Assalamualaikum w.w. Dunsanak Sutan Sinaro, kalau kito bicaro soal limbago, amuah indak amuah kito akan bicaro soal otonomi daerah, nan kini diatur dek Undang-undang Nomor 32 Tahun 2004. Pado dasarnyo tasarah ka Nagari untuk maatur limbago apo nan kadibantuak, sapanjang indak batantangan jo hukum negara Republik Indonesia. Nan bisa diatur dek paraturan adat pado dasarnyo adalah pakaro perdata, sabab pakaro pidana tamasuak dalam wewenang Negara, diatur dalam KUHP dan hukum acaranyo KUHAP. Dulu ambo sato managakkan LKAAM dalam tahun 1966 dan manjadi sekretaris salama anam tahun. LKAAM indak paranah dirancanakan untuk mampunyai wewenang eksekutif dalam adat, karano mukasuik pambantuakannyo pado awalnyo adolah sabagai samacam konfederasi para pemangku adat untuak mandorong mambangun nagari. Apolagi kan adat salingka nagari. Indak ado otoritas adat di ateh nagari, bahkan karajaan Pagaruyuang juo indak mamarentah nagari. Sayangnyo sampai kini alun ado buku sejarah :LKAAM nan alah baumua 40 tahun itu. Syukurnyo kini ado mahasiswi di Padang, Yesmawati namonyo, nan sadang manulih skripsi soal sejarah LKAAM iko. Nanti kito bacolah apo nan dapek diungkap dek ananda kito itu. Untuak saluruah Minang ambo anjurkan bueklah dahulu Kompilasi Hukum ABS SBK sabagai rujukan bagi bafungsinya limbago-limbago nan dunsanak anjurkan tu. Kalau limbago dulu dibantuak baru 'software'nyo disusun apo indak kalang kabuik beko nan ka duduak di dalam limbago tu ? Saroman jo ibarat, kito bantuak dulu pamarentahan, baru dipikiakan mambuek undang-undangnyo. Kan tabaliak ? Wassalam, Soetan Madjolelo (69th)
Sutan Sinaro <[EMAIL PROTECTED]> wrote: Wa'alaikum salam. w.w. Masalahnyo sabananyo bukan di sinan pak Saaf. Sabananyo bana manuruik hemat ambo, "frame" nyo lah ado di urang tuo-tuo kito atau nan baranjak tuo atau urang-urang nan lai namuah "dikatokan" baradaik, nan akan manjadi tuladan. Nan jadi masalah adolah dalam "pemberlakuan" hukum nyo ko. Anak-anak mudo nan baru gadang, batanyo tanyo dalam ati, nan ma hukum nan sabananyo ko ?. Dek karano nan balaku hukum tu masih mengacu ka hukum-hukum balando jo hukum-hukum produk kini. Tambahan lai jo keadaan "sekuler " kini ko. Dan LKAAM sebagai lembaga indak ado wewenang nan panuah taradok sagalo pakaro adat nan ado do. Kok ado "sia baka", ko ado "maliang curi", kok ado "sumbang salah" nan LKAAM indak bisa manga-manga do kan ?. Jadi nan mudo-mudo ko tantu paniang mancaliak keadaan ko, al hasil.... eh gaya jakarta aje .... aaa tantu bitu jadinyo. Apo lai kini kasadonyo lah bisa pulo dipamain-main kan hukum tu jo pitih. Balain jo dulu, kalau lah babuek sumbang salah, tabuang sapanjang adat. Dek karano hukum ko balaku. Ado urang-urang dalam kaum ambo nan sampai hari kini indak barani "nongol" ka kampuang dek karano itu, kecuali malam hari dan malam tu juo barangkek kalua. Walaupun kini mereka lah tau kini hukum lah balain, tapi nan manjatuahkan ka mereka dulu adolah hukum dulu, sahinggo raso jo pareso mereka sampai kini ado bahaso mereka lah tabuang sapanjang adat. Iko masalah sabananyo pak Saaf. Itu mako kecek ambo lembaga ko tagak dulu, sampai dima wewenang nyo dalam hukum di Minang sendiri sampai ka kerangka hukum Indonesia takah Aceh. Baitu... Wassalam St. Sinaro Saafroedin BAHAR wrote: Assalamualaikum w.w. Tarimo kasih dunsanak Afrizal. Kursus adaik/ adab itu indak bisa disarahkan sajo ka sikola, tapi haruih disalangarokan dek masyarakat sandiri. Kalau bisa disatukan jo baraja mangaji, sahinggo jadi satu dunia jo akhirat. Labiah rancak lai kalau sajak dari rumah tanggo hal iko ditangani. Untuak itu paralu dibuekkan buku-buku patunjuak nan alah diolah sabaiak-baiaknyo. Wassalam, Soetan Madjolelo (69th) afrizal syafri wrote: Ambo sapandapek jo mak Bahar, iyo paralu kursus adaik ka ganarasi mudo. Banyak rang muda minang indak tahu jo adat nyo lai, Diantora adaik / adab / etika nan paralu diajakan adolah : 1. Adaik mangecek ka urang tuo, cibo paratikan banyak rang mudo lah pakai kamu bagai ka apak nyo. 2. Adaik basopan santun terhadap tamu, cibo perhatikan kok manarimo tamu, tuan rumah duduak ma angkek kaki di kursi. 3. Adaik basapoan, sia nan partamo wajib manyapo. 4. Dll Mungkin adaik ko indak dijalankan bana dek urang awak kiniko, jadi nahi mungkar indak bajalan bana dikampuang awak kiniko. Wassalam Afrizal --------------------------------- Yahoo! Messenger with Voice. PC-to-Phone calls for ridiculously low rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Love cheap thrills? Enjoy PC-to-Phone calls to 30+ countries for just 2ยข/min with Yahoo! Messenger with Voice. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
