mambaco carito daun nipah ko, .. panjang pangana ambo jadi no Mak,... > tabao >suruik jauah kabalakang,... ka thn 60-an. Takana Uwo (kakek), Enek, Mamak jo >sanak nan indak ka basuo lai. Urang-2 nan mangasiah & manggadangkan kito dalam >tradisi kebersamaan, gotong royong, saliang toleransi dan kesantunan nan masih >kental. Maso-2 baralek atau manyabik jo mairiak padi. > Ambo sempat pulo iseng-2 mancubo, ...katiko tu kalene bana baru,... maso-2 >kalaih 4 - 6 SD. Sudah makan katan jo sanok di sawah, ....diagiah no di kanti, >......nan jano diambiak no dalam salapah Mak Sati katiko talengah....hehehe. >Tapi indak pakai timbakau doh Mak, ....daun no min nan baguluang... khas raso >no. Sampai kini alun ilang raso no di lidah lih (masih takana). Maisok no pun >mandok-2 di balakang surau.... hahaha... > Terakhir ambo pulang thn 2004, ndak nampak lih Mak. Nampak no, lah > baganti jo >rokok putiah. Kok ado bana, mungkin surang baduo nta nan tingga maisok >daun anau >tu barangkali lih.... > Kalau pulang sakali-2, lai sempat juo Mak lalok di sawah (dangau) > Mak ??? > Wass, > >[EMAIL PROTECTED] wrote: > > >Haaa ...... iko iko bana nan jadi "adaik" di banuampu. >Tiok "urang baru", harus mambaso'i rokok daun anau >ka urang2 nan ditamui dijalan. > >Antah kok kini lah punah "adaik" ko. > >Kpd sidang rantaunet. >Ma'af. Diquote kasadono baliak untuak konsumsi >rang banua di banuanet. > >Wass >mak ban >~~~~~~~~~ No virus found in this outgoing message. Checked by AVG Anti-Virus. Version: 7.1.385 / Virus Database: 268.3.1/291 - Release Date: 3/24/2006 -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- New Yahoo! Messenger with Voice. Call regular phones from your PC for low, low rates. -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
