Iyo Bundo, kok Caro Arab ko indak mudah doh indak ka sadang jo kaji di
Lapau sajo doh. Ambo cuma mancigok-cigok dari bulakang Lapau pulonyo.
Sajak sikola ibtidaiyah dahulu Maso Japang ambo alah mangaji-ngaji "ana
azhabu ilal madrasah" tu. Sampai-sampai marancah-rancah gunuang jo rimbo
katu bagolak jo Pak Imam (M. Natsir), Buya Uki (Duski Samad), Angku
Zamzami Kimin (Pek Ten), Bachtazar Suleman (Lintau), Amelz (Aceh) sadonyo
lah almarhum kecuali Buchari Tamam (Banuampu, kini di Jakarta barangkali),
dll, kalua pulo istilah kami"minal jibal ilal jibal" ... Sudah tu tahun
1978 babanam pulo di University of Californnia salamo summer mangaji
intensif Caro Arab, Guru-gurunyo sabana urang-urang Arab. Palestina jo
Israel. Sudah tu batakun-takun pulo jo CD Rom. Namun Caro Arab ambo alun
dapek dipagalehan juo lai. Ingin pulo kito mandanga nanti hingga maa pulo
pasiahnyo caro Arab SBY tu. Sagalo buku tafsir tigo bahaso kumpulan, itulah
nan manolong di rumah. Cuma saroman amphibi, kalau ka Gym ambo Caro
Sipanyol jo anak-anak Hispanik, ka Musajik ambo Caro Arab jo Jamaah kami
nan anggotanyo dari berbagai nagari Arab.
Kok manyabuik harato pusako di Kampuang tu, bana tu kato Bundo. Dalam tahun
1963-1966 (sasudah ambo basuo jo Nis jo Rumzy di Rumbai) ambo baliak ka
Bukittinggi batugeh babanam di Pengadilan Negeri Bukittinggi. Salain babega
mainterview pamuko dan ahli-ahli adat di Kampuang Halaman, ambo buliah
dikatokan siang-malam tamasuak weekend mambaco sagalo arsip pakaro-pakaro
harato ko dari tahun 1897-1965. Di sinan bacampua perdata jo pidana, hukum
Islam jo hukum adat, warih-suwarih, basalingkuah anak-kamanakan
sunduik-basundauik, memang ado pulo bakuah-darah ...
Salam,
--MakNgah
From: "Hayatun Nismah Rumzy" <[EMAIL PROTECTED]>
Date: Sat May 6, 2006 11:16 am
Subject: Re: [EMAIL PROTECTED] SBY Akan Seriusi Bahasa Arab [EMAIL PROTECTED]
Bandaro samoga sihaik2 sajo ayah jo bundo lai sanang2 sajo - Ari Sabtu samo
Minggu iyo langang indak mangarati bundo sababnyo - usul Bandaro iyo bundo
sambuik dengan sanang karano itu iyo sasuai jo visi jo misi Rantau Net nan
sabananyo tapi banyak nan ingin mangubahnyo kini lah metamorfosa manjadi
sikola bahaso Arab - bundo iyo indak kabaraja doh diumua bundo nan hampia 70
ko. Lai banyak buku2 terjemahan dan koleksi diperpustakaan bundo lai cukuik.
Ditambah pulo ka mambagi2 harato pusako tinggi nan indak pancarian induak
ayahnyo. Galak2 bundo mandanganyo cubolah pulang kampuang sabuik harato
pusako tinggi tu nak tajadi patumpahan darah. Sakian dulu apoko Bandaro
sadang dilauik?
Wassalam
Hayatun Nismah Rumzy
No virus found in this outgoing message.
Checked by AVG Anti-Virus.
Version: 7.1.392 / Virus Database: 268.5.5/333 - Release Date: 5/5/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================