Harato pusako urang Minang pado umumnyo ado duo macam yaitu : 1.Pusako Tinggi.
Karano rang Minang ko menganut Matriarkhat, mako harato pusako terutamo sawah-ladang nan disabuik juo harato tuo ,indak buliah diwariskan ka anak laki-laki. Karano nan manjawek waris ko adolah pihak dunsanak padusi. Jadi si mamak indak bisa maagiahkan sawah/ladang tu ka anaknyo ( mambao ka rumah istrinyo). Karano harato itu hanyo buliah turun ka kamanakan. Harato iko adolah pusako dari nenek-moyang jaman dulu nan manaruko daerah tu. ( Cikal-bakal keluarga) Jan kan di-agiahkan ka anak ,untuak manjua harato itupun cukuik banyak kriteria yang harus dipanuah-I seperti nan lah banyak kito danga. Jadi karano kondisi ko lah co itu sajak dulu, rasonyo kurang tapek menegakkan hukum syarak disiko.Indak ado jariah ranggaek kito disitu, antah sajak bilo harato itu lah jadi milik keluarga besar kito. Justru kalau si -laki2 maambiak jatah disiko nan agak di cibiakan urang kampuang.Karano tugas laki-laki adolah manjago harato pusako, kalau bisa menambahnyo untuk meningkatkan kesejahteraan kamanakannyo Nan acok jadi masaalah kalau dalam keluarga lah merupakan keluarga nan mandakek-I punah. Hanyo ado anak laki-laki sajo, indak ado anak padusi dalam keluarga tu sahinggo kadang para lelaki yang ada berusaha menjual harato pusako iko, karano inyo indak bisa langsuang ma agiahkan ka anaknyo. Dari pado jatuah pado keluarga lain ,elok hasia penjualannyo untuak anak ambo keceknyo. Walau banyak bana harato pusako handaknyo si mamak jan talalu capek menjuanyo. Karano kecek rang tuo-tuo, manjua harato tuo kurang berkahnyo ( mungkin dianggap satangah barang paneh, awak tingga maabihkan sajo. Karano indak ado jariah kito atau ranggaek kito dalam pengadaan harato itu. Bahkan kini yang banyak jadi masaalah adolah harato pusako yanglah sempat disertifikatkan. Kalau sertifikat nan diterbitkan BPN/Dinas Agraria itu ateh namo mamak dikhawatirkan anaknyo akan mendakwa itu merupakan haknya. Untuak itu didaerah kami, kini kalau tanah pusako akan disertifikatkan indak buliah lai ateh namo mamak/laki-laki tapi harus ateh namo kaum/ pesukuan ( hasil Mubes Adat- Syarak Ampek Angkek 2006) 2.Pusako Randah. Kalau iko baru bisa diwariskan manuruik hukum islam karano inyo merupakan harato pencarian/ gono-gini urang tuo kito. -----Original Message----- From: [EMAIL PROTECTED] [mailto:[EMAIL PROTECTED] On Behalf Of jun aidi Sent: Monday, April 17, 2006 10:56 AM To: palanta@minang.rantaunet.org Subject: [EMAIL PROTECTED] Harato pusako Minggu kapatang ambo basuo jo salah surang sumando awak dan baliau ko adolah salah surang imam disiko dan hafidz Alqur'an. Ado pernyataan baliau nan sangaik mangajuikkan ambo yaitu sado urang minang badoso karano mareka indak bahukum ka hukum Allah dalam pambagian harato pusako. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
