Maa Angku Junaidi Malin Basa,
Kalau ado urang nan manyabuikkan urang lain badoso, apo lai doso nan
marupokan karam sapulau saroman tu, iyo kito baruik sajo dado, kito
baliakkan kaji ulama tu jo galak manih.
Bacokan kaji nan kito lafazkan tiok Sumbayang Subuah, tiok Sumbayang
Jumaat, tiok Sumbayang Hari Rayo nan Duo:
"Inna ilainaa iyaa bahum,
Tsumma inna 'alainaa hisaabahum".
Salam,
--MakNgah
From: jun aidi <[EMAIL PROTECTED]>
Date: Mon Apr 17, 2006 3:55 am
Subject: [EMAIL PROTECTED] Harato pusako [EMAIL PROTECTED]
Assalamu'alaikum wr. wb.
Manolah sagalo niniak mamak, alim ulama, cadiak pandai suluah bendang
dalam
nagari, ka pai tampek batanyo ka pulang tampek babarito, bundo kandunag
limpapeh
rumah nan gadang, ambang puruak aluang bunian, urang mudo nan capek kaki
ringan
tangan, kok ketek indak diimbau namo kok gadang indak dipanggiakan gala.
sairing balam jo barabah
balam lalu barabah mandi
sairing salam jo sambah
sambah lalu salam kumbali
Tasirok darah di dado, tapacak paluah di kaniang, gumanta sagalo
pasandian,
takana lai takato tido bak sibisu barasian.
Minggu kapatang ambo basuo jo salah surang sumando awak dan baliau ko
adolah
salah surang imam disiko dan hafidz Alqur'an. Ado pernyataan baliau nan
sangaik
mangajuikkan ambo yaitu sado urang minang badoso karano mareka indak
bahukum ka
hukum Allah dalam pambagian harato pusako.
Bari luruih ambo batanyo, karano aka singkek pandapek balun, umua nan alun
sataun jaguang darah nan alun satumpuak pinang, baa bana harato pusako di
minang
tu kalau dikaji dari hukum islam. Gaca juo ambo mandanga kalau ambo turuik
manangguang doso kolektif, indak ka takao di badan diri ko doh ka manangguang
hukuman Allah.
Anau kaciak gadang palapah
tolonglah runduak runduak-an
awak kaciak mudo matah
kok salah tolong tunjuak-an
Wassalam
Junaidi (39), kandang singo
No virus found in this outgoing message.
Checked by AVG Anti-Virus.
Version: 7.1.385 / Virus Database: 268.4.1/313 - Release Date: 4/15/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
