Waalaikum salam,wr,wb. Adinda Wady Sutan Pamenan, sebagai seorang generasi mudo Minang nan masih mamakai adaik jo sopan santun caro awak urang Minang, ambo sangaik apresiet dan maharagoi jerih payah dan usaho adinda dalam ber-internet ria dengan nuansa keminangan ko. Mungkin kito babeda asa nagari, bebeda suku, bebeda tampek tingga, tapi kito tetap disatukan dengan Minangkabau.
Silahkan adinda Tan Pamenan berkiprah di milis Urang Awak nan subana urang awak tu. Kami akan tetap memantau keberadaan milis nan adinda kelola tersebut. Mungkin segment pasar nan babeda, atau spesialisasi topik pembicaraan nan babeda mako topik pembicaraan kito akan bebeda pulo. Silahkan sajo kito taruihkan, mungkin disuatu saat kito bagabuang basamo-samo. Wassalam, HM Dt.MB (49+) Rang dapua RGM GM ----- Original Message ----- From: "Wady Afriadi" <[EMAIL PROTECTED]> To: <palanta@minang.rantaunet.org> Sent: Monday, April 10, 2006 10:31 PM Subject: [EMAIL PROTECTED] Kato Pasambahan > > Yth. Niniak Mamak, Cadiak Pandai > sarato Dunsanak kasadonyo > Salingkuang Palanta Rantaunet > > Assalamu'alaikum w.w. > > Maaf jo ampun nan ambo mintak, jikok tarnyato apo nan ambo sampaikan indak pado tampeknyo. > Lah lamo kito bacarito bakucindan di berbagai palanta, walaupun namo balain tapi urangnyo samo itu ka itu juo, yaitu urang awak. > > Salain manjadi member di berbagai milis urang awak nan memakai berbagai namo, ambo mintak maaf jikok salamo ko ado nan talantuang dek ka naiak sarato talendo dek katurun, jikok ado sasek jo kaleru sarato lupo nan ndak jadi kaingatan. > > Maklum lah, jikok umua alun lai sataun jaguang, darah lai alun sa tampuak pinang. Utang niniak mamak untuak manunjuak-ajari. > > Nan kini nangko, ambo selain manjadi anggota di berbagai palanta urang awak tu, kabatulan ambo sato-sato pulo jadi moderator di palanta untuak urang awak nan banamo "Urang Awak" bana, baalamaik urangawak@yahoogroups.com, dengan barando di http://groups.yahoo.com/group/urangawak. > > Mungkin ado juo dunsanak nan bagabuang di palanta "Urang Awak" tu, salain di palanta-palanta lainnyo. > > Ambo andak mangabakan bahasonyo kini barando "Urang Awak" tu memiliki tampilan baru. > Sasuai dalam adaik, sabananyo kain usang juo nan bapakai, tapi dek bacaluik jo rono baru jadi nampak baru. > > Jikok dunsanak berkenan manyigi, silahkan kli barando di http://groups.yahoo.com/group/urangawak tadi tu. > > Barikuik ko adolah Sekapur Sirih kato pengantar nan ambo cubo manyusun surang. Mohon bantuan niniak mamak sarato cadiak pandai untuak mangoreksinyo: > == > Sarantak balam jo barabah, barabah lalu balam mandi > Sarantah salam jo sambah, sambah kami susun jo sapuluah jari > Mano lah sagalo niniak jo mamak, cadiak pandai suluah bendang dalam nagari > Sarato bundo kanduang limpapeh rumah nan gadang > > Sakali aia gadang, sakali tapian barubah > Sakali musim batuka, sakali caro baganti > > Namun nan kuriak iyo tatap kundi, nan sirah iyo sago > Nan baiak iyo budi, nan endah iyo baso > > Itulah adai nan indak lakang dek paneh, indak lapuak di ujan; > adaik banamo sopan santun > > Lamo bana punai malayang > Inggoknyo tatap ka buah palo > > Lamo bana kito di rantau urang > Adaik jo limbago jan sampai lupo > > Bapisah usahlah mambuek carai > Jikok gantiang jan sampai putuih > Di palanta Urang Awak kito jalin silaturrahmi > > Ketek usah disabuikkan namo, gadang usah bahimbaukan gala > Indak basisiah jo basibak, indak babarih jo ba balabeh > Usah dibateh jo bahinggo > Molah dunsanak kasadonyo > > Namun baitu, dalam bagarah bakucindan > Raso jo pareso tatap di jago > Usah lupo jo kato nan ampek > Iyolah kato mandata, kato malereang, > Kato mandaki, sarato kato manurun > > Tau jo condong ka maimpok, > Sarato gadang nan ka malendo > > Dijago alua jo patuik, sarato ereang jo gendeng > Lamak di awak, katuju di urang > > Baitu lah adaik Minangkabau > > Sakian sambah sujuik dari kami, > Silang nan bapangka, karajo nan bapokok > > Wassalam, > (Moderator) > > == > > Baitu lah kiro-kiro. > > Sakali lai maaf jo rila nan ambo puhunkan, jikok talabiah takurang, tasasek jo takaleru. Mudah-mudahan silaturrahmi kito sabagai anak nagari Minangkabau tatap tajago di maso-maso mendatang. > > > Wassalamu'alaikum w.w. > Wady Afriadi Sutan Pamenan > (32 th) > Parung, Bogor 16330 > urangawak@yahoogroups.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
